Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Bëhet me dije se punonjësit e angazhuar nga 1-7 ditë do të shpërblehen me 1 pagë mujore, nga 8- 15 ditë do të shpërblehen me 2 paga mujore dhe ata që janë angazhuar për më shumë se 16 ditë do të shpërblehen me 3 paga mujore.
TIRANË- Këshilli i Ministrave ka vendosur në mbledhjen e sotme shpërblimin me 1 deri në 3 paga mujore për punonjësit e angazhuar për shuarjen e zjarreve gjatë vitit 2025.
Personeli që do të përfitojë nga shpërblimi janë punonjësit e Forcave të Armatosura të Republikës së Shqipërisë; Agjencisë Kombëtare të Mbrojtjes Civile; Policisë së Shtetit; Drejtorisë së Përgjithshme të Mbrojtjes nga Zjarri dhe Shpëtimin dhe Shërbimit të Mbrojtjes nga Zjarri dhe Shpëtimin në bashki.
Bëhet me dije se punonjësit e angazhuar nga 1-7 ditë do të shpërblehen me 1 pagë mujore, nga 8- 15 ditë do të shpërblehen me 2 paga mujore dhe ata që janë angazhuar për më shumë se 16 ditë do të shpërblehen me 3 paga mujore.
Ngarkohen Ministria e Financave, Ministria e Mbrojtjes, Ministria e Brendshme dhe njësitë e vetëqeverisjes vendore për zbatimin e këtij vendimi.
VENDIMI I PLOTË
DHËNIE SHPËRBLIMI PERSONELIT TË ANGAZHUAR NË OPERACIONET PËR SHUARJEN E ZJARREVE GJATË VITIT 2025
Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.115/2024, “Për buxhetin e vitit 2025”, të ndryshuar, me propozimin e ministrit të Mbrojtjes, Këshilli i Ministrave
V E N D O S I:
1. Dhënie shpërblimi personelit, punonjës shtetërorë, të angazhuar në shuarjen e zjarreve gjatë verës së vitit 2025.
2. Shpërblehen punonjësit e:
a) Forcave të Armatosura të Republikës së Shqipërisë;
b) Agjencisë Kombëtare të Mbrojtjes Civile;
c) Policisë së Shtetit;
ç) Drejtorisë së Përgjithshme të Mbrojtjes nga Zjarri dhe Shpëtimin;
d) Shërbimit të Mbrojtjes nga Zjarri dhe Shpëtimin në bashki.
3. Punonjësit e përcaktuar në pikën 2, të këtij vendimi, përfitojnë shpërblim, sipas kohëzgjatjes së angazhimit, si më poshtë vijon:
a) Për angazhim me kohëzgjatje, nga 1 (një) deri në 7 (shtatë) ditë, jepet shpërblim në masën e 1 (një) page mujore;
b) Për angazhim me kohëzgjatje, nga 8 (tetë) deri në 15 (pesëmbëdhjetë) ditë, jepet shpërblim në masën e 2 (dy) pagave mujore;
c) Për angazhim me kohëzgjatje 16 (gjashtëmbëdhjetë) ditë e më shumë jepet shpërblim në masën e 3 (tri) pagave mujore.
4. Shpërblimi llogaritet mbi bazën e pagës mujore bruto të punonjësit të angazhuar në operacionet e shuarjes së zjarreve.
5. Efekti financiar për strukturat e përcaktuara në shkronjat “a”, “b” dhe “c”, të pikës 2, të këtij vendimi, përballohet nga fondi rezervë i buxhetit të shtetit, i miratuar për vitin 2025.
6. Në buxhetin e Ministrisë së Mbrojtjes, në shpenzimet korrente, shtohet fondi prej 193 140 098 (njëqind e nëntëdhjetë e tre milionë e njëqind e dyzet mijë e nëntëdhjetë e tetë) lekësh, përkatësisht 145 809 950 (njëqind e dyzet e pesë milionë e tetëqind e nëntë mijë e nëntëqind e pesëdhjetë) lekë në programin buxhetor “Forcat e luftimit”, 43 408 127 (dyzet e tre milionë e katërqind e tetë mijë e njëqind e njëzet e shtatë) lekë në programin buxhetor “Mbështetja e luftimit” dhe 3 922 021 (tre milionë e nëntëqind e njëzet e dy mijë e njëzet e një) lekë në programin buxhetor “Emergjencat civile”.
7. Në buxhetin e Ministrisë së Brendshme, në shpenzimet korrente, shtohet fondi prej 69 615 100 (gjashtëdhjetë e nëntë milionë e gjashtëqind e pesëmbëdhjetë mijë e njëqind) lekësh në programin buxhetor “Policia e Shtetit”.
8. Efekti financiar për strukturën e përcaktuar në shkronjën “ç”, të pikës 2, të këtij vendimi, përballohet nga buxheti i miratuar për vitin 2025 për Ministrinë e Brendshme.
9. Efekti financiar për strukturat e përcaktuara në shkronjën “d”, të pikës 2, të këtij vendimi, përballohet nga buxhetet përkatëse të njësive të vetëqeverisjes vendore.
10. Ngarkohen Ministria e Financave, Ministria e Mbrojtjes, Ministria e Brendshme dhe njësitë e vetëqeverisjes vendore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
Armë dhe bluza me simbole nacionaliste serbe KOSOVË- Policisa e Kosovës po zhvillojnë një aksion në veri të vendit. B&eu...
foo ilustruese KORÇË- Një 37-vjeçar është proceduar penalisht nga Policia e Korçës, pasi u kap në flagra...
viktimat LUKSENBURG- Një aksident tragjik ka ndodhur të dielën pasdite në Luksemburg, ku si pasojë pesë persona kan&eum...
foto ilustruese SHBA- Kryeprokurori i SPAK, Altin Dumani ka udhëtuar për në Shtetet e Bashkuara të Amerikës, ku do të zhvillo...
pamje nga aksidenti KORÇË- Një aksident ka ndodhur në qytetin e Korçës pasditen e sotme. Mësohet se një a...
foto ilustruese TIRANË- Një sondazh i sapo publikuar e Eurobarometrit ka zbuluar se 56% e qytetarëve të BE-së janë pro zgjeri...
george soros, donald trump TIRANË- Gazetari dhe studiuesi i njohur amerikan, Matt Palumbo ka komentuar vendimin e administratës Trump, i cili k&e...
foto ilustruese SHKODËR- Një aksident rrugor ka ndodhur ditën e sotme në fshatin Gimaj në Shkodër. Një automjet i cili k...
foo ilustruese KOSOVË- Kërcënimi i ekstremizmit të dhunshëm për Kosovën nuk lidhet më me frontet e luftës n&eu...
kokaina AMERIKA LATINE- Grupet kriminale nga Ballkani Perëndimor, të cilat janë ndër trafikanët kryesorë të kokainë...
