Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Skadon afati i dorëzimit të listave në Komisionin Qendror të Zgjedhjeve. Ishte Lëvizja Socialiste për Integrim, ajo që e “shuajti” e para misterin e zbardhjes së listave të kandidatëve për deputetë për zgjedhjet e 25 prillit. Disa orë para skadimit të afatit zyrtar për listat, Kryemadhi publikoi emrat e kandidatëve në 12 qarqe, ku spikat kryesimi i tri qarqeve, Fier, Tiranë e Elbasan nga vetë numri një i LSI-së. Dy partitë e mëdha, PD dhe PS, u angazhuan në orët e fundit me vulosjen e emrave që do të jenë pjesë e garës për 25 prillin. Fillimisht kryeministri Edi Rama doli në një konferencë për mediat ku prezantoi ‘kokat e listave’ për të cilat tha se do t’ua linte radhën të rinjve dhe grave. Përjashtim bënte vetëm Erion Braçe, që kryesonte listën e Fierit. Përsa u përket objektivave, Rama tha se minimali është kuota e vitit 2017, 78 mandate, ndërsa maksimalja, 88.
Ndërkohë, 5 dorëheqje i kanë paraprirë sot ditës përfundimtare të publikimit të listave. Vasilika Hysi, Petrit Bare, Sadi Vorpsi, Alfred Peza dhe Reme Lala, janë disa nga emra që janë larguar vetë ose kanë refuzuar ftesën e kryesocialistit Edi Rama për tu bërë pjesë e skuadrës së 25 prillit 2021. Ndërsa sot, refuzim për postin e deputetit erdhi dhe nga Elbasani, ku Musa Ulqini nuk pranoi të jetë pjesë e listave. I njëjti qëndrim mësohet se është ndjekur dhe nga Sadri Abazi dhe ministrja e Kulturës, Elva Margariti. Edhe Dritan Leli, kryetari i Bashkisë Vlorë, ka refuzuar të largohet nga posti për të garuar në 25 prill. Vetë kryeministri, i pyetur gjatë prezantimit të kryesuesve të listave për refuzimin e Lelit tha: Si me të, si pa të, puna e skuadrës do të vazhdojë!
Një “yll” në ngjitje iu largua sot grupit të PS. Eglantina Gjermeni, ministre e qeverisë në mandatin e parë të Ramës dhe deputete tek i dyti, nuk do të jetë më në këto zgjedhje. Me pikëpyetje është edhe emri i Mimi Kodhelit. Pas largimit nga Kukësi, ish-ministres së Mbrojtjes, ende nuk i është marrë dokumentacioni për në KQZ. Me pikëpyetje është edhe Elona Gjebrea. Largime të socialistëve ka edhe në Berat, ku ka rënë në sy ikja e Ermonela Felajt dhe Adnor Shametit, për t’u zëvendësuar me Nasip Naçon e LSI dhe një emër nga FRESSH, ka shkaktuar tashmë debate që mund të reflektohen edhe në rezultatin e 25 prillit. Në listat rzoë nuk mungojnë as ‘çunat probelmatike’ si Rrahman Rraja dhe Ilir Ndraxhi.
Kush ikën nga PS: Vasilika Hysi; Besnik Baraj; Sadi Vorpsi; Sadri Abazi; Adnor Shameti; Elva Margariti; Musa Ulqini
Vijnë në PS: Luljeta Bozo; Najada Como; Etjen Xhafaj; Romina Kuko; Belinda Balluku; Dallëndyshe Bici; Toni Gogu.
Emrat që përfliten se do të ndryshojnë qarkun e kandidimit:
Blerina Gjylameti ikën nga Tirana në Pogradec
Eduart Shalsi vjen nga Pogradeci në Tiranë
Olta Xhacka ikën nga Tirana në Dibër
Por kush do ti zëvendësojë të larguarit?
Vendin e Reme Lalës do e ketë “privilegj” deputeti i opozitës së re, Halit Valteri. Prurje dhe largime në PS janë edhe në pushtetin lokal. Deri më tani, përflitet se kryebashkiaku Dionis Ymeraj në Dibër do të jetë pjesë e garës për 25 prillin dhe se sot do të japë dorëheqjen nga posti i tij. Tri ministret Belinda Balluku, Etilda Gjonaj dhe Ogerta Manastirliu pritet që të udhëheqin listën e Tiranës, ndërsa ende nuk dihet se ku do të renditet ministrja Elisa Spiropali.
Formula e 2017-ës, shpresë për Edi Ramën dhe PS
Listat janë ‘vulosur’ nga Edi Rama dhe drejtuesit kryesorë të qarqeve, por tashmë do të jetë Kryesia e PS që do të vendosë formalisht pranimin apo rrëzimin e çdo emri. Mbledhja do të zhvillohet në orën 19:30 dhe më pas listat do t’i dorëzohen KQZ-së. Edi Rama kërkon nga ekipi që jo vetëm të ruhet fitorja historike e 2017-ës por të fitohen edhe 2 mandate plus. Për këtë ai ka rimenduar që të ruajë formulën e vitit 2017. Drejtuesit politikë të çdo qarku do të vendosen në pozicionet e rrezikuara të listës me qëllim që ta çajnë “murin” e ngritur nga Kodi Zgjedhor dhe ti japin socialistëve fitoren e mandatit të tretë. Në 2017, kjo formulë rezultoi e suksesshme pasi Gramoz Ruçi garoi vetë i 8-i në Fier dhe fitoi 10 mandate.
E teksa me kalimin e orëve, tensioni ndihet në ajër, nuk mungojnë as shigjetimet e ndërkombëtarëe. Dje mbrëma, ambasadorja amerikane Yuri Kim, tërhoqi vëmendjen e liderëve të partive politike për emrat, duke kërkuar persona të pastër dhe me integritet. Thirrja e saj u anashkalua pa komente, por sot pasdite do të kuptojmë nëse liderët e morën mesazhin e SHBA.
Të fundit dhe me 15 minuta vonesë që shkelën dyert e KQZ-së ishin listat e Partisë Demokratike. Pa asnjë fjalë për mediat, selia blu dorëzoi emrat e kandidatëve për deputetë, që prej orësh lakoheshin në media.
Dosja.al ka zbardhur listën e plotë me emrat e propozuara në mbledhjen e Kryesisë së Partisë Demokratike, të cilët më vonë u votuan dhe u konfirmuan në Këshillin Kombëtar të Partisë Demokratike. Në listë është vënë re mungesa e shumë figurave të selisë blu, që në vitin 2017, kanë kandiduar për deputetë. Bëhet fjalë për : Klevis Balliun, Bujar Nishanin, Luçiano Boçin, Enri Hasan, Genc Pollon, Gert Bogdanin, Florion Mimën, Valentina Dukën, Ligoraq Karamelon, Fatbardha Kadiun e Xhemal Gjunkshin. Tre prej tyre, Gjunkshi, Bozdo e Zekthi janë vendosur koordinatorë.
Bujar Nishani, Luçiano Boçi, Enri Hasa, Genc Pollo, Gert Bogdani janë disa nga emrat e tjerë që nuk janë futur më në listën për kandidatë për deputetë.
Mbrëmjen e sotme, mes shumë partive edhe Partia Social Demokrate që mban vulën e Tom Doshit, ka dorëzuar listat. Vetë Doshi, një person mjaft i lakuar nga përfaqësuesit e Shteteve të Bashkuara të Amerikës kryeson listën e Shkodrës dhe të Tiranës. Në Radio Televizionin Publik Shqiptar është transmetuar sot një investigim i financuar nga Ambasada Amerikane. Projekti “31 minuta”, i cili financohet nga SHBA, ka patur në fokus çështjen e dekriminalizimit ku zbulon se Tom Doshit nuk i është ndaluar hyrja vetëm në SHBA. Në këtë investigim zbulohet se Doshit i është ndaluar nga ministria e Brendshme e Australisë në qershor të 2015, hyrja në Australi. Por kjo gjë nuk e pengoi Doshin të ishte në lista.
(k.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kuvendi i Shqipërisë ka rrëzuar me 84 vota dekretin e presidentit Ilir Meta për koncesionin e aeroportit të Rinasit. Me shumicë vote, deputetët kan...
TIRANË– Ekonomisti Pano Soko, i cili do të kryesojë listën e Nismës Thurje në qarkun e Tiranës, ka përllogaritur minimumin jetik që i duhet një qytet...
TIRANË– Ambasadorja amerikane Yuri Kim ka lëshuar një mesazh të fortë kur vetëm pak orë na ndajnë nga dorëzimi i listave të kandidatëve për deputetë në Kom...
TIRANË– Kryetari i Partisë Demokratike, Lulzim Basha ka postuar një video me mesazh për të gjithë mësuesit, ditën e festës së tyre. Në tekstin e videos, Ba...
RROGOZHINË– Kryetari i Bashkisë së Tiranës, Erion Veliaj ishte sot në Rrogozhinë, ku edhe zhvilloi një takim me qytetarët, kur vetëm pak ditë na ndaj...
KAMËZ– Drejtuesi politik i Partisë Demokratike në Kamëz, Flamur Noka në takimin me mësues dhe përfaqësues të arsimit diskutoi rreth çështjeve dhe p...
TIRANË– Kryeministri i vendit dhe njëkohësisht kryetari i Partisë Socialiste, Edi Rama i ka propozuar Alfred Pezës që të përfshihet në listën e deputetëve ...
TIRANË– Kryeministri Edi Rama ka përgënjeshtruar lajmin se ka dhënë një intervistë për portalin “Bota Sot.info“. Me anë të një postimi në Twitter, Rama shk...
TIRANË- Pas 2 viteve larg politikës, ish-ministri i drejtësisë, Eduard Halimi është rikthyer në Partinë Demokratike. Në një prononcim për mediat Halimi, ka...
