Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Njëri mjek që kishte deklaruar se skolioza e saj duhej trajtuar me not dhe palestër, dhe tjetri që kishte qenë kategorik për ndërhyrje kirurgjikale.
KOSOVË- Për dy episode njëri pas tjetrit ju kemi treguar historinë e Anisa Veselit, këngëtares 23 vjeçare nga Prishtina e cila vuan prej 12 vitesh nga një deformim i shtyllës kurrizore, apo sic njihet në terma mjekësorë, skoliozë. Në gjithë këto vite ajo dhe familja e saj kanë bërë përpjekje për të ndrequr këtë anomali e cila sa vinte e shtohej. Por pa rezultat.
Rasti e deshi që Anisa të merrte pjesë në reality shoë BBVK, dhe aty t’i jepej premtimi për shërimin sa më të shpejtë, por gjërat nuk shkuan aspak ashtu siç 23 vjeçarja kishte shpresuar. Pas publikimit të kësaj historie e cila tregonte se si në emër të shoë-t një këngëtare e re vuante pasojat dhe askush nuk merrte përgjegjësitë, reagimet në mbështetje të Anisës ishin të shumta.
Dhe kuptohet, edhe gatishmëria për ta ndihmuar atë financiarisht për realizimin e ndërhyrjes. Por më përpara duheshin ribërë të gjitha ekzaminimet, për të vendosur nëse do të kishte ndërhyrje apo jo.
Kujtojmë se në dy vizita në Turqi, Anisa kishte marrë dy përgjigje të ndryshme. Njëri mjek që kishte deklaruar se skolioza e saj duhej trajtuar me not dhe palestër, dhe tjetri që kishte qenë kategorik për ndërhyrje kirurgjikale.
Prandaj, bashkë me vajzën dhe familjen e saj vendosëm të realizojmë një vizitë të specializuar tek njëri prej mjekëve më të mirë të fushës, Kamil Çagri Kose, edhe ai turk, i cili gjatë kësaj periudhe ndodhet në Spitalin Amerikan në Tiranë.
Pasi prenotuam takimin, u paraqitem atje bashkë me Anisën.... E mesuar me vizita të tilla që deri tani nuk janë finalizuar me ndërhyrjen e shumëpritur, Anisa duket disi skeptike. Që në nisje të vizitës, mjeku evidenton anomalinë, duke e shpjeguar me detaje situatën. Ky mund të quhet një kontroll i parë ende pa nisur ekzaminimet e detajuara, por pasi ka parë edhe të gjitha dokumentat e vizitave të mëparshme që Anisa ka bërë në këtë periudhë, mjeku është ulur për të thënë të tijën lidhur me rastin.
Pas këtij shpjegimi të Anisës lidhur me frikën që i ka shprehur mjeku në Turqi, dr. Kose nis ta sqarojë se si e sheh ai vetë këtë situatë... Pra, edhe mjeku ynë, është i bindur se duhet bërë ndërhyrje, njëlloj si njëri nga dy mjekët që kanë vizituar Anisën në Turqi....
Po cilat janë rreziqet nëse bëhet ndërhyrja? A janë të vërteta ato që i ishin thënë vajzës 23 vjeçare lidhur me efektet anësore që mund të shkaktojë operacioni i vështirë, në rast se realizohet? Po mundësitë për të vijuar karrierën artistike dhe jetën normalisht si çdo grua tjetër?
Kjo pyetje e Anisës e ka një logjikë, pasi gjatë ekzaminimeve në Turqi pak kohë më parë, i janë thënë shumë gjëra lidhur me atë që mund të ndodhë pas këtij operacioni. Por edhe këtu doktori i njohur tregohet i drejtpërdrejtë në çdo detaj.
Dhe pas këtij shtërngimi duarsh, vajza nuk humbi aspak kohë, por nisi ekzaminimet edhe njëherë nga e para. Por tani do të nisë pjesa më e vështirë për vajzën, ndërhyrja kirurgjikale, aq e shumëpritur për të dhe familjarët e saj.
Është e enjte 27 Mars 2025 dhe Anisa paraqitet në spital për tu përgatitur për operacionin. Pas disa konsultave të shkurtëra me stafin, ku pyetet për situatën aktuale shëndetësore, në dhomën e saj vijnë edhe familjarët, të cilët duken tepër të motivuar....
Pasi kemi mbetur vetëm me të, përfitojmë të ndërrojmë dy fjalë dhe të ndajmë me publikun emocionet e kësaj dite. Është diçka që nuk ju a kishim treguar ende, dhe preferuam që të ishte vetë Anisa që ta thonte...
Sepse, teksa kanë parë dëshpërimin tek kjo vajzë, pas mashtrimit që iu bë live në Klan Kosova, disa persona kanë kontaktuar direkt këngëtaren duke u ofruar për ta mbuluar financiarisht ndërhyrjen. Mes tyre edhe një nga personazhet më të dashur të shoëbizit të Tiranës, i cili ka refuzuar kategorikisht të identifikohet.
Lumturia dhe emocioni dallohen qartë në sytë e kësaj vajze, e cila ka vuajtur shumë për t’ia arritur kësaj dite... Rruga drejt sallës së operacionit ndërpritet nga përqafimet dhe kurajoja që familjarët i japin, ashtu siç ia kanë dhënë gjatë gjithë kohës këngëtares 23 vjeçare. Përpara hyrjes në sallë doktor Kose ka gjetur momentin të thotë dy fjalë për ne
Operacioni është i vështirë, dhe pritet që Anisa të dalë nga salla diku pas pesë orësh. Ndërsa mjeku dhe asistentët e tij vijojnë me ndërhyrjen, tensioni pas derës së sallës është i gjithi tek familjarët e Anisës. Lotët e Monit, vëllait të Anisës janë dëshmi e një ngarkese të mbledhur në vite tek kjo familje, pjesëtarët e së cilës janë kaq të lidhur me njëra tjetrën. Ndërkohë pak metër larg tyre, mjekët janë në krye të detyrës.
Pas plot pesë orësh pritje, më në fund në derën e sallës është shfaqur mjeku turk, i cili nga pamja duket i kënaqur me rezultatin. Një lajm më i mirë nuk mund të na jepej në këtë ditë të gjatë e të lodhshme. Pas doktori dhe asistentët e tij kanë lënë sallën, tani është radha e Anisës, e cila ende nën efektin e narkozës, shoqërohet nga infermieret në një ambient tjetër.
Kjo ditë e gjatë është mbyllur vërtetë e gëzueshme për të gjithë. Tashmë na mbetet ta lëmë të pushojë mikeshën tonë, për tu kthyer të nesërmen. Dhe me sa duket parashikimi i doktorit ishte i saktë. Anisën e gjetëm në këmbë.
Anisa e kapërceu me sukses këtë sfidë të vështirë, por tashmë e pret një tjetër betejë, ajo e rikuperimit nga ndërhyrja dhe rikthimi në normalitetin dhe përditshmerinë e saj, me angazhimet si artiste dhe me dashurinë e saj të madhe, muzikën... Larg hijeve që e ndoqën përgjatë këtyre muajve, që tashmë për të duken si një kujtim i largët dhe i parëndësishëm.
Gjesti FERIZAJ- Katër djem, shqiptarë të Shqipërisë, Kosovës, Maqedonisë së Veriut të cilët jetojnë ...
Foto ilustruese TIRANË- Një faqe online me emrin “Ane vetëm dashuri” e me foto profili të një statuje të deformua...
foto ilustruese TIRANË- Emisioni investigativ Fiks Fare ka transmetuar rastin e kandidatit për deputet në Tiranë, Artan Përmeti, i...
Denaj TIRANË- Në fillim të muajit mars, Shqipëria u përball sërish me gripin e shpendëve. Dy stabilimente të rë...
Ilaria Sula dhe Mark Antony Samson ITALI - Pas pesë orësh marrjeje në pyetje, Mark Antony Samson, i arrestuar për vrasjen e studentes 2...
foto e produktit TIRANË- Gazetari Klodian Tomorri ka ndarë disa pamje në rrjetet sociale të një produkti ushqimor të bler&eum...
Foto ilustruese ITALI- Autoritetet italiane kanë vënë në pranga një 27-vjeçar shqiptar. Arrestimi i të riut ka ardhur ...
Giorgia Meloni ITALI - Qeveria italiane, nën drejtimin e Giorgia Melonit, ka vendosur të ecë përpara me planin për rihapjen e Qend...
Abdyl Sinani TIRANË- Eksperti Abdyl Sinani është shprehur së fundmi se pesticidi i gjetur në luleshtrydhet e ardhura nga Greqia &...
Ilaria Sula ITALI - Mark Antony Samson, 23-vjeçari i akuzuar për vrasjen e ish-të dashurës së tij, Ilaria Sula, ka deklaruar par...
