Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Po ashtu shkruhet se ky fshat po mbahet në këmbë nga paundët, pasi shumica e të rinjve janë larguar ilegalisht në Mbretërinë e Bashkuar dhe sjellin paratë për familjarët e tyre që jetojnë në Muzhakë.
BULQIZË- Dailymail ka publikuar një artikull për një fshat të Bulqizës. Bëhet fjalë për fshatin Muzhakë, i cili në shkrimin e medias britanike është ndërtuar i gjithi nga e para me paratë që të rinjtë e këtij fshati kanë fituar nga emigrimi në Britaninë e Madhe. Po ashtu shkruhet se ky fshat po mbahet në këmbë nga paundët, pasi shumica e të rinjve janë larguar ilegalisht në Mbretërinë e Bashkuar dhe sjellin paratë për familjarët e tyre që jetojnë në Muzhakë. Dailymail shkruan se gjatë 15 viteve të fundit të paktën 300 të rinj të lindur dhe të rritur në Muzhak janë larguar nga fshati për në Mbretërinë e Bashkuar duke përdorur kamionë, varka dhe aeroplanë për një jete më e mirë.
Shkrimi i Plotë:
Ky është fshati i vogël në kodrat shqiptare ku të gjitha shtëpitë komode dhe moderne janë ndërtuar me paratë e dërguara në shtëpi nga emigrantët që hyjnë ilegalisht në Britani. Fshati piktoresk Muzhak ka një popullsi prej rreth 1,200 banorë dhe në çdo familje ka të paktën një anëtar dhe në disa raste deri në tre që jetojnë në MB.
Gjatë 15 viteve të fundit të paktën 300 të rinj të lindur dhe të rritur në Muzhak janë larguar nga fshati, i cili ndodhet rreth dy orë në veri të kryeqytetit Tiranë, për në Mbretërinë e Bashkuar duke përdorur kamionë, varka dhe aeroplanë për një jete më e mirë. Dhe me paratë që kanë fituar në Britani, ata kanë ndihmuar në financimin e ndërtimit të dhjetëra shtëpive të reja, duke zëvendësuar ndërtesat njëkatëshe me shtëpi luksoze trekatëshe me ngrohje qendrore. Në qytetin e Burrelit, kryebashkiaku Agron Malaj tha për Dailymail se 500 të rinj janë larguar nga rajoni në kërkim të punës vetëm në 12 muajt e fundit, duke i lënë fshatrat atje të duken si vende fantazmë.
“Rajoni ynë ka parë që shumica e njerëzve të largohen dhe të shkojnë në Mbretërinë e Bashkuar, sepse ata e shohin atë si një vend të mundësive, ata mund të fitojnë një rrogë të mirë ndërsa këtu opsionet për ta janë të kufizuara. Të gjithë në Burrel dhe fshatrat fqinjë kanë dikë në familje që është larguar në Britani dhe në disa raste të gjithë fëmijët e një familjeje kanë shkuar duke lënë vetëm prindërit. Nëse jetoni këtu ose në fshat jashtë qytetit, nuk ka shumë mundësi, kështu që nuk i fajësoj të rinjtë që janë larguar, ne kemi parë një brez të tërë burrash të shkojnë," tha ai.
Gjithçka filloi rreth 15 vjet më parë dhe atëherë ishte me kamionë dhe ishte e shtrenjtë, ndoshta 20,000 £ për të hyrë në MB, por tani është me varka të vogla dhe çmimi ka rënë, rreth 3,000 £ kështu që është shumë joshëse për ta.
"Njerëzit që shkojnë në Britani i dërgojnë të ardhurat e tyre në shtëpi dhe ne kemi familje që i kanë rindërtuar shtëpitë e tyre me paratë që kanë bërë në Britani," tha ai.
Nuk është e vështirë të kuptosh pse njerëzit duan të largohen nga Burreli dhe zona përreth, duke e kthyer atë në një qytet fantazmë pasi paga mesatare javore për ata me fat për të gjetur një punë është 125 £ krahasuar me 640 £ në MB. Në mesin e atyre që janë larguar janë tre djemtë e Aliut dhe Hike Trumcit, të cilët jetojnë në shtëpinë e tyre të re të ndërtuar me pagat e tre djemve të tyre që u larguan nga Muzhaku për në MB duke hyrë ilegalisht me kamionë dhe më vonë duke kërkuar azil.
Arturi më i madh, 42 vjeç është një shofer transporti në Londër, ndërsa vëllezërit e tij më të vegjël Asimi, 36 vjeç dhe Hamiti, 29 vjeç, jetojnë në Bath ku janë shoferë taksie. Duke qëndruar në kopshtin e shtëpisë së tij të re dykatëshe, Ali tregoi me gisht shtëpitë në luginën piktoreske poshtë tij dhe tha: Ajo është ndërtuar me para nga fëmijët në Birmingham, ajo nga Bristol, ajo ka fëmijë në Liverpool. Të gjitha shtëpitë e reja që shihni para jush janë ndërtuar me ndihmën e fëmiljëve në MB. Edhe ajo që po ndërtohet, është me para nga MB.
Askush prej nesh këtu nuk do të kishte qenë në gjendje të ndërtonte shtëpi të reja të rehatshme si kjo pa ndihmën e fëmijëve tanë në MB dhe për këtë ne të gjithë jemi përjetësisht mirënjohës.
“Djemtë e mi shkuan të gjithë në Britani të Madhe sepse këtu nuk patën mundësi, nuk më kanë thënë kurrë se sa kanë paguar për të hyrë në Britani, por unë e kam një ide të mirë dhe ata u janë bashkuar shumë të tjerëve nga Muzhaku dhe zona përreth. Të gjithë këtu kanë dikë nga familja e tyre që jeton në MB, disa kanë një të tjerë, dy ose si unë tre fëmijë që jetojnë në MB dhe sigurisht të gjithëve na mungojnë, por ne jemi me fat pasi kemi qenë në gjendje t'i vizitojmë. Atyre të gjithëve u është dhënë leja për të qëndruar në MB dhe tani kanë jetë atje, shkuam për të vizituar në verë dhe pamë London Eye dhe Buckingham Palace, por Bath ishte i preferuari im. Një qytet kaq i bukur.
Gruaja e tij Hike, shtoi: Djemtë tanë na mungojnë jashtëzakonisht, por pa ata që të shkonin në Britani, ne nuk do të mund të jetonim në një shtëpi si kjo, sakrifica e tyre na ka ndihmuar jashtëzakonisht shumë. Para se të largoheshin të gjithë ne jetonim në një ndërtesë të vjetër njëkatëshe me pulat që hynin e dilnin dhe nuk kishte ngrohje të duhur, vetëm një zjarr dhe tymi mbushi shtëpinë dhe ishte e vështirë të merrje frymë. Por me paratë që ata dërguan nga Britania e Madhe ne ishim në gjendje ta rrëzonim atë dhe të fillonim përsëri dhe tani kemi një shtëpi dykatëshe ku të gjithë fëmijët mund të vijnë dhe të qëndrojnë kur të vizitojnë. Ne kishim shpresuar se ata do të ktheheshin dhe do të jetonin me ne këtu në mënyrë që ne të bëheshim një familje përsëri, por ata e kanë bërë të qartë se nuk do të largohen dhe do të qëndrojnë në MB.
I pyetur se si do të kishte qenë jeta e djemve të tij nëse do të kishin qëndruar në Muzhak, Aliu teksa fshiu lotët nga fytyra: I zi. Shumë i zi. Këtu nuk ka shumë shpresë për fëmijët tanë, prandaj të gjithë të rinjtë po ikin, por ne po shohim edhe gruan të shkojë. Britania ka qenë një shpëtimtar për shqiptarët e varfër që kanë lënë fshatin tonë dhe rrethinën tonë, do të doja shumë që Britania të merrte përgjegjësinë për rajonin tonë dhe ta bënte atë një protektorat sepse kemi siguruar kaq shumë njerëz për të punuar atje. A mund ta imagjinoni se si do të ishte jeta e tre djemve të mi nëse do të kishin qëndruar këtu? Ata nuk do të kishin pasur asgjë dhe ata mund të kishin përfunduar të përfshirë në krim, por ata shfrytëzuan mundësinë për të shkuar në Britani dhe po bëjnë një jetë të ndershme për veten e tyre. Më mërzit kur dëgjoj politikanët britanikë që thonë se ka një pushtim të shqiptarëve dhe ne jemi të gjithë kriminelë, kjo nuk është e vërtetë, shikoni sa shumë kanë punuar djemtë e mi për të ndihmuar prindërit e tyre në shtëpi. Tani dëgjoj të flasin për lajmet se Britania dëshiron të kthejë shqiptarët, por them mos i lini të qëndrojnë atje dhe të punojnë, ata kanë nevojë për ndihmën tonë dhe ne kemi nevojë që fëmijët tanë të punojnë për të na ndihmuar. Kur djemtë e mi thanë se do të shkonin në Britani, unë qava sepse e dija se do të më mungonin, por sepse e dija se udhëtimi ishte gjithashtu i rrezikshëm dhe do të ishte i shtrenjtë për ta. Ata udhëtojnë shkuan në Itali dhe më pas në Francë dhe unë e di që ata kaluan me kamionë dhe kur më telefonuan për të thënë se ishin të sigurt, unë thashë një lutje falënderimi.
Në Burrel, lidhja me Britaninë mund të shihet nga numri i makinave të regjistruara në Mbretërinë e Bashkuar në rrugë, duke përfshirë disa Audi të shtrejntë, por pronarët e tyre hezitojnë të flasin kur u afrohen gazetarët. Një vendas, i cili nuk pranoi të përmendet emri tha: Shumë të rinj nga Burreli kanë shkuar në Britani, nuk ka mundësi këtu për ta dhe kanë kaluar me kamionë, por tani shkojnë me varka të vogla sepse është më lirë. Shumë prej tyre gjejnë punë në ekonominë e zezë, si lavazhe makinash apo punë dhe paratë që fitojnë ua dërgojnë në shtëpi prindërve të tyre, të cilët i rregullojnë shtëpitë e tyre, por disa përfshihen edhe në krim. Një nga miqtë e mi që është në Angli më dërgoi një video të rritjes së kanabisit për të cilin po kujdeset dhe vendi ishte plot me bimë, ai tha se e dinte se ishte gabim, por të paktën po bënte disa para për familjen e tij. Atyre që janë të përfshirë me gangsterët mund t'i thoni kur kthehen në Burrel për pushime, sepse janë ata me makinat e mëdha të shtrenjta.
Edi Rama TIRANË- Partnerët e Platformës së Këshillit të Europës për Siguri të Gazetarëve dhe Reporter&eum...
Policia Rugore DURRËS- Dy drejtues mjetesh kanë rënë në prangat e Policisë së Durrësit pasi shkelën rregullat ...
Komisioni TIRANË- Komisioni i Veprimtarisë Prodhuese është shoqëruar me dabate ditën e sotme. Teksa po diskutohej për nd...
Foto Ilustruese TIRANË-Partnerët e Platformës së Këshillit të Europës për Siguri të Gazetarëve ndodhë...
Adriatik Doçi TIRANË- Autori i dyshuar si personi që dhunoi gazetarin Adriatik Doçi është arrestuar. Në pranga ka p&...
Foto ilustruese ITALI- Një laborator klandestin droge i drejtuar nga një çift shqiptarësh me banim në provincën e...
Nafta TIRANË-Bordi i Transparencës ka ndryshuar sërish çmimet e karburanteve. Në njoftimin e bërë publik për medi...
Foto Ilustruese TIRANË- Janë zbardhur propozimet e bëra nga deputetët e Partisë Demokratike në lidhje me ndryshimet në K...
Pamje nga harta TIRANË- Ish-zv. komandanti i Forcave Detare Artur Meçollari ka bërë me dije se tre anije greke hynë përs&e...
SOVJETIN GJINUSHI E PROVOVA NË KURRIZ!!! Këto dy ditë kam qenë në Prishtinë, në Konferencën Studimore Gjuhësore p...
