Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Përsëritet një ngjarje e rëndë në Bilisht. • Digjet pranë banesës makina tip Volkswagen e Marsel Buçi, punonjësit të karburantit në pronësi të Bledion Nallbatit, deputet i PD. • Ngjarja e rëndë ka ndodhur rreth orës 02:30 pas mesnate dhe mjeti qëndronte parkuar pranë shtëpisë së Buçit. • I riu punon në një karburant në Bilisht ndërsa ka një konflikt me Deizy Arapin, e cila është shoqëruar edhe në polici për të marrë dëshminë e saj mbi ngjarjen. • 2 javë më parë, kur iu dogj makina, Arapi akuzoi Buçin indirekt si përgjegjës duke iu referuar si personi që i dogji makinën për llogari të Nallbatit. • Babai i Buçit, Urim Buçi e akuzon 27-vjeçaren si autore të ngjarjes pasi sipas tij, ajo e ka sharë dhe ofenduar të birin disa ditë më parë. • Bashkë me Arapin, në pyetje në komisariatin e Bilishtit, po merren edhe 15 persona të tjerë.
5 artikuj për këtë temë.
BILISHT- Urim Buçi, babai i Marsel Buçit, punëtorit të karburantit që iu dogj makina mbrëmë gjatë natës në Bilisht akuzon të renë Deizy Arapi se është ajo që qëndron pas ngjarjes. I ati thotë se Arapi shpik akuza për djalin se ishte ai që i dogji automjetin ndërsa thotë se ajo ka një stil jetese që nuk e justifikon dot me punë.
"Në dy të natës u dëgjua një zhurmë dhe gruaja më tha ngrihu se i kanë vënë zjarrin makinë së djalit. U zgjuam dhe pamë që makina kishte marrë flakë e gjitha. Lajmërova policinë dhe erdhën në vendngjarje na morën në pyetje, ku dyshoni etj. Unë dyshimin e kam para një muaj, akuzoi djalin që ishte i futur nga dikush. Pas verifikimeve doli që im bir nuk kishte lidhje me ngjarjen. Pas dy ditësh, i del prapë përpara me makinë djalit dhe filloi ta ofendojë. Qëndroi djali dhe i tha: Si e ke punën moj çupë e mbarë? S’vajti dy minuta, mori policinë në telefon dhe u tha filani me shau. Filloi sërish të sajonte gjëra, mori në telefon shefi komisariatit dhe i tha mos u merr me të. Mua më duket se kjo është ngjarje e qëllimshme. Unë kërkoj drejtësi nga shteti.
Unë dyshoj te ajo vajza që ja dogjën makinën brenda një muaji. Te ajo i kam dyshimet. Normale nuk e di nga janë fryrë këto, nëse do kishte djali im dorë do i kisha folur. Unë punoj me djersë, kam punuar për atë makinë, ato i ndërrojnë brenda muajit. Unë s’jam si ato, ku i gjejnë lekët, 6 mln pa punuar asnjeri? Kaq kisha. Nga shteti dua drejtësi!’-tha Urim Buçi.
BILISHT- Djegia e një tjetër makine ka kthyer sërish në vëmendje të mediave Deizi Arapin, 27-vjeçaren që ka marrë dhe ‘nofkën’ gangsterja e Bilishtit. Këtë herë, nuk është djegur makina e Deizit, por e Marsel Buçit, punonjësit të karburantit, të cilin 27-vjeçarja e akuzoi si autor të djegies së makinës së saj. Në një dalje për mediat, më 25 shtator, Deizi Arapi bën përgjegjës deputetin e Partisë Demokratike Bledion Nallbatin. Për këtë të fundit, ajo tha se ka pasur rol urdhërues në ngjarje, pas konflikteve që kanë pasur konflikte në të shkuarën.
Arapi ka deklaruar se konflikti me Nallbatin nisi katër vite më parë, pasi nëna e saj u pushua nga puna si pastruese në Bashki padrejtësisht, në kohën kur deputeti i Partisë Demokratike ishte kryebashkiak. Rol ekzekutues sipas Arapit ka pasur punonjësi i karburantit të Nallbatit. Në atë kohë ajo nuk ia përmendi emrin, por sot është zbuluar se bëhet fjalë për Marsel Buçin, i cili sipas 27-vjeçares e kishte ndjekur mbrëmjen e 24 shtatorit deri në momentin që ishte future në shtëpi, për të përfituar më pas për t’i djegur makinën.
“I kërkoj ndihmë shtetit pasi është hera e dytë që me ndodh dhe ka lidhje me një konflikt të vjetër. Unë jam femër as kam vrarë dhe as kam prerë. I lutem shtetit se jeta ime është në rrezik. Nuk mund të dal dot. Unë kam dyshimet e mia se kush e ka bërë, kam parë skenën, kam parë personin që më ruante, i kam me emra, personi është treguar neglizhent, ka harruar dhe bidonin e benzinës. Dhashë deklaratën time, emrin e personit që unë dyshoj. është diçka që ndodh dy herë, herën e parë e konsideruan aksidentale po tani? Katër vite më parë mamaja ime është pushuar nga puna si pastruese padrejtësisht dhe unë jam konfliktuar me ish kryebashkiakun Bledion Nallbati. Pas konfliktit mu dogj makina e parë. Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit. Në vendngjarje është gjetur një bidon benzine nga ky karburant ashtu si herën e kaluar. Policia nuk ka cilësuar ende asgjë. Ai po me ruante, dukej se ishtë në pritje të parkimit të makinës. Djegien e makines së parë policia e konsideroi aksidentale por ja qe ngjarja po përsëritet. I lutem shtetit, është hera e dytë, herën e tretë nuk merren masa do më gjeni kanaleve, e sigurtë,”- thoshte Deizi Arapi.
Sot, e reja është në rolin e të akuzuarës, jo zyrtarisht, por nga familja e Buçit. Kjo pasi Urim Buçi tha se mjetin e djalit të tij e ka djegur 27-vjeçarja. Ai zbuloi edhe se më 27 shtator, Deizi Arapi e ka ndaluar djalin e tij dhe e ka ofenduar. Deri më tani, asnjëra nga ngjarjet nuk është e zbardhur dhe nuk ka asnjë të arrestuar.
BILISHT- Babai i Marsel Buçit, Urim Buçi akuzon Deizi Arapin si autore të djegies së mjetit të djalit të tij. Vetëm pak orë pas ngjarjes, Urim Buçi thotë se Deizi Arapi ia ka akuzuar djalin për shkrumbimin e makinës së saj dhe se e ka sharë e ofenduar. Sipas Buçit, kjo gjë ka ndodhur dy ditë pas djegies së makinës së Arapit.
"Dyshojmë tek Deizi Arapi, ajo më akuzoi djalin. Dy ditë pasi i dogjën mjetin, ndaloi djalin dhe e ofendoi. Im bir nuk ka asnjë konflikt me Deizi Arapin, shteti të bëjë drejtësi,"- tha Urim Buçi.
Automjeti i llojit "Volkswagen" në pronësi të Marsel Buçit është shkrumbuar teksa ishte parkuar para shtëpisë së tij, rreth orës 02:30. Marsel Buçi është punonjësi i karburantit që u akuzua më herët nga Deizi Arapi si autor i zjarrvënies së mjetit të saj, ngjarje e ndodhur më 25 shtator të këtij viti. Ende nuk dihet se kush fshihet pas kësaj ngjarjeje, por hetuesit janë të bindur që zjarri ka qenë i qëllimshëm. Deri më tani nuk ka asnjë person të arrestuar për asnjërën nga mjetet e djegura.
BILISHT- Marsel Buçi, personi që i është shkrumbuar mjeti gjatë natës së kaluar në Bilisht është punonjësi i karburantit që u akuzua më herët nga 27-vjeçarja Deizi Arapi, si autori i djegies së mjetit të saj.
Makinës së Buçit i është vënë flaka rreth orës 02:30 teksa ka qenë i parkuar pranë banesës së tij. Buçi u akuzua drejtpërdrejt nga Arapi për djegien e mjetit të saj të llojit ‘Mercedes Benz”, ngjarje e ndodhur në 25 shtator të këtij viti.
Njësoj si katër vite më parë, Arapit iu dogj makina para derës së shtëpisë, por këtë herë, në një deklaratë për mediat ajo akuzoi se gjithçka vinte pas sherrit me deputetin e Partisë Demokratike Bledion Nallbati. Si autor, ajo shënjestroi punonjësin e karburantit të Nallbatit, por pa i përmendur emrin. Dhe ai rezulton të jetë pikërisht Marsel Buçi.
"Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit. Në vendngjarje është gjetur një bidon benzine nga ky karburant ashtu si herën e kaluar. Policia nuk ka cilësuar ende asgjë. Ai po me ruante, dukej se ishtë në pritje të parkimit të makinës,"- thoshte Arapi.
Vetë i riu nuk ka dhënë asnjë prononcim për ngjarjen në fjalë. Nuk dihet nëse pas kësaj ngjarjeje fshihet Arapi dhe nëse sulmi ka qenë një hakmarrje.
BILISHT- Një automjet i llojit "Volkswagen" në pronësi të Marsel Buçit, punonjësit të karburantit që u akuzua më herët nga Deizi Arapi si autor i zjarrvënies së mjetit të saj, ngjarje e ndodhur më 25 shtator të këtij viti, është shkrumbuar. Mjeti i Buçit ishte parkuar para shtëpisë së tij kur i është vënë flaka rreth orës 02:30.
Ende nuk dihet se kush fshihet pas kësaj ngjarjeje, por hetuesit janë të bindur që zjarri ka qenë i qëllimshëm. Buçi u akuzua drejtpërdrejt nga Arapi për djegien e mjetit të saj të llojit ‘Mercedes Benz’. Arapit iu dogj makina para derës së shtëpisë, por këtë herë, në një deklaratë për mediat ajo akuzoi se gjithçka vinte pas sherrit me deputetin e Partisë Demokratike Bledion Nallbati. Si autor, ajo shënjestroi punonjësin e karburantit të Nallbatit, por pa i përmendur emrin. Dhe ai rezulton të jetë pikërisht Marsel Buçi.
Nuk dihet nëse djegia e makinës së Buçit është një ‘hakmarrje’ nga ana e Arapit. Policia nuk ka dalë ende me një njoftim zyrtar për ngjarjen në fjalë dhe vetë i riu nuk ka dhënë asnjë prononcim.
