Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Aktualitet
Atentati ndaj Kristian Markut/ Gazetarja zbulon detaje: Dyshohet se autorët e kanë ndjekur në çdo lëvizje
Daci e ftuar në emisionin 'Open' në News24 tha se dyshohet se Kristian Marku ka qenë i ndjekur në çdo lëvizje të tij, ndërsa nuk përjashtohet mundësia që një automjet të ketë qëndruar në një vendpushim për të vëzhguar dhe siguruar informacione mbi lëvizjet e tij, dhe më pas të ketë sinjalizuar autorët për të sulmuar.
13 Janar 2025, 21:22Nga E. D
Glidona Daci
TIRANË- Gazetarja Glidona Daci, ka folur në lidhje me vrasjen e 30-vjeçarit Kristian Marku, i cili humbi jetën mbrëmjen e sotme në afërsi të Vlorës. Daci e ftuar në emisionin 'Open' në News24 tha se dyshohet se Kristian Marku ka qenë i ndjekur në çdo lëvizje të tij, ndërsa nuk përjashtohet mundësia që një automjet të ketë qëndruar në një vendpushim për të vëzhguar dhe siguruar informacione mbi lëvizjet e tij, dhe më pas të ketë sinjalizuar autorët për të sulmuar. Gazetarja thotë se viktima po udhëtonte i vetëm në makinë, ndërsa dyshohet se autorët ishin tre persona. Mendohet se pas atentatit janë arratisur në drejtim të Fierit.
“Sipas policisë ka ndodhur atentat, viktima po udhëtonte i vetëm nga Fieri drejt Vlorës. Dyshohet se autorët kanë qenë tre persona, por pritet të konfirmohet në vijim. Janë sekuestruar 9 gëzhoja në një vend pushimi, një e dhjetë është gjetur 1 kilometër më pas. Kjo ngre pikpyetje nëse ai është qëlluar kur ka qenë duke lëvizur me automjetin. Dyshime ka se autorët janë kthyer sërish në drejtim të Fierit, të gjitha janë dyshime paraprake. Kanë dyshime se Marku është vëzhguar në të gjitha lëvizjet që ka kryer”, tha gazetarja.