Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Balla dhe ministrja e arsimit Evis Kushi prezantuan këtë të premte paketën e re të sigurisë nëpër shkolla.
TIRANË- Ministri i Brendshëm,Taulant Balla dhe ministrja e arsimit Evis Kushi prezantuan këtë të premte paketën e re të sigurisë nëpër shkolla.
FJALA E BALLËS:
• 1 Shtatori është dita e duhur për të diskutuar shkollat dhe vitin e ri shkollor 2023-2024, ndërsa institucionet e arsimit parauniversitar hapin dyert pas pak ditësh, më datë 11 shtator.
• Ministritë tona, Ministria e Arsimit dhe Sportit dhe Ministria e Brendshme, kanë një rol të drejtpërdrejtë dhe njëkohësisht një përgjegjësi të madhe në garantimin e mbarëvajtjes së vitit shkollor, si në rrafshin mësimor ashtu dhe në atë të sigurisë.
• Policia e Shtetit ka detyrën e garantimit të sigurisë publike në të gjitha format. Kur prindërit, gjyshërit, i çojnë fëmijët në shkollë, ata ia besojnë fëmijët Shtetit. Jo vetëm institucioneve arsimore, publike a private ku i kanë rregjistruar.
• Kur i dorëzojnë fëmijët në derën e shkollës, prindërit duhet të jenë të sigurtë që asgjë e keqe nuk do t’u ndodhë atyre, jo vetëm brenda por edhe përreth mjediseve të shkollës ku ata natyrshëm kalojnë kohë gjatë apo pas orarit të mësimit. Duhet të jenë të sigurtë që fëmijët e tyre nuk do të përfshihen në akte dhune, bullizmi, në konflikte, aksidente rrugore, episode shfrytëzimi apo abuzimi të çdo lloji nga elementë kriminalë, ku shqetësimi im dhe i publikut është sot rritja e numrit të përdoruesve të lëndëve narkotike tek gjimnaziztët.
• Të gjithë biem dakord se siguria e fëmijëve tanë shkon përtej murit apo oborrit të shkollës. Kur ne i dërgojmë fëmijët në shkollë, ata natyrshëm vihen në kontakt e ndërveprojnë me gjithçka ndodhet në PERIMETRIN përreth saj: shitësin ambulant që shet ushqimet nga kangjellat, bari-lokali pranë shkollës, automjetet kur duhet të kalojnë në rrugën apo edhe me persona që duan të përfitojnë nga mosha dhe vulnerabiliteti i tyre.
• Bashkë me Ministren Kushi, duam të përcjellim një mesazh të qartë për të gjithë: askush nuk duhet të guxojë të kryejë veprime të paligjshme brenda Perimetrit të Sigurisë së shkollave.
• Në këtë kuadër, dëshirojmë të shpallim sot, së bashku me Ministren e Arsimit, një paketë të re masash për sigurinë në shkollat tona të arsimit parauniversitar.
SIGURIA PUBLIKE
• Së pari, do të normojmë përkufizimin e konceptit të Perimetrit të Sigurisë në shkolla si ato hapësira fizike përreth shkollave, ku fëmijët qëndrojnë, ndërveprojnë dhe kalojnë pjesë të kohës së tyre para apo pas mësimit e që përfshin rrugët dhe rrugicat përreth kufijve të shkollës si dhe të gjitha aktivitetet tregtare (dyqane, kioska, njësi biznesi) që ushtrohen brenda kësaj hapësire.
• Strukturat vendore të Policisë së Shtetit, në bashkëpunim me Bashkitë, do të identifikojnë dhe përcaktojnë Perimetrin e sigurisë së çdo shkolle, sipas vlerësimit të situatës në terren, por në çdo rast jo më pak se 50 metër rreth gardhit kufizues të secilës shkollë.
• Do të ndërmarrim një qasje të re penale në raport me veprat që vënë në rrezik apo cenojnë sigurinë e fëmijëve brenda këtij Perimetri Sigurie.
• Brenda këtij muaji, do të propozojmë një paketë ndryshimesh ligjore për ashpërsimin e dënimit për veprat penale që kryhen brenda Perimetrit të Sigurisë së shkollave, duke filluar në radhë të parë nga shitja dhe shpërndarja e lëndëve narkotike, e më tej mbajtja pa leje e armëve të zjarrit dhe armëve të ftohta, si dhe çdo vepër dhune, shfrytëzimi, prostitucioni apo pornografie.
• Objektivi ynë kryesor është parandalimi i kriminalitetit dhe i përdorimit të substancave narkotike në radhët e të rinjve, si dhe goditja pa kompromis e rrjetit të shpërndarjes së drogës në Perimetrin e Sigurisë në shkolla e në rang vendi. Në ditët në vijim dhe sistematikisht në javët në vijim, unë presnga Policia në bashkëpunim me Prokurorinë, rezultate domethënëse në luftën kundër “spaciatorëve”. Ky është një Operacion Kombëtar, më i madhi i zhvilluar ndonjëherë, nën komandën direkt të Drejtorit të Përgjithshëm të Policisë së Shtetit.
• Me veprime konkrete, duhet t’u përcjellim nxënësve dhe të rinjve, ndjenjën e afërsisë dhe besimit që duhet të kenë ndaj punonjësve të Policisë së Shtetit dhe Oficerëve të Sigurisë në shkolla.
• Punonjësit e Policisë së Shtetit që, me veprimet apo mosveprimet e tyre, thyejnë besimin e të rinjve dhe komunitetit dhe njollosin uniformën e policit, duke toleruar, kthyer kokën nga ana tjetër, apo më keq, duke u bërë bashkëpunëtorë të krimit që kryhet në Perimetrin e Sigurisë, do të përjashtohen automatikisht dhe përgjithmonë nga radhët e Policisë së Shtetit.
• Bizneset tregtare që do të përfshihen në veprimtari penale të rënda në Perimetrin e Sigurisë së Shkollave do të përballen me të gjithë forcën e ligjit deri në mbylljen dhe konfiskimin e pasurive. Këtu dua të jem i qartë! Një bar, ai lokali përballë shkollës, brenda Perimetrit të Sigurisë, tek i cili do të provohet nga Policia dhe konfirmohet nga prokuroria dhe gjykata, përfshirja në veprimtari kriminale të shpërndarjes së lëndëve narkotike, do t’i hiqet e drejta e ushtrimit të aktivitetit tregëtar.
SIGURIA RRUGORE
• Sa i përket sigurisë rrugore, do t’u kërkojmë Bashkive që të marrin të gjitha masat e nevojshme për vendosjen dhe mirëmbajtjen e sinjalistikës rrugore, vertikale dhe horizontale, dhe semaforëve të nevojshëm brenda Perimetrit të Sigurisë së shkollave, brenda një afati 90 ditor nga sot. Në përfundim të këtij afati, përmes strukturave të Policisë Rrugore, do të kryejmë monitorimin e gjendjes së sinjalistikës së sigurisë dhe do të marrim masat ndërshkuese ndaj kryetarëve të bashkive, të parashikuara nga ligji për përmbushjen e këtij detyrimi.
• Zbatimin e dënimit më të lartë të parashikuar nga Kodi Rrugor për tejkalimin e shpejtësisë në rrugët që përfshihen brenda Perimetrit të sigurisë së shkollave. Kam besim se Kuvendi i Shqipërisë, shumica dhe opozita, do të na mbështesin nëse do të jetë e nevojshme për ndryshime të reja në Kodin rrugor, të cilat lidhen me sigurinë e fëmijëve, nxënësve në rrugët brenda Perimetrit të Sigurisë.
• Në bashkëpunim me institucionet e arsimit, do të sigurohemi që mjetet për transportin e nxënësve të jenë të mirë identifikuar me logot dhe shenjat përkatëse, në mënyrë të unifikuar në gjithë vendin, dhe të qarkullojnë në kushte të larta sigurie teknike.
SIGURIA USHQIMORE
• Duke filluar nga dita e hënë, 4 shtator, do t’i kërkojmë Agjencisë Kombëtare të Ushqimit (AKU), kontrolle të shtuara në të gjithë vendin në operatorët e shërbimit ushqimor të kategorive të ndryshme që veprojnë në Perimetrin e sigurisë së shkollave lidhur me kushtet e sigurisë ushqimore.
SIGURIA URBANE
• Do t’u kërkojmë Bashkive dhe IKMT-së që, duke filluar nga e hëna 4 shtator, të kryejnë një plan inspektimesh të koordinuara për verifikimin e situatës në Perimetrin e Sigurisë së shkollave: duhet të sigurohemi që brenda Perimetrit të Sigurisë së Shkollave, të respektohen rregullat e sigurisë së ndërtimit, të mos ketë rrënoja a papastërti të çdo lloji për një mjedis të shëndetshëm.
HIGJENA DHE DUHANI NË SHKOLLA
• Do të imponojmë zbatimin e masës kufizuese të ndalimit të duhanit jo vetëm në institucionet arsimore por edhe në të gjithë Perimetrin e Sigurisë në shkolla.
• Monitorimin nga Inspektoriati Shtetëror Shëndetësor të zbatimit të normave higjieno-sanitare në të gjitha institucionet arsimore parauniversitare. Karshillëku që ndodh cdo ditë haptazi në kundërshtim me ligjin, duke iu shitur pije alkoolike të miturve duhet të përfundojë. Ligji ka katër vite që është ndryshuar dhe forcuar. Inspektoriati Shtetëror Shëndetësor dhe Policia e Shtetit duhet të bëjnë detyrën. Tregëtimi i alkoolit duhet ndaluar.
TASK FORCE
• Do të ngremë një Task Forcë të posaçme, të kryesuar nga Prefekti i qarkut, për të siguruar marrjen e masave brenda Perimetrit të sigurisë në shkolla.
OFICERËT E SIGURISË NË SHKOLLA
• Ju, Oficerët e Sigurisë në shkolla, keni një rol shumë të rëndësishëm në zbatimin e paketës së sigurisë në shkolla. Si ndërlidhës ndërmjet shkollës dhe Policisë së Shtetit, Ju duhet të raportoni dhe menaxhoni në kohë dhe me përgjegjësi të gjitha situatat që mund të rrezikojnë apo cenojnë sigurinë publike. Qëllimi ynë është parandalimi i kriminalitetit dhe goditja pa kompromis e të gjithë keqbërësve që guxojnë të kryejnë veprimtari të paligjshme në Perimetrin e sigurisë.
• Në ditët që vijnë, në bashkëpunim me MAS do të keni gati e raportimit të përjavshëm që do të duhet të plotësohet prej Oficerëve të Sigurisë në shkolla dhe t’i dërgohet Policisë së Shtetit lidhur me të gjitha situatat e konstatuara në ushtrimin e detyrës brenda shkollës dhe Perimetrit të Sigurisë.
• Falë afërsisë së Oficerëve të Sigurisë në shkolla me nxënësit dhe bashkëpunimit më të ngushtë të tyre me punonjësit e Policisë së Shtetit, duhet të bëjmë të mundur ndërgjegjësimin e të rinjve dhe edukimin e tyre me kulturën e ligjshmërisë, përdorimin korrekt të internet-it dhe rrjeteve sociale, shmangien e bullizmit, krimit kibernetik në dëm të të miturve dhe parandalimin e atyre situatave që mund të vendosin në rrezik jetën dhe të ardhmen e brezit të ri.
Dua ta siguroj publikun, prindërit, gjyshërit, por edhe vetë nxënësit, se do të bëjmë gjithçka që kjo Paketë e re e Sigurisë në Shkolla të bëjë një ndryshim të madh, dhe e nesërmja të mos ngjasojë me të tashmen.
Dritan Goxhaj TIRANË- Shtyhet seanca për Dritan Goxhaj, ish-luftëtarin e UÇK-së të arrestuar në Tiranë p&eum...
Policia VLORË- Policia ka dhënë detaje rreth vdekjes së 50-vjeçarit në Selenicë. Sipas forcave blu, fillimisht u b&eum...
Policia SHKODËR- Zef Paloka, 68-vjeçari i cili u plagos mbrëmjen e kaluar në fshatin Dejë, ngacmonte prej 1 viti 21-vjeça...
Gjata dhe Byrazeri TIRANË- Rektori i Universitetit të Mjekësisë njëherësh shefi i kirurgjisë në QSUT, Arben Gjata t...
Policia VLORË- Një 50-vjeçar humbi jetën ditën e sotme në fshatin Gjorm të Vlorës. Edhe pse fillimisht u raportua...
Në fshatin Liqenas, në Korçë, Spase Tërpo kontrollon nivelin e liqenit të Prespës së Madhe. Detyra e tij ësht&...
Kukes TIRANË- Sot është afati i fundit për partitë politike që do të kërkojnë të regjistrohen nga Komisio...
Jahti DURRËS- Jahti “Koru” i themeluesit të Amazon Jeff Bezos ka mbërritur në Durrës. Superjahti ka kërkuar t&eu...
Momenti i arrestimit BURREL- Arrestohet pas 5 vitesh nga forcat 'Shqiponja', 50-vjeçari Arben Kadriu. Ky person, ishte në kërkim prej vite...
Makina TIRANË- Ripërsëritet aksidenti që ndodhi pak javë më parë te diga e Liqenit. 'JOQ' ka ndarë pamje të nj...
