Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• 3 të vdekur dhe 3 të plagosur. Ky është bilanci i aksidentit të sotëm në mbikalimin e Saukut. • Mësohet se një makinë që po vinte nga Shkoza, drejtuar nga 24-vjeçari Klevis Ruçaj, për shkak të shpejtësisë me të cilën po udhëtonte, ka humbur kontrollin, ka thyer barrierat e mbikalimit dhe ka rënë mbi një tjetër automjet. • Për pasojë, dy vajzta që ishin pasagjere në “Audi” kanë ndërruar jetë në vend, ndërsa shoferi i mjetit 'Audi' ka humbur jetën në spital për shkak të plagëve të rënda. Ndërsa tre personat të cilët ndodheshin në makinën tjetër kanë mbetur të plagosur. • Dosja.al ka sjellë pamjet e rënda nga vendi i ngjarjes, ku shihet dhe momenti që mbulohet trupi i viktimave.
11 artikuj për këtë temë.
TIRANË- Fotoja e mëposhtme është e 20-vjeçarit Klevis Ruçaj, i cili u aksidentua pasditën e sotme në aksin Elbasan-Tiranë. Mësohet se Ruçaj teksa po drejtonte mjetin tip Audi A8, ka humbur kontrollin dhe u përplas me bordurat anash rrethrrotullimit të Saukut dhe më pas ka përfunduar në autostradë sipër një makinë tjetër.
Nga aksidenti përveç të riut kanë humbur jetën dhe dy vajza të tjera që ndodheshin në makinë me të, identitetet e të cilave ende nuk dihen. Po ashtu kanë mbetur të plagosur dhe tre persona të tjerë që ndodheshin në makinën që Audi i ra për sipër.
TIRANË- Klevis Ruçaj, 24-vjeçari që shkaktoi aksidentin tragjik në Tiranë ku vdiqën dy vajza dhe u plagosën tre të tjerë, ka ndërruar jetë. Mësohet se Ruçaj ndodhej në spitalin e Traumës në gjendje të rëndë për jetën dhe vetëm pak orë pas aksidentit, ka ndërruar jetë. Për rrjedhojë, numri i viktimave të shkaktuara nga ky aksident tragjik shkon në tre.
Njoftimi: Në vijim të aksidentit të dhënë më parë, të ndodhur në afërsi të rrethrrotullimit të TEG-ut, ku humbën jetën dy shtetase, ju informojmë se: Si pasojë e dëmtimeve të marra ka ndërruar jetë në spital shtetasi K. R., 20 vjeç, drejtuesi i automjetit tip "Audi".
Ngjarja tragjike ndodhi këtë pasdite. Ruçaj po udhëtonte me makinën e llojit “Audi” nga Farka dhe për shkak të shpejtësisë së lartë çau barrierat e mbikalimit të Saukut e ra mbi mjetin “Honda”. Për pasojë, dy vajzat që ndodheshin në makinë me Ruçajn ndërruan tjetë. Tre personat që ndodheshin në makinën tjetër po marri mjekimin e nevojshëm tek spitali i Traumës.
TIRANË- Klevis Ruçaj, 24 vjeç është personi që po drejtonte mjetin e llojit “Audi” që ra nga mbikalimi i Saukut mbi kofanon e një tjetër makine, duke sjellë kështu dy viktima. Ndërsa një prej të plagosurave është identifikuar si Alda Kurti, 51 vjeçe. 51-vjeçarja ndodhet në spitalin e Traumës, bashke me Ruçajn dhe dy persona të tjerë që janë plagosur gjithashtu. Të plagosur kanë mbetur edhe O. K, 24 dhe Q. K, rreth 60 vjeç, që udhëtonin me automjetin “Honda”.
Ngjarja tragjike ndodhi këtë pasdite. Ruçaj po udhëtonte me makinën e llojit “Audi” nga Farka dhe për shkak të shpejtësisë së lartë çau barrierat e mbikalimit të Saukut e ra mbi mjetin “Honda”. Për pasojë, dy vajzat që ndodheshin në makinë me Ruçajn ndërruan tjetë. Tre personat që ndodheshin në makinën tjetër bashkë me vetë 24-vjeçarin ndodhen të plagosur tek Trauma.
TIRANË- Policia e Tiranës ka dhënë një tjetër njoftim në lidhje me aksidentin tragjik që ndodhi këtë pasdite. Në njoftim sqarohet dinamika e ngjarjes dhe bëhet me dije se në drejtimin e mjetit të llojit "Audi" që ra nga mbikalimi ishte një 24-vjeçar me inicialet K.R.. Për pasojë, "Audi" ra mbi kofanon e një makine të llojit "Honda". Për pasojë,dy vajzat që ishin në makinë me 24-vjeçarin ndërruan jetë. Vetë drejtuesi i "Audit" dhe katër personat që ndodheshin në makinën tjetër, kanë mbetur të plagosur.
Saktësim mbi informacionin paraprak të dhënë pak minuta më parë.
Rreth orës 17:55, në rrethrrotullimin pranë qendrës tregtare “TEG”, ka ndodhur një aksident rrugor ku janë përfshire automjeti tip "Audi" dhe automjeti tip "Honda".
Referuar mekanizmit dhe të dhënave paraprake dyshohet se automjeti tip "Audi" me drejtues shtetasin K. R., vjeç 24, ka qenë duke udhëtuar ne unazën lindore me drejtim levizje nga Farka per tek rrethrrotullimi pranë Teg, dhe pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip "Honda", me drejtues shtetasin me iniciale Q. K., rreth 60 vjeç.
Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin "Audi" si dhe ka mbetur i dëmtuar rëndë drejtuesi i këtij automjeti, si dhe shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër.
TIRANË- Rëndohet bilanci i aksidentit tragjik që ka ndodhur pasditen e sotme në Tiranë. Nga ngjarja e ndodhur në orën 18.05 të pasdites së sotme, një mjet i drejtuar nga Q.K. ka humbur kontrollin e mjetit të tij dhe ka dalë nga rruga duke përfunduar mbi kofanon e mjetit që po vazhdonte rrugën e tij poshtë mbikalimit. Si pasojë kanë humbur jetën dy gra, ndërsa në spital janë 3 të tjerë: Q K., O. K., dhe K. R., të cilët ndodhen nën kujdesin e mjekëve. Ende nuk dihen detaje lidhur me gjendjen e tyre shëndetësore. Ndërkohë që grupi hetimor ndodhet në vendngjarje dhe po punon për sqarimin e rrethanave të aksidentit.
NJOFTIMI I PLOTË:
Tiranë/Informacion paraprak
Më datë 09.03.2023, rreth orës 18:05, shtetasi Q. K., duke drejtuar automjetin, në unazën lindore dyshohet se duke dalë për tek rrethrrotullimi i Tegut, ka humbur kontrollin mbi drejtimin e tij dhe automjeti ka dalë nga rruga dhe ka rënë nga mbikalimi, mbi kofanon e një automjeti tjetër. Si pasojë kanë humbur jetën dy shtetase femra, si dhe janë dërguar në spital për ndihmë mjekësore shtetasit Q K., O. K., dhe K. R., të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit. Mbi rrethanat dhe shkaqet e aksidentit, pas përfundimit të këqyrjes së vendit të ngjarjes, dhe për gjendjen shëndetsore të të dëmtuarve në spital, do të keni njoftim në vijim.
TIRANË- Një aksident tragjik ka ndodhur këtë pasdite në hyrje të Tiranës, pranë Saukut, ku duket edhe trupi i një viktime që ka fluturuar nga makina duke gjetur vdekjen në vend. Ajo është mbuluar me batanije nga forcat e ndihmës së shpejtë për të mos qenë e ekspozuar për të tjerët, por përveç viktimës ka 3 persona të tjerë që janë në gjendje të rëndë.
E gjithë ngjarja ka ndodhur pas një makinë ka humbur kontrollin në mbikalim dhe ka ka rënë sipër një mjeti tjetër, e dëri më tani se mjeti që ka dalë nga mbikalimi ka qenë me shpejtësi, e përveçse ka rënë mbi kofanon e makinës që po kalonte poshtë tyre, janë përplasur edhe me betonin e bordurës së poshtme. Goditje që qenë fatale për ta. Hetimi i plotë i ngjarjes do të zbulojë se çfarë ka ndodhur sot.
TIRANË- Një person është në gjendje shoku, i shtrirë në mes të rrugës, pas aksidentit të ndodhur në autostradën Tiranë- Elbasan. Siç duket edhe nga pamjet e mëposhtme, makina që vinte nga Elbasanit, ka thyer barrierat dhe i ka rënë sipër një mjeti tjetër tip "Hyundai".
Nga brenda makinës, me barrelë është marrë një grua që nuk ka lëvizur për asnjë moment gjatë gjithë kohës që e kishin kapur kamerat. Madje e morën në krahë për ta futur në ambulancë, ndërsa një burrë që ishte i shtrirë në rrugë nuk ka reaguar për asnjë sekondë, madje nga asfalti e kanë ngritur nga krahët për ta futur më pas në ambulancë. Në asnjë moment ai nuk ka reaguar.
TIRANË- Dosja.al ju sjell të tjera pamje nga aksidenti tragjik që ndodhi këtë pasdite në Tiranë. Siç shihet nga pamjet, makina ka thyer barrierat e mbikalimit dhe ka përfunduar mbi një tjetër makinë. Për pasojë, një grua ka ndërruar jetë, ndërsa një tjetër person ndodhet në gjendje të rëndë. Zona është e rrethuar nga poliica. Shkaqet e aksidentit nuk dihen.
TIRANË- Dalin pamjet e para nga një aksident i rëndë që ka ndodhur mbrëmjen e sotme në zonën e nënkalimit, në autostradën Tiranë-Elbasan. Nga të dhënat e para dyshohet se një person është nxjerrë në gjendje kritike nga makina, e cila është shkatërruar, ndërsa një tjetër ka ndërruar jetë.
Forca të shumta policie dhe autoambulanca janë në vendin e ngjarjes dhe po punojnë për zbardhjen e plotë të ngjarjes, e cila ka bllokuar të gjithë zonën dhe trafikun.
TIRANË- Detaje të reja kanë dalë nga aksidenti i rëndë që ka ndodhur këtë pasdite në aksin Tiranë-Elbasan. Paraprakisht raportohet se një grua ka ndërruar jetë, ndërsa një tjetër person ndodhet në gjendje të rëndë. Ngjarja ndodhi këtë pasdite. Një makinë që vinte nga Elbasani ka rënë nga mbikalimi dhe për pasojë është përplasur me një tjetër mjet. Të dyja makinat janë copëtuar.
TIRANË- Dalin pamjet e para nga mjeti i aksidentuar tek autostrada Tiranë-Elbasan, pasditen e sotme në Tiranë. Siç duket edhe nga pamjet e mëposhtme nga JOQ, makina e aksidentuar është bërë "copë e çikë", por nuk dihet nëse ka viktima nga ngjarja e rëndë. Deri më tani, burime nga vendi i ngjarjes, bëjnë me dije se ambulanca ka nxjerrë një njeri në gjendje të rëndë, por ende nuk ka asnjë konfirmim zyrtar nga ana e Policisë së Shtetit.
