Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Njuma ka ndarë disa foto nga vizita e saj në Mondello dhe shkruan se historia e këtij vendi nis në vitin 1978, kur kompania e ndërtimit e drejtuar nga Rosa Greco, motra e bosit mafioz Michele Greco, fillon ndërtimin e 170 vilave pa leje të rregullt urbanistike.
TIRANA- Gazetarja Beti Njuma ka bërë një postim në rrjetet sociale ku ka krahasuar rastin e ndërtimeve pa leje në Theth me ndërtimet pa leje në zonën e Mondellos në Palermo të Siçilisë. Njuma ka ndarë disa foto nga vizita e saj në Mondello dhe shkruan se historia e këtij vendi nis në vitin 1978, kur kompania e ndërtimit e drejtuar nga Rosa Greco, motra e bosit mafioz Michele Greco, fillon ndërtimin e 170 vilave pa leje të rregullt urbanistike.
Ajo thotë se pas tyre fshiheshin jo vetëm paratë e pista, por edhe një sistem i tërë klientelist që përfshinte bashkinë e Palermos dhe segmente të drejtësisë. Gazetarja shkruan se në vitin 2001, Gjykata e Lartë e Italisë urdhëroi konfiskimin, shembjen dhe kthimin në gjendjen e mëparshme natyrore të zonës, por vendimi mbeti në letër sepse anjë vilë nuk u shemb.
Njuma thotë se në vitin 2010, një pjesë e ndërtesave iu rikthyen privatëve, pasi gjykata i cilësoi ata si blerës të ligjshëm që nuk ishin në dijeni se kishin blerë prona të ndërtuara nga mafia. Në postim thuhet se edhe sot pas gati gjysmë shekulli, 1 milion metrat katrorë abuzivë të betonit vazhdojnë të zënë kodrën e Pizzo Sellës, dhe qeveria nuk guxon t’i shembë, ndonëse janë të paligjshme.
"E përmenda rastin e Mondellos për të bërë një paralelizëm me Thethin dhe shembjen e 100 ndërtimeve pa leje, të frymëzuar nga premtimi i Kryeministrit Rama që thethianët të investojnë dhe se gjobat do t’u falen", shkruan Njuma.
Ajo shton se i vjen keq për mundin dhe djersën e banorëve në Theth që sot shohin të rrënuar gjithçka. Sipas saj në Shqipëri, një fjalë e kryeministrit mjafton për të rrafshuar 100 godina. Gazetarja shkruan se drejtësia “kryeministrore” e pamëshirshme dhe e shpejtë, edhe selektive, sepse thotë se nuk vepron njësoj me ndërtimet abuzive në Tiranë, Dhërmi apo Jalë, dhe nga ana tjetër drejtësia italiane e institucionalizuar, e megjithatë humane dhe e përmbajtur.
POSTIMI:
Dy vjet më parë pata rastin të vizitoja zonën e Mondellos në Palermo të Siçilisë. Është një nga gjiret më magjepsëse të jugut të Italisë me bukurinë mesdhetare, detin e kristaltë dhe rërën e bardhë si në plazhet karaibike. Teksa i afrohesha zonës turistike, nuk kishte si të mos shquaja, kilometra larg, kodrën mbi plazh dhe qindra vila të përhapura si fantazma nëpër të gjithë faqen e saj, siç shihet në fotot që kam bërë.
Vilat e shpërndara në mënyrë të çrregullt flasin për një histori të errët. Pizzo Sella, e njohur gjerësisht si “Kodra e Turpit”, është simboli më brutal i ndërthurjes së mafies me korrupsionin shtetëror dhe dështimin e drejtësisë italiane përballë krimit, edhe mjedisor.
Historia nis në vitin 1978, kur kompania e ndërtimit e drejtuar nga Rosa Greco, motra e bosit mafioz Michele Greco, fillon ndërtimin e 170 vilave pa leje të rregullt urbanistike. Pas tyre fshiheshin jo vetëm paratë e pista, por edhe një sistem i tërë klientelist që përfshinte bashkinë e Palermos dhe segmente të drejtësisë.
Pizzo Sella u bë vendi ku mafia “pastronte” paratë e krimit, ndërkohë që autoritetet mbyllnin sytë ose merrnin pjesën e tyre.
Në vitin 2001, Gjykata e Lartë e Italisë urdhëroi konfiskimin, shembjen dhe kthimin në gjendjen e mëparshme natyrore të zonës, një vendim që u prit me entuziazëm nga aktivistët dhe qytetarët e Palermos që shihnin, më në fund, pak drejtësi!
Por vendimi mbeti në letër. Asnjë vilë nuk u shemb. Edhe më keq akoma, në vitin 2010, një pjesë e ndërtesave iu rikthyen privatëve, pasi gjykata i cilësoi ata si blerës të ligjshëm që nuk ishin në dijeni se kishin blerë prona të ndërtuara nga mafia.
Edhe sot pas gati gjysmë shekulli, 1 milion metrat katrorë abuzivë të betonit vazhdojnë të zënë kodrën e Pizzo Sellës, dhe qeveria nuk guxon t’i shembë, ndonëse janë të paligjshme. Dhe të pabanuara në pjesën dërrmuese. Vetëm 68 prej tyre kanë banorë.
E përmenda rastin e Mondellos për të bërë një paralelizëm me Thethin dhe shembjen e 100 ndërtimeve pa leje, të frymëzuar nga premtimi i Kryeministrit Rama që thethianët të investojnë dhe se gjobat do t’u falen:
“…problematika lidhet me ndërtimet e kryera në pronat përkatëse jashtë afatit të lejuar nga ligji ekzistues për legalizimet. Natyrisht, do të punojmë për të gjetur një zgjidhje të posaçme për të gjithë ata që ndodhen në këtë situatë, ku pamundësia për të marrë leje ka qenë objektive” tha Kryeministri Rama, teksa kërkonte votat, duke i prerë në besë ata që e pritën në shtëpi.
Në zemër të Thethit, të mbrojtur si park kombëtar, 100 banesa të konsideruara abuzive u shembën brenda 72 orëve, vetëm me urdhër verbal të Kryeministrit Rama. Pa një vendim gjykate, pa një afat për ankimim dhe pa asnjë garanci ligjore për pronarët. Vetëm fjalët e kryeministrit mjaftuan për të vënë në lëvizje fadromat që rrafshuan gjithçka. Kontrasti është brutal!
Në Itali, një vend me sistem të konsoliduar drejtësie, një vendim gjyqësor i formës së prerë nuk zbatohet për gati gjysmë shekulli edhe pse ishte mafia në mes! Para mafies vijnë qytetarët. Para disa ditësh bëra një status kur pashë çfarë ishte ndërtuar ngjitur me kishën. Me të drejtë e quahta talebanizëm kur pashë si ishte shkatërruar peizazhi natyror. Kam qenë me qindra herë aty dhe m’u duk kafshëri ai shkatërrim. Nuk ndodh askund në botë ajo marrëzi e ndërtimit të kapanoneve mbi lëndinën e një monumenti kulture dhe dëshmie historike që s’kanë asnjë lidhje me zonën dhe arkitekturën malore. Se çfarë ishte bërë në Theth dhe 100 ndërtimet pa leje që u prishën, as e kisha idenë.
As të premtimeve që kishte bërë “babazoti”! Më vjen keq për mundin dhe djersën e banorëve që sot shohin të rrënuar gjithçka. Në Shqipëri, një fjalë e kryeministrit mjafton për të rrafshuar 100 godina. Drejtësia “kryeministrore” e pamëshirshme dhe e shpejtë (edhe selektive po të doni, sepse nuk vepron njësoj me ndërtimet abuzive në Tiranë, Dhërmi apo Jalë), dhe drejtësia italiane e institucionalizuar, e megjithatë humane dhe e përmbajtur!
Foto nga vendi i ngjarjes FIER- Bashkia Fier ka nisur punën për lirimin e hapësirave publike. Ky "aksion" nisi me prishj...
Droga TEPELENA- Dy vëllezër janë arrestuar në Memaliaj pasi dyshohet se kishin kultivuar 137 bimë narkotike në fshatin Luftin...
foto ilustruese KOSOVË- Gjykata Supreme e Kosovës e ka shfuqizuar tashmë dhe e ka shpallur të paligjshëm Udhëzimin Administra...
foto ilustruese DURRËS- Një 67-vjeçar është arrestuar nga policia e Durrësit ditën e sotme. Bëhet me dije se gja...
Besiana Kadare TIRANË- Presidenti Bajram Begaj ka firmosur dekretin për shkarkimin nga detyra të ambasadores së Shqipëris&eum...
Helikopteri VLORË- Kryeministri Edi Rama ka mbërritur ditën e sotme në qytetin e Vlorës me një helikopter ushtarak. Helikopte...
Renis Dobra MAT- Babai i Renis Dobrës është shprehur se nuk i njeh 4 autorët e dyshuar të vrasjes së djalit të tij, ...
Kozaku TIRANË- Kozak Braçi, personazhi i famshëm i TikTok, është gjobitur nga policia me 1 milion lekë të vjetra ...
Renis Dobra TIRANË- Rifat Dobra, babai i Renis Dobrës i cilu u vra mbrëmjen e 8 Korrikut në Mat, ka deklaruar se është p...
foto ilustruese ELBASAN- Një ngjarje e rënë ka ndodhur në qytetin e Elbasanit. Mësohet se një person i moshuar ësht&eum...
