Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Sindikata e Bashkuar e Arsimit, Shkencës dhe Kulturës së Kosovës (SBASHK), po mban protestë sot në shenjë pakënaqësie ndaj Qeverisë.
KOSOVA- Një protestë e organizuar nga Sindikata e Bashkuar e Arsimit, Shkencës dhe Kulturës është mbajtur sot në Prishtinë. Sindikalistët po kërkojnë rritje të pagave dhe nënshkrim të kontratës kolektive. Sindikata e Bashkuar e Arsimit, Shkencës dhe Kulturës së Kosovës (SBASHK), po mban protestë sot në shenjë pakënaqësie ndaj Qeverisë. Ata kanë paraqitur disa kërkesa, ndër to kërkesën për rritje pagash dhe për nënshkrimin e kontratës kolektive.
“Duam rritje dinjitoze të pagave. Duam nënshkrimin e kontratës kolektive, Kur mungon dialogu, mungon edhe demokracia, mos na mohoni kontributin e viteve të nëntëdhjeta. Duam përmirësim të kushteve të punës”, thanë ndër të tjera ata.
Kjo protestë që ka filluar në orën 13:00 do të vazhdojë deri në orën 15:00. SBASHK gjatë ditës së djeshme ka paralajmëruar se nëse Qeveria dhe Ministrja e Arsimit, Arbërie Nagavci nuk reflektojnë mbi kërkesat e tyre, do të hyjë në grevë të përgjithshme.
“Qasja e tyre dhe injorimi i tyre i vazhdueshëm dolli vendimin për veprime sindikale. Fillimisht u vendos që me 4 dhjetor të bëhet protestë dhe presim që protesta para MASHTI-t dhe qeverisë të jenë mbi 1500 pjesëmarrës. Nëse Qeveria e sidomos Ministrja Nagavci nuk reflektojnë do të analizojmë situatën dhe do të marrin vendime duke mos e përjashtuar grevën e përgjithshme”, ka thënë Jasharaj gjatë ditës së djeshme.
SBASHK-u ka kërkuar edhe përmirësimin e kushteve në institucione arsimore.
“1. Duam nënshkrimin e Kontratës Kolektive. 2. Ministre reflekto, fillo dialogun. 3.Duam ngritje dinjitoze të pagave. 4. SBASHK-u është zëri ynë-dëgjojeni! 5.Ministre a fole ndonjëherë në Qeveri për kërkesat tona? 6.Kur mungon dialogu, mungon demokracia. 7.Mos na mohoni kontributin e viteve të 90-ta. 8.Nuk lejojmë të bëhen ndryshime të ligjeve në dëm të punëtorëve të arsimit. 9.Pensionistët ju arsimuan e ju po i ndëshkoni. 10.Duam përmirësimin e kushteve të punës në institucione arsimore. 11. E shenjtë është puna e mësuesit në edukimin e brezave. E të tjera në këtë frymë”.
Një ditë para kësaj proteste, përfaqësuesit e SBAShK ishin ftuar në takim me ministren Nagavci dhe zyrtarë të tjerë të ministrisë. Por për SBAShK, ky ishte një takim i shkurtër që nuk solli rezultate konkrete, pasi sipas Sindikatës, ministrja Nagavci nuk shfaqi gatishmëri për të diskutuar në mënyrë konkrete mbi kërkesat e tyre.
Kurse, kryetari i Bashkimit të Sindikatave të Pavarura të Kosovës, Atdhe Hykolli, ka thënë se BSPK-ja thekson rëndësinë dhe urgjencën e shqyrtimit të kërkesave të ngritura nga Sindikata e Bashkuar e Arsimit. Hykolli tha se si një federatë që përfaqëson me dinjitet interesat e mësimdhënësve dhe punëtorëve të arsimit në Kosovë, SBAShK-u ka paraqitur kërkesa legjitime që sipas tij, kanë për qëllim përmirësimin e kushteve të punës, respektimin e kontratave kolektive dhe fuqizimin e një sektori kritik për të ardhmen e vendit.
“Arsimi, si shtyllë e zhvillimit të një shoqërie demokratike dhe të drejtë, meriton një përkushtim maksimal nga të gjitha institucionet përkatëse. Çdo neglizhencë në trajtimin e këtyre çështjeve reflekton drejtpërdrejt jo vetëm në mirëqenien e mësimdhënësve, por edhe në cilësinë e edukimit që marrin brezat e ardhshëm. Si BSPK, ne jemi të përkushtuar për të mbështetur SBASHK-un në rrugëtimin e tij për të arritur zgjidhje të qëndrueshme përmes dialogut konstruktiv me Qeverinë dhe Ministrinë e Arsimit, e Shkencës, e Teknologjisë dhe të Inovacionit. Greva ose protesta nuk janë qëllimi ynë, por mjetet e fundit për të treguar rëndësinë e çështjeve të ngritura dhe për të kërkuar vëmendje institucionale”.
Tutje, Hykolli tha se vetëm përmes dialogut të sinqertë, të bazuar në respektin e ndërsjellë dhe në mirëkuptim, mund të arrihen zgjidhje që përmbushin pritshmëritë e punëtorëve të arsimit dhe të sigurojnë stabilitet në sistemin arsimor.
“Ftojmë Qeverinë dhe të gjitha palët e interesit që të adresojnë me prioritet këto kërkesa dhe të demonstrojnë një angazhim serioz për përmirësimin e kushteve në sektorin e arsimit”.
Në ditën kur SBASHK-u ka organizuar protestën për të kërkuar rritje pagash për mësimdhënësit dhe nënshkrimin e kontratës kolektive, Ministria e Arsimit, Shkencës, Teknologjisë dhe Inovacionit (MASHTI) ka hapur thirrjen e parë publike për mësimdhënësit që synojnë ta marrin “Licencën e Avancuar” për mësimdhënie. Ministrja e Arsimit, Arbërie Nagavci, ka treguar se thirrja vlen për mësimdhënësit e arsimit fillor, të arsimit të mesëm të ulët dhe të mesëm të lartë në lëndën e matematikës dhe të arsimit të mesëm të ulët dhe arsimit të mesëm të lartë në lëndën e gjuhës shqipe.
“Kjo është thirrja e parë publike që MASHTI e bën për mësimdhënësit e shkollave publike në Kosovë. Thirrja vlen për mësimdhënësit e profileve si më poshtë: mësues të arsimit fillor; mësimdhënës të lëndës ‘Matematikë’ në Arsimin e Mesëm të Ulët (AMU) dhe Arsimin e Mesëm të Lartë (AML); mësimdhënës të lëndës ‘Gjuhë shqipe’ në Arsimin e Mesëm të Ulët (AMU) dhe Arsimin e Mesëm të Lartë (AML). Aplikimi mund të bëhet përmes platformës e-kosova nga sot deri më 19.12.2024. Të gjitha ato/ata që do të përmbyllin suksesshëm këtë proces do të përfitojnë shtesën e performancës. Bashkë, çdo ditë për rezultate të synuara e avancim të performancës në arsim”, ka shkruar Nagavci në një postim në Facebook.
Për licencën e avancuar mund të aplikojnë vetëm mësimdhënësit të cilët janë të pajisur me licencë të karrierës dhe që kanë mbajtur së paku 200 orë për zhvillim profesional. Ata më pas do t’i nënshtrohen vlerësimit edhe nga Inspektorati i Arsimit. Shtatë vjet pasi ta marrin këtë licencë, mësimdhënësit mund të aplikojnë për licencën e përhershme, e cila nuk ka afat kohor dhe nuk ka nevojë për ripërtëritje./ Monitor
Klodiana Lala TIRANË- Gazetarja Klodiana Lala ka zbuluar detaje të reja në lidhje me vrasjen e 50-vjeçarit Alfred Dedja në...
Mario Përlleshi TIRANA- Në kartelat zyrtare të spitalit është pasqyruar edhe në dosjen hetimore. Aty, zbulohet edhe...
Foto ilustruese GRAMSH- Tragjedia e Martinit 14-vjeçar, duket një kopje e tragjedisë së vitit 2023 në Gramsh ku nxën&e...
Klodiana Lala TIRANË- Gazetarja Klodiana Lala tha se hetimet për organizatat kriminale të drejtuar nga Suel Çela po vijojn&...
Foto ilustruese TIRANA- Referuar dosjes, grupi hetimor ka sekuestruar celularët e adoleshentëve të përfshirë në sherr, k...
foto nga vendngjarja SHKODËR- Një banesë në fashtin Shtoj të Shkodrës është përfshirë nga flakët mbr...
foto nga emisioni TIRANË- Policia e Shtetit me një reagim publik rrëzoi pretendimet për pjesëmarrjen e një personi të dy...
Klodiana Lala TIRANË- Gazetarja Klodiana Lala tha se edhe gjuha shqipe është prezente në platformën “Matrix”. Lal...
Foto ilustruese GREQIA- Akademiku grek Dimitris Christopoulos ka bërë një analizë të gjithë shfaqes së festës s&eum...
Martin Cani vrasja TIRANË- Vrasja me thikë e 14-vjeçarit Martin Cani dhe plagosja shokut të tij Luis Meçja tronditi edhe nj&eu...
