E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
SHBA- Ligjvënësit amerikanë thonë se kërcënimi nga ekstremizmi i brendshëm mbetet i lartë gati një muaj pasi protestuesit pro-Trump sulmuan Kapitolin, çka rezultoi në vdekjen e pesë personave. Kërcënimet ndaj sigurisë pritet të vazhdojnë edhe pas gjyqit në Senat ndaj ish-Presidentit Donald Trump.
Pasojat e protestës së dhunshme të 6 janarit në Kapitol po ndihen këtë javë, ndërsa i bëhen nderimet e fundit oficerit të vrarë të Policisë së Kapitolit dhe Senati përgatitet për gjyqin e javës së ardhshme ndaj ish-Presidentit Donald Trump për nxitje rebelimi, pas pretendimeve të tij të pabazuara për manipulim të zgjedhjeve.
Por ekstremizmi buron nga më shumë sesa zemërimi për zgjedhjet presidenciale të vitit 2020, paralajmëruan ligjvënësit të enjten.
Bennie Thompson, Kryetar i Komisionit të Sigurisë Kombëtare të Dhomës së Përfaqësuesve
“Fakti i pakundërshtueshëm është se kërcënimi i terrorizmit të krahut të djathtë dhe më konkretisht, i nacionalistëve të bardhë është rritur prej vitesh. Administrata e mëparshme nuk arriti ta trajtonte këtë kërcënim në mënyrë të duhur”, tha Bennie Thompson, Kryetar i Komisionit të Sigurisë Kombëtare të Dhomës së Përfaqësuesve.
Ndaj më shumë se 160 njerëzve në të gjithë vendin janë ngritur akuza për rolin e tyre në protestën e dhunshme dhe pritet të bëhen qindra arrestime të tjera.
Departamenti i Sigurisë Kombëtare ka lëshuar një paralajmërim të pazakontë mbi kërcënimin nga ekstremizmi i brendshëm, rritjen e nacionalizmit të bardhë dhe besimin në teoritë e konspiracionit që analistët paralajmërojnë se mund të manipulohen nga kundërshtarët e huaj.
Christopher Rodriguez, Agjencia e Sigurisë Kombëtare dhe Menaxhimit të Emergjencave
“Rusia në veçanti, po përdor mjete disa dekada të vjetra të veprimit të fshehtë për të ndezur flakët e konfliktit kulturor këtu në Shtetet e Bashkuara. Armiqtë tanë të huaj e bëjnë këtë duke krijuar ose përforcuar rrëfime të rreme që godasin vetë zemrën e demokracisë, se zgjedhjet tona janë manipuluar, se sistemi ynë është i korruptuar dhe duhet të përmbyset, dhe se zërat radikalë që bëjnë thirrje për dhunë ose kryengritje kanë pikëpamje legjitime”, thotë Christopher Rodriguez nga Agjencia e Sigurisë Kombëtare dhe Menaxhimit të Emergjencave.
Sulmi ndaj Kapitolit, i planifikuar pjesërisht në platforma si Facebook dhe Parler, gjithashtu ka rikthyer debatin mbi nevojën për të vendosur standarde më të ashpra për mediat sociale.
Elizabeth Neumann, Ish-Ndihmës Sekretare e Departamentit të Sigurisë Kombëtare
“Idetë ekstremiste janë integruar dhe normalizuar përmes shprehjes së lirë të pikëpamjeve politike, teorive të konspiracionit dhe komunikimeve që përdorin humor për të maskuar rrezikun e pranisë së këtyre ideve. Si pasojë, ka gjasa të mëdha për dhunë në muajt e ardhshëm ndaj një numri objektivash më të buta. Unë besoj se në 10 deri 20 vitet e ardhshme ne do të luftojmë terrorizmin e brendshëm që i ka rrënjët dhe frymëzimin tek veprimet e 6 janarit”, thotë Elizabeth Neumann, ish-ndihmës Sekretare e Departamentit të Sigurisë Kombëtare.
Por ekstremistët e së majtës ekstreme duhet të konsiderohen gjithashtu pjesë e kërcënimit të brendshëm, thonë disa republikanë të Dhomës së Përfaqësuesve.
“Qoftë ekstremizmi i krahut të majtë, si ai që pamë në Portland, Siatëll, Kenosha, madje edhe këtu në Uashington, apo ekstremizmi i krahut të djathtë, si ai në Kapitol më 6 janar, janë çështje serioze, dhe duhet të trajtohen”, tha ligjvënësi republikan Jeff Van Drew.
Trupat e Gardës Kombëtare pritet të qëndrojnë në kryeqytetin amerikan deri pas gjyqit ndaj ish-presidentit Trump dhe më tej për të mbrojtur institucionet nga kërcënimet e vazhdueshme të brendshme.
Marrë nga: VOA
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË- Kandidati për President nga Aleanca për Ardhmërinë e Kosovës, Ramush Haradinaj është shperhur se do të forcojë më shumë me Amerikën. Me anë të një ...
RUMANI- Një ngjarje e rëndë ka ndodhur në Rumani ku një fëmijë i porsalindur ka humbur jetën gjatë pagëzimit në Kishën Ortodokse. NY Times shkruan se ngjarja ka...
BRITANI- 30-vjeçarja, me profesion estetiste është arrestuar ditën e sotme në Britani, pasi atoriteten zbuluan se në sallonin e saj trafikohej edhe lëndë...
KOSOVË- Nënkryetari i Lëvizjes Vetëvendosje, Besnik Bislimi ka publikuar një sondazh ditën e sotme për komunën e Malishevës. Më anë të një postimi në Faceb...
KOSOVË- Kandidati për president në radhët e Aleancës për Ardhmërinë e Kosovës, Ramush Haradinaj është shprehur se axhenda kryesore e partisë së tij është z...
KOSOVË- Kandidati për kryeministër nga ana e Partisë Demokratike të Kosovës, Enver Hoxhaj ka zhvilluar ditën e sotme fushatën elektorale në Kamenicë. Lajmi...
IRLANDË– Policia izraelite ka postuar një video të disa oficerëve të cilët kërcënin nën ritmin e këngës ‘Jerusalema’.Me këngën e muzikantit nga Afrika e Ju...
GJAKOVË– Një ngjarje e rëndë ka ndodhur në Kosovë, ku policia i ka thyer 3 brinjë shqiptarit pasi ky i fundit është futur në semafor të kuq.Mediat e Kosovë...
MAL I ZI- Gjykata e Apelit e Malit të Zi e ka rrëzuar vendimin, me të cilin 13 persona të akuzuar për përpjekje për terrorizëm, përfshirë udhëheqësit e Frontit ...
SHBA- Administrata amerikane e Presidentit Joe Biden ka hedhur një hap për të zgjidhur mosmarrëveshjen më të madhe që ka aktualisht me Gjermaninë, për gazsjellë...
