Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në 28 operacione janë sekuestruar 1 ton kanabis, 13 armë zjarri, 815 g kokainë, 110 g heroinë dhe 250 bimë narkotike.
TIRANË- Policia e Shtetit ka bërë bilancin e përjavshëm të operacioneve që janë zhvilluar në vend. Përmes një njoftimi për shtyp, policia bën me dije se janë arrestuar 115 persona për ngjarje të ndryshme kriminale. Në 28 operacione janë sekuestruar 1 ton kanabis, 13 armë zjarri, 815 g kokainë, 110 g heroinë dhe 250 bimë narkotike.
Poashtu policia sqaron se janë lokalizuar dhe kapur 18 persona në kërkim, nga të cilët 15 në kërkim kombëtar dhe 3 në kërkim ndërkombëtar, për vepra të ndryshme penale. Në fund të njoftimit për shtyp policia u bën thirrje gjithë qytetarëve që të denoncojnë në Komisariatin Dixhital dhe në numrin pa pagesë 112, çdo rast të paligjshmërisë, duke iu garantuar anonimat të plotë, reagim të menjëhershëm dhe të paanshëm.
Njoftimi i plotë:
Policia e Shtetit, në një javë!
Strukturat e Policisë së Shtetit, të angazhuara në terren 24/7, për të parandaluar dhe goditur krimin dhe veprimtaritë e paligjshme, në të gjithë territorin e vendit.
28 operacione dhe megaoperacione policore, të finalizuara nga strukturat e Policisë së Shtetit, për goditjen e veprimtarive të ndryshme kriminale dhe të çdo paligjshmërie, që bien ndesh me legjislacionin penal të vendit.
Si rezultat i tyre, janë sekuestruar rreth 1 ton kanabis, 13 armë zjarri, 815 g kokainë, 110 g heroinë dhe 250 bimë narkotike, si dhe janë vënë në pranga 115 shtetas, për veprimtari të ndryshme kriminale.
Janë lokalizuar dhe kapur 18 persona në kërkim, nga të cilët 15 në kërkim kombëtar dhe 3 në kërkim ndërkombëtar, për vepra të ndryshme penale.
Megaoperacioni ndërkombëtar “FRIDA-REFOX”, nën koordinimin e EuroJust, u zhvillua nga skuadrat e përbashkëta hetimore, të përbëra nga Policia e Shtetit, SPAK, Policia dhe autoritetet gjyqësore spanjolle, për goditjen e veprimtarive kriminale në subjektet call center.
Megaoperacioni policor antidrogë “STUHIA”, në qarkun e Beratit, u finalizua me sekuestrimin e rreth 870 kilogramëve lëndë narkotike kanabis dhe 3 armëve të zjarrit, si dhe me vënien në pranga të 11 shtetasve, si organizatorë të kësaj veprimtarie kriminale.
Megaoperacioni policor antidrogë “TENTAKULAT”, në Tiranë, rezultoi me sekuestrimin e 745 g kokainë, 110 g heroinë, 1.3 kg kanabis, 5 peshoreve elektronike, si dhe shumave të parave. Për shpërndarje të drogave në doza, në lokale nate dhe në afërsi të shkollave, u vunë në pranga 15 shtetas.
Operacionet policore “Derveni” dhe “Vijimi”, në Krujë, çuan në zbulimin e 6 ambienteve të përshtatura për kultivim të bimëve narkotike, me anë të llambave. U vu në pranga 1 shtetas dhe u gjetën 250 bimë narkotike e fidanë narkotikë në vazo.
Gjatë operacionit “Vespa”, në Shkodër, u godit një grup kriminal që merrej me shpërndarjen e drogave të ndryshme. U vunë në pranga 4 shtetas dhe u sekuestruan sasi kanabisi, sasi kokaine, një armë zjarri pistoletë, municion luftarak dhe 2 elektroshokë.
Operacioni “Presentation”, në Elbasan, u finalizua me sekuestrimin e 33.5 kg lëndë narkotike kanabis e municioni luftarak, si dhe me vënien në pranga të 2 vëllezërve që e mbanin lëndën narkotike në banesë dhe në automjet.
Gjatë operacionit policor antidrogë “Restart 12”, në Kapshticë, u vu në pranga një 64-vjeçar, i cili u kap në flagrancë duke transportuar 9.2 kg kanabis që u sekuestrua në cilësinë e provës materiale.
Operacioni policor “Krane”, në Sarandë, u finalizua me sekuestrimin e 2.7 kg kanabis dhe me vënien në pranga të 2 shtetasve që tentuan ta trafikonin lëndën narkotike, drejt Korfuzit.
U vunë në pranga 2 shtetas që vodhën duke kanosur me armë zjarri, në banesën e një 40-vjeçari, në fshatin Brret, Krujë. Si rezultat i veprimeve të shpejta policore, u sekuestruan arma e krimit, municion luftarak dhe sendet e vjedhura.
Në PKK Port Durrës dhe në Shkodër janë goditur 2 raste të kontrabandës së sasive të konsiderueshme të medikamenteve mjekësore; në Korçë është goditur një rast i kontrabandës së naftës dhe në Tiranë është goditur një rast i kontrabandës së aparateve celulare.
-Janë sekuestruar 965 kuti me medikamente mjekësore, 26 aparate celulare dhe sasi nafte, të kontrabanduara. Janë vënë në pranga 2 shtetas dhe janë në hetim, 7 të tjerë.
Operacionet policore “Poker” dhe “Game Over 2”, në Tiranë dhe në Kurbin, çuan në pranga 18 shtetas që organizonin lojëra fati, në kundërshtim me ligjin, 3 prej tyre organizatorë. U sekuestruan 2 tavolina pokeri, 11 makineta, çipsa, shuma parash e sende të tjera që i shërbenin kësaj veprimtarie.
Si rezultat i operacionit “Ngujimi”, të zhvilluar në Tiranë, u arrestua një 52-vjeçar që mbante të ngujuar, në banesë, dhe dhunonte bashkëshorten e fëmijët e tyre të mitur.
U parandalua përshkallëzimi i mëtejshëm i një konflikti me armë zjarri mes 2 shtetasve (kushërinj). Në kuadër të operacionit “Dorëz”, në Tiranë, u vu në pranga shtetasi që kanosi me armë zjarri dhe u sekuestrua arma.
Policia e Fierit zbardhi dhe dokumentoi me prova ligjore, një aksident rrugor me pasojë vdekjen. U identifikua dhe u arrestua autori.
Në kuadër të operacioneve “Perimetri 199” dhe “Road Guard 49”, në Korçë dhe në Gjirokastër, u arrestuan 2 shtetas, pasi u kapën në flagrancë duke transportuar emigrantë, me qëllim kalimin e paligjshëm të kufirit.
Janë goditur 11 raste të vjedhjes së pronës ose pasurisë dhe janë vënë në pranga 7 shtetas.
Në vijim të angazhimit nga strukturat e Policisë, në bashkëpunim me agjencitë e tjera shtetërore, janë goditur 16 raste të krimeve mjedisore, 4 raste të vjedhjes së energjisë elektrike dhe janë trajtuar ligjërisht 35 raste të dhunës në familje.
-Nga shërbimet e Policisë Rrugore, gjatë kësaj jave janë pezulluar në total 621 leje drejtimi, nga të cilat: 530 për qarkullim me shpejtësi mbi normat e lejuara, 49 për drejtim mjeti nën efektin e alkoolit apo në gjendje të dehur dhe 42 për shkelje të tjera të Kodit Rrugor.
•Përmes përdorimit të alkool-testuesve janë arrestuar 38 drejtues mjetesh, nga këta: 22 për drejtim mjeti në gjendje të dehur dhe 16 për drejtim mjeti pa leje drejtimi.
•Janë arrestuar nga Policia Rrugore e Tiranës, 9 raste të tentativës për të korruptuar punonjësit e Policisë Rrugore dhe 2 raste të drejtimit të automjetit, nën efektin e lëndëve narkotike.
-Policia Kufitare me qëllim parandalimin, evidentimin dhe goditjen e krimeve ndërkufitare.
•Janë goditur 8 raste të tentativës për kalim të paligjshëm të kufirit dhe të dhënies ndihmë për kalim të paligjshëm të kufirit.
•Gjithashtu, në të gjitha pkk-të e vendit, janë goditur: 1 rast i “Trafikimi i narkotikëve”, 1 rast i “Mosdeklarimi në kufi i të hollave dhe i sendeve me vlerë”, si rezultat i të cilit u sekuestruan 25 000 euro të padeklaruara, 1 rast i “Kontrabandës me mallra të licencuara” dhe 2 raste të “Trafikimi i mjeteve motorike”.
U dokumentua veprimtaria kriminale dhe u arrestuan autorët e trafikimit të lëndëve narkotike, nëpërmjet PKK Rinas, në kuadër të bashkëpunimit ndërkombëtar me autoritetet policore turke.
Mirëmenaxhim policor profesional për garantimin e rendit dhe sigurisë publike gjatë tubimit të datës 12.11.2022, të zhvilluar në Tiranë, dhe për parandalimin e ngjarjeve që mund të cënonin sigurinë e tubuesve. U shoqërua një shtetas që përbënte rrezik për jetën e pjesëmarrësve në tubim dhe të punonjësve të Policisë. I shoqëruari qarkullonte me mjet prerës (thikë), në mes të pjesëmarrësve në tubim.
Angazhim maksimal nga shërbimet e Policisë, për t’iu ofruar qytetarëve një shërbim sa më cilësor, si dhe për të garantuar, në bashkëpunim me oficerët e sigurisë dhe stafet pedagogjike, vijimin e procesit mësimor sa më të sigurtë.
Ftojmë qytetarët që të denoncojnë në Komisariatin Dixhital dhe në numrin pa pagesë 112, çdo rast të paligjshmërisë, duke iu garantuar anonimat të plotë, reagim të menjëhershëm dhe të paanshëm.
#NëNjëJavë
#Tëvendosurkundërkrimit
#PoliciaeShtetitnëçdoskajtëvendit ️
Ferma e kanabis BERAT- Personat e arrestuar në fermën ku kultivohej kanabis në Berat deklaruan në sallën e gjyqit se kishin ...
Grate e ndaluara BERAT- Një nga punëtoret e fermës së kanabisit në fshatin Dronovicë në Berat, ka qënë aj...
Policia TIRANË- Policia e Shtetit ka dalë me një njoftim zyrtar për dhunimin e gazetarit Adriatik Doçi. Sipas forcave blu, ngjar...
Adriatik Doci TIRANË- Gazetari Adriatik Doçi, i cili u dhunua nga disa persona, pretendon se sulmi i ka ndodhur për shkak të profesio...
Ardiatik Doçi TIRANË- Dhunohet gazetari investigativ, Adriatik Doçi. Ngjarja ka ndodhur ditën e sotme, teksa Doçi ishte duke...
Ben Blushi TIRANË- Ben Blushi ka nxjerrë në treg librin e quajtur “41 Sekrete”. Sot, ai ka ndarë emrat e personave t&e...
Banoret TIRANË- Protesta e sotme e qytetarëve të Bërxullës nuk do mbetet me kaq. Ata kanë paralajmëruar se në dit&e...
Burg SARANDË- Institucioni i paraburgimit në Sarandë është mbyllur përfundimisht. Mëngjesin e sotëm, ka nisur trans...
Pamje nga aksidenti TIRANË- Një aksident ka ndodhur ditën e sotme në Tiranë pranë zonës së Bllokut. Mësoh...
Banesa e djegur FIER- Një godinë e braktisur në lagjen “1 Maj” të qytetit të Fierit ka shpërthyer në flak&eu...
