Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Plagosje me armë zjarri tek Kodra e Diellit 2 në Tiranë. • Konflikti i raportuar i pari nga Dosja.al, nisi për shkak të zhurmës së krijuar nga një 3-vjeçar. •Rreth orës 22.00, bashkëshortja e të plagosurit, Jonian Shehu, u përfshi në një debat me autorin Olsi Bllaci. •Sipas saj, djali tre vjeç i familjes Bllaci shkaktonte shurmë, duke shqetësuar djalin e saj dy vjeç, i cili ishte në gjumë. •Më pas, gruaja është ankuar te bashkëshorti i saj Jonian Shehu, ku është shprehur se komshiu e ka ofenduar. •Më pas, dy burrat janë konfliktuar, ku autori Olsi Bllaci ka nxjerr armën e zjarrit tip pistoletë, të cilën e mbante pa leje dhe ka qëlluar me dy plumba komshiun Jonian Shehun.•Plumbat e kapën Shehun, një në bark dhe një në këmbë. Ai ndodhet i shtruar te Spitali i Traumës jashtë rrezikut për jetën. • Autori, ndodhet ende në arrati ndërsa policia ka nisur punën për lokalizimin dhe arrestimin e tij.
4 artikuj për këtë temë.
TIRANË- Shkak për sherri mes dy fqinjëve në zonën e Kodrës së Diellit në Tiranë është bërë zhurma e një fëmijë 3-vjeçar. Ky i fundit, djali i autorit të ngjarjes, Olsi Bllaci ka sjellë shqetësime për familjen që jetonte një kat sipër tyre. Fillimisht ka dalë gruaja e të riut që mbeti i plagosur, Jonian Shehu, 37 vjeç dhe ka debatuar me Bllacin. Pas sherri me fqinjin, ajo është ankuar të bashkëshorti i saj, të cilit i kishte thënë se Bllaci e kishte ofenduar.
Fjalët e gruas kanë bërë që Shehu të shkojë e t’i kërkojë llogari Bllacit, por ky i fundit e ka pritur me armë zjarri.
Olsi Bllaci ka nxjerrë armën e zjarrit, tip pistoletë, që e mbante pa leje dhe ka qëlluar me dy plumba në drejtim të Jonian Shehut. Ky i fundit ndodhet ende në spitalin e Traumës pasi ka marrë një plumb në bark dhe një këmbë. Autori është arratisur dhe është shpallur në kërkim.
TIRANË- Policia e Shtetit ka dhënë informacion në lidhje me plagosjen e ndodhur mbrëmjen e sotme në Tiranë pas sherrit mes fqinjëve. Sipas informacionit zyrtar, i plagosur ka mbetur 35-vjeçari Jonian Shehu, ndërkohë që i dyshuari kryesor për ngjarjen, Olsi Bllaci është shpallur në kërkim.
Njoftimi i Policisë:
Tiranë/Informacion paraprak
Plagosi me armë zjarri fqinjin e tij, identifikohet e shpallet në kërkim autori. Më datë 27.10.2022, rreth orës 21:50, është paraqitur në Spitalin e Traumës për ndihmë mjekësore, shtetasi J. Sh., 35 vjeç, i plagosur me armë zjarri. Me marrjen e njoftimit, shërbimet e Komisariatit të Policisë Nr. 1, kanë shkuar në vendngjarje, te Kodra e Diellit, dhe kanë bërë të mundur identifikimin dhe shpalljen në kërkim të autorit të dyshuar shtetasit O. B. Nga hetimet paraprake dyshohet se shtetasi O. B., pas një konflikti ka plagosur me armë zjarri shtetasin J. Sh. Grupi hetimor po punon për sqarimin e rrethanave të ngjarjes. Vijon kontrolli i zonës për kapjen e autorit të dyshuar të ngjarjes.
TIRANË- Zbulohet emri i të plagosurit dhe të dyshuarit kryesor lidhur me ngjarjen e ndodhur me armë zjarri tek Kodra e Diellit. I plagosur ka mbetur Jonian Shehu, 37 vjeç, i cili është dërguar për të marrë ndihmën e shpejtë në spital, por nuk dihen detaje lidhur me gjendjen e tij shëndetësore. Ndërkohë që si autori i plagosjes dyshohet se është fqinji i tij, Olsi Bllaci. Ky i fundit është shpallur në kërkim, por ende nuk është kapur.
TIRANË- Të shtëna me armë zjarri janë regjistruar mbrëmjen e së enjtes tek Kodra e Diellit 2. Burime për Dosja.al bëjnë me dije se gjithçka ka ndodhur nga një konflikt mes dy komshinjëve. Njëri ka plagosur tjetërin me armë zjarri, por i lënduari është fatmirësisht jashtë rrezikut për jetën. Aktualisht autori është identifikuar dhe po punohet për kapjen e tij.
