Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Altin Basha u bë një prej tre artistëve, që tradhëtuan kolegët e tyre protestues dhe u takuan me Veliajn, në korrik 2018, në një show propagandistik, një ditë përpara se parlamenti të miratonte me urgjencë ligjin special, tashmë të hedhur poshtë, për shembjen e Teatrit Kombëtar.
TIRANË- Sa më shumë kalon, aq më të qarta bëhen arsyet që shtyjnë shumë emra të njohur të skenës shqiptare të braktisnin lëvizjen për mbrojtjen e teatrit, për t’u strukur në gjirin e ngrohtë të Rilindjes. Njëri prej tyre, ndër më të shquarit, është regjisori Altin Basha. Sot, fiks katër vjet pasi në dhjetor 2020 mori për herë të parë një detyrë shtetërore, një emision investigativ ka hedhur dyshime të rënda për vjedhjen e fondeve të teatrit që ai drejton. Basha u akuzua nga “Piranjat” se si drejtor i këtij institucioni, në konflikt interesi, ka punësuar bashkëshorten e tij Iliriana Basha, duke i dhënë dorë të lirë për fondet e një shfaqeje.
Plot 12 milionë lekë për kostumet dhe skenografinë. Dhe ç’ka bërë gruaja e burrit drejtor? Ka porositur një pardesy e cila kushtonte 200 mijë lekë dhe teatri e ka blerë për një shumë prej 500 mijë lekë. “Piranjat” tregojnë me detaje se kështu është vepruar edhe me veshjet e tjera apo me blerjet që duheshin për skenografinë duke zhdukur një pjesë të madhe të shumë 12 milionëshe.
Skema si zhvaten paratë në Teatrin Kombëtar, çfarë fshihet pas perdes (VIDEO)
“Rrethi artistik e di mire se kush jeni ju. Po sot u demaskuat si çifti Çaushesku”, shkroi aktorja Delinda Disha që dikur ka punuar me Bashën, në Portokalli, në Top Chanel. “Turp, zhgënjim, keqardhje. Nëse të ka ngel ndopak dinjitet, jep dorëheqjen,” reagoi aktori i Teatrit Kombëtar Besmir Bitraku. Ndërsa Ardiana Kalaja e PD-së, që dikur ka qenë pranë tij në mbrojtje të teatrit, para se Basha të tradhëtonte shokët vuri re me ironi: “tërmeti” po nxjerr “minjtë” nga vrimat….
Në fakt nuk ka shpjegim tjetër, se pse ata që tradhëtuan kauzën e teatrit, vendosën të përbaltin fytyrat e tyre publikisht dhe të kapërdinin gjithçka patën nxjerrë nga goja. Ata menduan se turpin moral, do ta kompesonin me përfitime materiale. Altin Basha u bë një nga simbolet e këtij fenomeni. Dhe kjo u pa në 3 dhjetor 2020 kur ai u emërua në detyrën e drejtorit të Teatrit Eksperimental, në vend të Kiço Londos. Për të arritur deri këtu ai u detyrua të gëlltiste shumë.
Ai u bë një prej tre artistëve, që tradhëtuan kolegët e tyre protestues dhe u takuan me Veliajn, në korrik 2018, në një show propagandistik, një ditë përpara se parlamenti të miratonte me urgjencë ligjin special, tashmë të hedhur poshtë, për shembjen e Teatrit Kombëtar.
Manipulimet/ Altin Basha, regjisori i një spektakli të shpifur
Ai atëherë u akuzua nga aktorët e tjerë se nuk kishte mandat për një takim të tillë, që i shërbente thjesht interesave politike të ditës. Fotoja e regjisorit së bashku me aktorët Arben Derhemi dhe Alfred Trebicka u bë virale në rrjet. Ndryshe nga dy të tjerët që patën pakëz cipë dhe refuzuan të flasin publikisht për atë ngjarje, Basha i vuri gjoksin dhe me argumentat e Rilindjes sulmoi protestuesit, duke pretenduar se ata e kishin tradhëtuar atë duke u shndërruar në një lëvizje pro PD-së.
Gjen guximin të rishfaqet në publik Altin Basha. Natyrisht për një shërbim të ri
Por, nuk mbaron këtu. Më maj 2020, vetëm një ditë para shembjes së Teatrit Kombëtar, Altin Basha, bashkë me një sërë drejtuesish të institucioneve shtetërore dhe aktorë të Portokallisë, nisën një peticion ku kërkonin shembjen e Teatrit Kombëtar dhe ndërtimin e teatrit të ri.
Altin Basha i shërbeu si alibi Erion Veliajt edhe më vonë, kur qeveria dhe bashkia e kuptuan që ishin diskredituar aq shumë sa duhet të hiqnin dorë nga bashkëpunimi me kompaninë private “Fusha SHPK” për aferën e ndërtimit të kullave 200 milionëshe. Atëherë Veliaj shpalli në publik se kishte qenë parfaqësuesi i komunitetit të artistëve që i kishte bërë “Fushës” aq kërkesa të forta, sa ajo kompani që e kishte të mundur të plotësonte tekat e njërit prej arkitektëve më të mirë në botë, Bjarke Ingels, nuk kënaqte dot ekzigjencat e Altin Bashës.
Edhe më i neveritshëm u bë roli i regjisorit që dikur këmbëngulte se teatri nuk duhet të shembej, ditën pasi atij iu vunë minat. Në një intervistë për ‘Report TV’ ai e krahasoi ndërtesën tashmë të shkallmuar, prishjen e së cilës gazeta “Le Monde” e etiketoi si një “akt barbar”, me një “kotec pulash”.
Por, luga me çorbë të prishur që pati gëlltitur nuk do ta ngopte lehtë. Dy vjet pasi e bëri drejtor të Teatrit Eksperimental, partia do ta gradonte në dhjetor 2022, në krye të Teatrit Kombëtar. Sapo e mori këtë detyrë akuzat nuk munguan (shiko linkun poshtë). Basha u kritikua se e ktheu institucionin në një “kotec” privat të shtëpisë së tij, ku vinte vetëm shfaqe të vetat dhe ato ku e shoqja ishte producente.
Kalendari i shfaqjeve private/ Si e privatizoi Altin Basha Teatrin Kombëtar
Pikërisht këto akuza që qarkullonin në ajër, investigimi i Piranjave i ka zbardhur me fakte konkrete. Dhe pas kësaj bëhen edhe më të kuptueshme piruetat e paskrupullta të regjisorit në vitet 2018-2020. Atëherë dyshohej se ai edhe mund t’i kishte tradhëtuar kauzat dhe kolegët për ambicie profesionale. Ashtu sikurse iu ndodh shumë artistëve ai mund të kishte mbyllur sytë sepse donte të bënte karrierrë dhe ti jepte vetes pushtet, për të realizuar ato projekte që në një vend të vogël si ky nuk mund të bëhen pa ndihmën e shtetit.
Por, me sa duket, as kjo alibi e fundit s’paskësh qenë e vërtetë. Ambicia e tij nuk ka pasur asgjë artistike. Ajo i përngjan më tepër asaj të njeriut që e përdhosi për herë të parë, Erion Veliajt. Ajo me shumë gjasë ka qenë financiare. E kjo e bën më të kuptueshme krejt fabulën, atë se pse u bënë bashkë, kur duhej shembur Teatri./Lapsi.al
TIRANË- Shumica e atyre që kanë diploma pasuniversitare dhe një punë që konsiderohet e mirë për tregun tonë nuk jan...
foto ilustruese TIRANË- Kompanitë duhet të fusnin në kulturën e punës indeksimin e përvitshëm të pagave me inf...
foto ilustruese TIRANË- Depërtimi i masave ajrore të ftohta nga verilindja e kontinentit do të diktojnë kushtet e motit në ve...
Elton Ilirjani dhe Parashevi Simaku SHBA- Ikona e muzikës shqiptare Parashevi Simaku është rikthyer në Festivalin e Këngës pa...
Foto Ilustruese KORÇË- Një bankë është tentuar që të vidhet mbrëmjen e sotme në Korçë. M&eu...
Vjosa Osmani KOSOVË- Presidentja e Kosovës Vjosa Osmani i ka uruar mirëseardhje në Kosovë kompanisë së shërbimeve c...
Marius Dervishi TIRANË- Marius Dervishi apo i njohur me nofkën Zebervoki është bërë pjesë e shtëpisë...
Elon Musk SHBA- Starlink, platforma e internetit satelitor të Starlink Services, LLC, një degë në pronësi të plotë ...
Solstici dimëror shënon fillimin e dimrit në Hemisferën Veriore dhe sjell ditën më të shkurtër dhe natën më ...
Edi Rama TIRANË- Kryeministri Edi Rama deklaroi të shtunën se “do të mbyllë Tik Tok”, rrjetin social, përdorimi m...
