“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Hetimet fokusohen te automjeti “Audi” i përdorur në krim, përgjimet, kontrollet në banesa dhe mospërputhjet kohore mes deklarimeve të Xhino Agos dhe familjarëve të tij.
ELBASAN- Emisioni “Në Shënjestër” në News24 ka zbardhur rolin e ish-ortakut të Mondi Mëhallës, Xhino Ago dhe kontradiktat në dëshminë e tij, duke hedhur dyshime mbi lëvizjet dhe kontaktet në orët kritike para ekzekutimit të biznesmenit.
Hetimet fokusohen te automjeti “Audi” i përdorur në krim, përgjimet, kontrollet në banesa dhe mospërputhjet kohore mes deklarimeve të Xhino Agos dhe familjarëve të tij.
Pikërisht këto paqartësi e çojnë grupin hetues drejt pistës së bashkëpunimit dhe planifikimit të atentatit.
Ndërsa Rolando Gjoni u largua nga vendi i takimit me miqtë e Armando Kolës, ai nuk e pa më makinën ‘Audi’ A4. Përveçse kur ajo u raportua si e tillë në një vrasje, vetëm 48 orë më pas në krimin ndaj Mondi Mëhallës.
Ndërkohë që menjëherë pas evidentimit të personave të dyshuar të përfshirë në këtë ngjarje, grupi hetues me urdhër të gjykatës, vendosi mbajtjen në përgjim të këtyre personave si edhe ushtrimin e kontrollit në banesat e tyre.
Një nga banesat që u kontrollua ishte edhe ajo e Xhino Agos, i cili rezultonte si posedues i automjetit ‘Audi’ A4 me ngjyrë të zezë, që u përdor në vrasjen e Mondi Mëhallës. Ago që më herët kishte qenë ortak me biznesmenin e vrarë në një shoqëri taksish por që më pas ishin ndarë dhe Mondi Mëhalla kishte hapur një biznes të tijin të ngjashëm.
Gjatë marrjes në pyetje si person që ka dijeni rreth vrasjes së shtetasit Mondi Mëhalla, shtetasi Xhino Ago tha se më datë 30 Nëntor 2025, rreth orës 9.00, ai ka dalë nga banesa e tij ku jeton në Tiranë me një automjet të markës ‘Hyundai’, që është në pronësi të një kompanie në emër të një shokut të tij, dhe më pas ka ndjekur rrugën në drejtim të qytetit të Elbasanit. Aty ku ai thotë se ka shkuar te zyrat e tij të taksive, ai deklaron se është administrator i kompanisë ’EL Taksi’, zyrat e të cilës janë tek karburati ’Xhaxhi Oil’.
Në dëshminë e tij Xhino Ago nuk pranoi të kishte asnjë konflikt me viktimën Mondi Mëhalla.
Përkundrazi sipas tij, orët para se të ndodhte krimi, ata ishin takuar si zakonisht.
Madje edhe kishin konsumuar kafe me njëri-tjetrin. Ndërsa kishin lënë të takoheshin edhe gjatë darkës, por ngjarja e ndodhur kishte ndryshuar të gjithë rrjedhën e përditshmërisë së tyre, edhe në vazhdim.
Gjatë dëshmisë së tij, Xhino Aga deklaroi se pasi shkoi tek puna e tij, aty ai ka takuar Mondi Mëhallën, me të cilin kanë pirë së bashku një kafe tek lokali i karburantit.
Më pas po sipas tij, ata kanë dalë në këmbë dhe kanë lëvizur përqark karburantit, ku edhe ndodhet magazina dhe kanë ndenjur së bashku deri në orën 13:00, ku gjatë kësaj kohe ai thotë se ka qenë i vetëm me Mondin.
Që pas këtij momenti, Xhino Ago deklaroi se nuk u takuan më me viktimën Mondi Mëhalla.
Por ata shkëmbyen edhe një bisedë të fundit midis tyre nëpërmjet videocall në WhatsApp.
Gjë që sipas tij ndodhi në orët e pasdrekës.
Xhino Ago: Pasi unë u ndava me Mondin, te karburanti, unë ndoqa të njëjtën rrugë për t’u kthyer në banesën time, ndërsa Mondi mori makinën ‘Range Rover’ dhe më tha se do të niset për në Kavajë për drekë me të shtëpisë.Aty rreth orës 15.45, gjatë kohës që isha në shtëpi, unë komunikova sërish me Mondin me video në whats app, ku ai më tha se po kthehej nga Kavaja dhe për 20 minuta do të ishte në Elbasan.
Xhino Ago tha më tej se pasi kishte kryer këtë bisedë të parë me video me anë të WhatsApp, ai kishte folur sërish me Mondi Mëhallën.
Këtë herë për ta ftuar që të shkonin bashkë në Tiranë, ku ai do të shoqëronte të fejuarën e tij.
Por sipas tij Mondi Mëhalla edhe pse fillimisht i ishte përgjigjur pozitivisht ftesës së mikut të tij, më pas del se kishte ndërruar mendje dhe nuk e kishte shoqëruar në Tiranë.
Ose të paktën kështu lë të kuptohet Xhino Ago në dëshminë e tij. Pasi ai nuk sqaron arsyet përse Mondi Mëhalla ktheu mendje dhe nuk u bashkua me të dhe të fejuarën e tij, në rrugën drejt kryeqytetit.
Xhino Ago: Pasi fola herën e parë me video në whats app me Mondin, unë e mora sërish ku e ftova të shkonim bashkë në Tiranë, pasi do çoja të fejuarën F.I në banesë. Mondi më tha fillimisht ok, do ikim bashkë dhe takimin e lamë te karburanti. Kjo pasi unë do i dërgoja edhe kunatin tim shtetasin U.T, i cili do t’i vendoste disa llampa tek magazina e tij, pasi Urimi ishte në shtëpinë time. Por pasi unë dhe e fejuara ime po bëheshim gati të niseshim për në Tiranë, unë pashë nga dritarja autostradën dhe vura re që kishte shumë trafik. Për këtë arsye i thashë kunatit tim U.T që të shkonte të takonte Mondin te karburanti.
Ajo që duket se nuk shkon në dëshminë e Xhino Agos është pikërisht vazhdimi i rrëfimit. Pasi ndërsa ai thotë se përcolli të fejuarën e tij në Tiranë, ai deklaroi se u kthye përsëri te karburanti në Elbasan. Aty ku ndodhi edhe krimi më vonë. Kthim që sipas tij u bë rreth orës 18.45. Pra, gati një 1 orë e 45 min para se Mondi Mëhalla të qëllohej në parkingun e po këtij karburanti. Dhe që po sipas tij, ai tentoi disa herë të lidhet në telefon me ish-ortakun e tij, por ai nuk iu përgjigj as në atë moment dhe as më vonë. Ndërkohë që ora kur Mondi Mëhalla u ekzekutua ishte 20.30 dhe të paktën në këtë interval kohor, ai do kishte pasur mundësi të merrte mbrapsht në telefon mikun e tij. Një mungesë koherence kohore në deklarimin e tij që i ra në sy edhe grupit hetues.
Xhino Ago: Gjatë kohës që unë ndodhesha në banesë në Elbasan me të fejuarën time, dhe po diskutonin që të iknin ne Tiranë, unë pashë nga dritarja autostradën dhe konstatova që kishte shumë trafik. Për këtë arsye unë i thashë kunatit tim që të shkonte ai të takonte Mondin, ndërkohë që unë do të çoja në Tiranë, të fejuarën. Dhe kështu ndodhi. Pasi unë çova të fejuarën time me makinë në Kodër Institut, unë u ktheva në Elbasan dhe shkova direkt tek zyrat ku po prisja Mondin. Unë i rashë disa herë telefonit por ai nuk m’u përgjigj. Unë qëndrova aty rreth 20 minuta. Ora e saktë ka qenë 18:00 e pak. Fiks nuk e mbaj mend. Më pas më ka marrë në telefon, operatoria e kompanisë time.
Sipas Xhinos Agos pasi nuk u lidh dot me Mondi Mëhallën dhe ky i fundit nuk u kujtua ta marrë mbrapsht, ai thotë se ishte pikërisht operatorja e kompanisë së tij të taksive, që e kontaktoi në telefon për t’i dhënë lajmin se Mondi ishte ekzekutuar. Gjë që e bëri atë të nxitojë edhe njëherë te karburanti ku kishte qenë jo më larg se një orë më parë. Aty ku mësoi edhe mbi humbjen e jetës së mikut të tij në biznes, Mondi Mëhalla. Ndërkohë që Xhino Ago sqaroi edhe marrëdhënien e tij të biznesit me viktimën.
Marrëdhënie biznesi që u pranua në deklarimet e tij edhe nga babai i Xhino Agos, i cili tha se djali i tij kishte afro dy vite që zotëronte një biznes me licencë, dhënie me qira të automjeteve. Dhe se prej një viti ishte i licensuar për shërbim taksi dhe se bashkëpronarë në biznes, pra në shërbimin taksi firma’Xhaxhi OIL’, ishte edhe shtetasi Mondi Mëhalla. Por babai i Xhino Agos nuk diti të thotë se sa është përqindja për secilin, por vetëm që kishin gjithsej 15 automjete, shërbim taksie.
Xhino Ago: Pasi unë u largova nga karburanti dhe Mondi nuk ma hapi telefonin unë u ktheva në banesën time dhe kam qëndruar me gjyshen dhe babain tim, kurse nëna ishte larguar për në Tiranë me kunatin tim pasi nipat dhe mbesat i mbajnë prindërit e mi. Ajo që dua të deklaroj është se unë kam në pronësi 16 makina elektrike të markës kineze, nga të cilat 7 ose 8 automjete i kishte me qira Mondi Mëhalla. Kur mora vesh për ngjarjen nëpërmjet telefonit, nga operatorja e firmës, unë u nisa me shpejtësi tek karburant ’Xhaxhi Oil’ dhe aty pashë policinë si dhe automjetin ‘Range Rover’ të ndaluar. Aty mësova nga personat që ishin aty pranë se Mondi ishte vrarë me armë zjarri.
I pyetur mbi lëvizjet e të birit ditën para ekzekutimit të biznesmenit Mondi Mëhalla, babai i Xhino Agos, deklaroi se ata kanë qenë përgjatë gjithë ditës në shoqërinë e njëri-tjetrit.
Deri në momentin kur djali i tij ka udhëtuar drejt Tiranës për të përcjellë të fejuarën e tij.
Më pas po sipas babait të tij, i biri është kthyer në banesë në orën 19.15 minuta dhe ka dalë aty pa lajmëruar në orën 21.00. Pasi ka mësuar nga dikush në telefon që diçka e pazakontë kishte ndodhur në karburantin ku kishte edhe zyrat e taksisë.
Por pa u bërë me dije të afërmve të tij se çfarë ishte kjo vaki që po e nxirrte kaq vonë nga banesa.
A: Në mëngjes djali im, ka ikur në punë dhe rreth 11.30 ka ardhur dhe na ka marrë me makinën e tij tek markata tek Bashkia, dhe na ka dërguar në shtëpi. Sëbashku jemi futur në banesë dhe kemi ngrënë bukë.
Rreth orës 17.00, Xhino dhe e fejuara e tij kanë udhëtuar drejt Tiranës dhe pasi e lanë atë në banesën e saj, diku rreth orës 19.15, ai ka ardhur në shtëpi dhe rreth orës 21.00, e ka marrë dikush në telefon, dhe ai pa na thënë asgjë, me makinën e tij është nisur për tek puna tek automjetet e shërbimit taksi.
Të njëjtën dëshmi dha për grupin hetues edhe nëna e Xhino Agos.
Ndërkohë që siç thamë grupi hetues vërejti mungesë kohezioni kohor në dëshminë e babait të Xhinos Agos dhe në kronologjinë e dhënë nga ky i fundit, në lidhje përditshmërinë para ekzekutimit të biznesmenit Mondi Mëhalla.
Në lidhje me ngjarjen e përshkruar më lart janë marrë deklarime në cilësinë e personit që ka dijeni për veprën penale edhe nga shtetasi U.T, që është kunati i shtetasit Xhino Ago. Si edhe nga shtetasi M.A, babai i këtij të fundit, që ka dhënë shpjegime të kundërta për orën dhe vendndodhjen e djalit të tij. Ndërkohë që për ngjarjen, nuk ka dhënë asnjë të dhënë me interes për hetimin./Në Shënjestër, BW
Foto ilustruse GJIROKASTRA- Qyteti i Gjirokastrës është paralizuar nga moti i keq dhe rreshjet intensive të shiut. Si pasojë e k&e...
pamje nga vrasja ELBASAN- Emisioni “Në Shënjestër” në News24 ka hedhur dritë mbi vrasjen e biznesmenit Mondi Mëh...
Foto ilustruse Emisioni “Në Shënjestër”, në News24 ka hedhur dritë mbi vrasjen e biznesmenit Mondi M&eu...
Lorenc Lala ANGLI- Gazeta britanike Daily Mail i ka kushtuar një artikull 48-vjeçarit shqiptarë, Lorenc Lala, i cili akuzoh...
Foto ilustruse GJIROKASTRA- Qyteti i Gjirokastrës po përballet me rreshje shiu intensive dhe mot të përkeqësuar. Përmes...
banesat e permbytura DURRËS- Reshjet intensive të shiut kanë përmbytur banesa të shumta në Durrës, duke detyruar familja...
Foto ilustruse PËRMET- Reshjet intensive të shiut dhe moti i keq, kanë bërë që niveli i lumit Vjosa të rritet në m&...
TIRANË- Në fund të vitit që shkoi, punonjësit e Autoritetit të Mbikqyrjes së Lojërave të Fatit, AMLF, u alarmuan ...
Foto ilustruse KUKËS- Policia ka shpallur në kërkim një të mitur në Has. Ai është shpallur në kërkim nga ...
Foto ilustruse KURBIN- Në qarkun e Lezhës, Bashkia e Kurbinit është ndër zonat më të prekura nga përmbytjet. P...
