Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ai shton se Dumani pati fatin të jetojë falas për dy vite në një apartament që ende nuk e kishte blerë.
TIRANA- Gazetari Flamur Vezaj ka bërë një postim në rrjetet sociale ku thotë se kreu i SPAK Altin Dumani është dëshmia e gjallë se në Shqipëri ka ende mrekulli ekonomike. Vezaj shkruan se Dumani me një pagë shtetërore dhe pa ndonjë biznes të deklaruar, arriti të ndërtojë një portofol të lakmueshëm pronash. Ai shton se Dumani pati fatin të jetojë falas për dy vite në një apartament që ende nuk e kishte blerë.
"E kur erdhi koha për ta blerë, çmimi ishte aq i favorshëm, saqë mund të mendosh se tregu i pasurive të paluajtshme funksionon ndryshe për disa persona të veçantë. Të tjerë paguajnë miliona për një apartament të vogël në Tiranë, ndërsa Dumani siguron prona me çmime që të bëjnë të dyshosh nëse kemi të bëjmë me një prokuror apo një magjistar të pasurive të paluajtshme", shkruan Vezaj.
Gazetari shton se emisioni “PLUG” zbuloi se Dumani ka blerë një apartament dhe një dyqan nga shtetasi A.Pango, një mashtrues i dënuar me 6 vjet burg për shitjen e apartamenteve nga tre apo katër herë.
"Të gjitha këto dyshime, të renditura më lart, janë natyrisht thjesht konkluzione të arritura në fazën e hetimeve paraprake, bazuar në atë magjiken “dyshimin e arsyeshëm”, një formulë që SPAK-u duket se e ka kthyer në refrenin e preferuar kohët e fundit. Sepse, siç e dimë tashmë, për disa individë mjafton një hije dyshimi për të nisur hetime të bujshme, ndërsa për të tjerë, edhe faktet më të habitshme mbeten thjesht… “rastësi të lumtura”", mbyll shkrimin e tij Vezaj.
POSTIMI:
Mrekullia Dumani: Si të Blesh Pasuri pa Miliona (Nëse e Di Sekretin)!
Altin Dumani është dëshmia e gjallë se në Shqipëri ka ende mrekulli ekonomike. Me një pagë shtetërore dhe pa ndonjë biznes të deklaruar, ai arriti të ndërtojë një portofol të lakmueshëm pronash. Apartamente, dyqane dhe një vilë luksoze, të gjitha të grumbulluara me një aftësi të rrallë për të gjetur marrëveshjet më të mira në treg. Për qytetarët e zakonshëm, mbetet pyetja: pse të lodhesh me kredi dhe punë të rëndë, kur mund të gjesh një vjehërr bujar apo një kontratë që vetë banka do ta kishte zili?
Madje, Dumani pati fatin të jetojë falas për dy vite në një apartament që ende nuk e kishte blerë. Një privilegj i vogël për një njeri me aftësi të mëdha. E kur erdhi koha për ta blerë, çmimi ishte aq i favorshëm, saqë mund të mendosh se tregu i pasurive të paluajtshme funksionon ndryshe për disa persona të veçantë. Të tjerë paguajnë miliona për një apartament të vogël në Tiranë, ndërsa Dumani siguron prona me çmime që të bëjnë të dyshosh nëse kemi të bëjmë me një prokuror apo një magjistar të pasurive të paluajtshme.
E sigurisht, kur gjen çmime kaq fantastike, pse të mos bësh një investim të mençur? Një analizë e kolegëve të emisionit “PLUG në Syri.net” zbuloi disa detaje interesante: Dumani ka blerë një apartament dhe një dyqan nga shtetasi A.Pango, një mashtrues i dënuar me 6 vjet burg për shitjen e apartamenteve nga tre apo katër herë. Po të ishte dikush tjetër, anëtaret e Vetingut dhe ndërkombëtari i OMN-së, do ta pyesnin, se si u fut në një marrëveshje me një njeri që bënte “tregti” me mashtrime të rënda. Por jo, Dumani thjesht ka një intuitë të jashtëzakonshme për të gjetur “rastet e arta”. Me sa duket, edhe në botën e mashtruesve të dënuar, ai arrin të dalë fitimtar.
Por ironia më e madhe është vetingu. Ky proces i famshëm, që supozohej të pastronte drejtësinë nga të korruptuarit, nuk pati sy për të parë këto “vogëlsira”. Nuk pati pyetje të sikletshme, nuk pati llogari të thella, vetëm një vulë e shpejtë: “I pastër!”. Po të ishte ndonjë tjetër, do të rrëmohej çdo qindarkë e kursyer, por për Dumanin, u mjaftuan me arsyetimin e thjeshtë: “Ky thjesht di të kursejë më mirë se të tjerët.”
Dhe kështu, njeriu që kaloi vetingun pa shumë mundim, tani ka barrën fisnike për të hetuar të tjerët. Ai, që i shpëtoi çdo pyetjeje të pakëndshme, tani do t’i bëjë pyetje të tjerëve. Ai, që siguroi prona në mënyra të çuditshme, tani do të zbulojë skemat e korrupsionit. A nuk është kjo një histori frymëzuese për drejtësinë shqiptare?
Në fund të ditës, leksioni është i qartë: sistemi ynë nuk është për të gjithë. Disa duhet të kalojnë në sitë të imët, ndërsa të tjerë thjesht rrëshqasin si me vaj. Për qytetarët e zakonshëm, zgjedhja është e qartë: ose bëhuni i ndershëm si Dumani por edhe me fat e nuhatës i mirë i tregut imobilar e ndërtuesve “të ndershëm” ose përgatituni për një hetim të mirëfilltë nga të gjitha krahët!
P.S. Të gjitha këto dyshime, të renditura më lart, janë natyrisht thjesht konkluzione të arritura në fazën e hetimeve paraprake, bazuar në atë magjiken “dyshimin e arsyeshëm”, një formulë që SPAK-u duket se e ka kthyer në refrenin e preferuar kohët e fundit. Sepse, siç e dimë tashmë, për disa individë mjafton një hije dyshimi për të nisur hetime të bujshme, ndërsa për të tjerë, edhe faktet më të habitshme mbeten thjesht… “rastësi të lumtura”.
Daut Laze LEZHË- Tre punonjësit e burgut të Shënkollit të cilët u arrestuan pas arratisjes së 49-vjeçarit Daut La...
foto ilustruese KORÇË- Detaje të reja janë zbardhur nga plagosja e 26-vjeçarit Kostandin Ziu, të ndodhur mbrëmjen e ...
fotot ilustruese TIRANË- Një 33-vjeçar është arrestuar nga policia e Tiranës. Bëhet e ditur se Elden Dushku qarkullont...
Foto ilustruese TIRANA- Afërsisht 47% e popullsisë mbi 15 vjeç në Shqipëri ka arritje të ulëta arsimore dhe një p...
fotot ilustruese KORÇË- Autori që plagosi 26-vjeçarin Kostandin Ziu, është identifikuar nga policia. 22-vjeçari&nb...
Foto ilustruese TIRANA- E gjithë Europa i ka dhënë përparësi ndërtimit të hekurudhave si një mjet më eficient ...
Foto ilustruese TIRANA- Korporata e Investimeve Shqiptare njoftoi se investitorët privatë që duan të hyjnë në marrëdh&eu...
Foto ilustruese TIRANA- Ditën e premte vendi ynë do të ndikohet nga kushte atmosferike të qëndrueshme. Moti parashikohet i kt...
foto ilustruese KORÇË- Konstantin Ziu është plagosur me thikë mbrëmjen e sotme në Korçë. Ziu u paraqi...
Anastasia Sadiku, motra e 12-vjeçarit TIRANË- Dhimbja i lexohej në sy, e megjithatë me gjithë forcë, me duart që i dr...
