E RËNDË! Aksident në Librazhd, mjeti del nga rruga gjatë natës përfundon në Shkumbin, e pikasin sot në mëngjes. Vdesin burrë e grua

Pamje nga aksidenti

LIBRAZHD- Detaje të reja mësohen nga aksidenti tragjik me dy të vdekur në aksin Prrenjas-Librazhd. Nga të dhënat e deritanishme, burrë e grua Arjan dhe Majlinda Yze ishin duke komunikuar me familjarët e tyre. Por papritur linja u shkëput në orën 20.00, duke bërë që familjarët të kuptonin se diçka kishte shkuar keq.

Ndaj dhe damiljarët e çiftit të ndjerë kanë lajmëruar menjëherë policinë, dhe kanë kërkuar gjatë gjithë aksit Pishkash-Përrenjas, por u pikas që mjeti kishte rënë në lumë. Dyshohet se shkak për aksidentin të jetë bërë përgjumja, apo dhe ndonjë problem i mundshëm shëndetësor i drejtuesit të automjetit.

Drejtuesi mjetit ka dalë nga rruga dhe ka ecur anash mbrojtësve anësore dhe ka përfunduar në lumë.

Makina

LIBRAZHD- Këto janë fotot që vijnë nga momenti kur mjeti i çiftit Yze, nxirret pas disa orësh nga përrori i Lengajcës. Për fat të keq, çifti i bashkëshortëve, Arjan dhe Majlinda Yze ndërruan jetë. 

Siç shihet edhe nga pamjet, në vendin e ngjarjes ndodhen punonjës të shumë policie si edhe zjarrfikës që po punojnë për nxjerrjen e makinës nga përroi.

55-vjeçari humbi kontrollin e automjetit dhe përfundoi në përroin e Lengajcës. Aksidenti tragjik ndodhi gjatë natës, por u pikasën mëngjesin e sotëm nga kalimtarë të rastësishëm./Dosja.al

Foto ilustruese

LIBRAZHD- Zbulohet identiteti i dy viktimave që përfunduan mbrëmë në lumin Shkumbin. Arjan dhe Malinda Yze, 55 dhe 50 vjeç nga Devolli për arsye që ende nuk dihen përfunduan mbrëmë në lumin Shkumbin, por mjeti i tyre u vu re vetëm mëngjesin e sotëm nga kalimtarët e tjerë që njoftuan menjëherë Policinë e Shtetit. Deri më tani nuk dihet se përse mund të ketë ndodhur aksidenti, shumë pranë fshatit Pishkash. 

Foto ilustruese

LIBRAZHD- Një aksident i rëndë ka ndodhur mëngjesin e së hënës në Librazhd-Përrenjas. Një mjet ka dalë nga rruga dhe ka përfunduar në përrua. Raportohet se viktima kanë mbetur një çift bashkëshortësh. Viktimat, janë identifikuar vetëm me iniciale, A.Y dhe M.Y., përkatësisht 55 dhe 50 vjeç, të dy nga Devolli. Mjeti dyshohet se ka rënë në përrua gjatë natës, ndërkohë që ende po punohet për nxjerrjen e trupave nga lumi. 

Librazhd/Informacion paraprak

Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip "Volksëagen", ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.

Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.

Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet. Grupi hetimor vijon punën për zbardhjen e plotë të rrethanave të këtij aksidenti.