Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Avokati Arben Llangozi, pasi u njoh me dokumentet dhe veprimet konstatoi shkelje e tha se këtë rast do ta marrë përsipër pa pagesë.
VLORË- Emisioni “Stop” ndodhet në Vlorë me qytetarin Shkëlqim Meta, i cili tregon se në vitin 2022 i jep me qira objektin e tij Tatjana Bullës dhe bashkëshortit të saj për restorant tradicional, për 4 vjet. Por qiramarrësit e kthejnë atë në hostel. Shkëlqimi bën revokim të kontratës, por bashkëshortët Bulla nuk e lirojnë objektin megjithëse tani janë pa drita dhe ujë.
“Më thotë nuk të njoh dhe kur ia prish kontratën më mban peng objektin. Në vitin 2022 e kam dhënë me qira për restorant e shkruan dhe kontrata restorant, por e ka kthyer në hotel. Kemi pasur dhe konflikte kemi shkuar dhjetëra herë në polici, një herë vonon qiranë, një herë lekët e dritave dhe ofendime nga më të ndryshmet.
Jam i detyruar të prish kontratën dhe të më lirojë vendin, le të rrijë pa drita, pa ujë dhe nuk ma liron objektin. ‘Unë nuk iki, kam kontratën edhe 2 vite të tjera’, më thonë. Është Tatjana Bulla dhe Anest Bulla. Anest Bulla është burri i saj, kam bërë kontratë me atë, por ai nuk përgjigjet. Përgjigjet vetëm kjo. Unë kërkoj që të më lirohet objekti, të kem qetësi. Nuk i dua ato lekë para jetës. Ajo të bën të vetëgjykosh. Kemi vajtur në polici dhe polici i jep gjithmonë të drejtë asaj që ajo mund të bëjë çfarë të dojë se e ka marrë me qira, nuk quhet kontratë e prishur e njëanshme dhe nuk kam gjetur mbështetje”, tha denoncuesi.
“Stop” u takua dhe me zonjën Bulla, por ajo pretendon, se është në rregull me shtetin, pasi ka ndryshuar NIPT. Ajo nuk merr fare në konsideratë ndryshimin e njëanshëm të kontratës me qiradhënësin.
Gazetarja: Për çfarë përdoret objekti zonjë?
Tatjana Bulla: Objektin e kemi hostel.
Gazetarja: Hostel! Po këtu thotë restorant tradicional.
Tatjana Bulla: Jo e kemi kthyer mund të shkoni tek Zyra Tatimore, e kemi kthyer tek Zyra Tatimore.
Gazetarja: S’e keni kthyer tek kontrata e qirasë, sepse në kontratë është restorant.
Tatjana Bulla: Çfarë do të thotë kjo?
Gazetarja: Tek Zyra Tatimore ju keni ndryshuar biznesin, por duhet të ndryshoni dhe kontratën. Ndoshta pronari i objektit nuk është dakord.
Tatjana Bulla: Kush e thotë këtë sepse unë jam avokate.
Gazetarja: Dhe unë me avokatë kam folur që erdha deri këtu.
Tatjana Bulla: Jo, po çfarë kontrate kam prishur?
Gazetarja: Ju mund të ndryshoni NIPT-in sa herë të doni, por duhet të vini në dijeni pronarin e objektit.
Tatjana Bulla: Pronari e di shumë mirë, me konsensusin e pronarit e kam bërë.
Gazetarja: Si e keni marrë konsensusin e pronarit me shkrim?
Tatjana Bulla: Jo, jo!
Gazetarja: Ju me çfarë kompetence e mbani objektin peng? Ku e gjeni kompetencën ju?
Tatjana Bulla: Lërini këto pyetje me mua. Këto pyetje janë gjëra elementare. Unë kam një kontratë qiraje deri në vitin 2027.
Gazetarja: Që e keni shkelur.
Tatjana Bulla: Kush e thotë këtë gjë?
Gazetarja: Si mund ta bëni hostel, kur e keni deklaruar për restorant?
Tatjana Bulla: Unë e kam deklaruar shtetit dhe paguaj taksa.
Gazetarja: Ia keni deklaruar shtetit, por jo tek noteri sepse duhet të kishit rinovuar kontratën, qëllimin e kontratës. Çfarë kërkoni nga zotëria?
Tatjana Bulla: Unë nuk kërkoj asgjë, zotëria pse më ka hequr ujin dhe dritat.
Gazetarja: Zotëria nuk do më që ti të qëndrosh këtu, ka prishur kontratën. Ti sot mban peng objektin e dikujt.
Tatjana Bulla: Po, po.
Gazetarja: Me çfarë të drejta?
Tatjana Bulla: Kështu më do qejfi.
“Stop” mësoi se Tatjana Bulla, para se të merrte objektin e zotit Shkëlqim Meta, kishte qëndruar në konviktet shtetërore të Shkollës Mjekësore të Vlorës, nga ku e kishin nxjerrë me polici pasi publikonte hapësirat shtetërore i reklamonte për hostel.
Punonjësja: Ne e kishim problem, se ajo në Facebook-un e saj kishte hedhur “Casa Tatjana”, konviktin e shtetit e kishte bërë “Casa Tatjana”. Ne kishim tarifat tona, jo se na solli njeri, por e larguam për këtë gjë që bëri.
Gazetarja: Pra pretendonte të jepte objektin shtetëror për hostel?
Punonjësja: Po! Kaq! Në këtë moment i thamë fshi Facebook e të gjitha, ajo nuk donte dhe e ndoqëm.
Gazetarja: E ndoqët me polici besoj?
Punonjësja: Po, po me polici, se kështu nuk dilte.
Avokati Arben Llangozi, pasi u njoh me dokumentet dhe veprimet konstatoi shkelje e tha se këtë rast do ta marrë përsipër pa pagesë.
“Kemi një objekt të dhënë për qira që ka të bëjë me një destinacion të caktuar, që është mëngjesore dhe bar restorant. Nga ana tjetër qiramarrësi e ka tjetërsuar destinacion dhe komplet strukturën e këtij objekti. Kemi vepra penale të dhunimit të pronës, të shkatërrimit të pronës sepse janë dy gjëra të ndryshme dhe moszbatimi i kontratës vë përpara përgjegjësisë qiramarrësin të veprës penale të vjedhjes me anë të mashtrimit. Sepse destinacioni i pronës dhe shkatërrimi i pronës ka dhe mashtrimin brenda. Por pala duhet t’i drejtohet dhe Gjykatës së Juridiksionit të Përgjithshëm Vlorë, ku duhet të kërkojë dorëzimin dhe lirimin e menjëhershëm të objektit, por ajo që është më emergjente është se duhet të veprojë menjëherë prokuroria sepse kemi një shkatërrim në masë të një pasurie të paluajtshme. Nga ana jonë merret përsipër të ndiqet kjo çështje, kundrejt asnjë pagese, çdo gjë do të mbulohet nga ne dhe ju si emision “Stop” në bashkëpunim”, tha avokati./ TvKlan.
TIRANË- Për herë të parë në histori, sporti shqiptar mori dy medalje olimpike në Paris 2024. Të dyja medaljet erdh&eum...
Aksidenti KORÇË- Një aksident është regjistruar mbrëmjen e sotme në afërsi të Teatrit në qytetin e Kor&...
Foto ilustruese BURREL- Një aksident është regjistruar mbrëmjne e sotme rrreth orës 17:45 në aksin Rrëshen-Burrel, ...
Ndihma TIRANË- Në Shqipëri, shoqata e të rinjve vullnetarë "Eko Mendje" është vlerësuar si "Vullnetari i vitit 2024...
Neim Hoxha ANGLI- Një 27-vjeçar shqiptar është dënuar me tre vite burg në Angli pasi u kap në një “sh...
Foto ilustruese KOSOVË- Policia e Kosovës i ka arrestuar dy zyrtarë të Departamentit të Kadastrës në Komunën e Gra&...
Foto ilustruese ITALI- Autoritetet italiane kanë vënë në pranga dy shqiptarë. Arrestimi i shqiptarëve ka ardhur pasi i kap&eu...
tre ish-drejtoret TIRANË- Prokuroria e Posaçme ka mbyllur hetimet paraprake për dosjen 5D dhe ka dërguar për gjykim ish-drejtor&...
Tirana TIRANA- Një anketë e Këshillit të Bashkëpunimit Rajonal (RCC) me 6 mijë qytetarë që synon të masë ...
foto ilustruese SARANDË- Gjykata e Sarandës ka marrë sot vendimin për Elvira Tahirajn, 49-vjeçaren e cila vrau me sëpat&eum...
