Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
“Të luash për Partizanin është ndryshe si të luash për ekipe të tjera, pasi Partizani është një klub i madh”.
TIRANE - Trajneri i Partizanit, Aleksandar Veselinoviç, ka folur për mediat në konferencën për shtyp në prag të supersfidës kundër Vllaznisë, ndeshje e vlefshme për javën e 10-të të Abissnet Superiore, që do të luhet nesër në orën 19:30.
Gjendeni në vendin e parë si e shihni përballjen me Vllazninë?
Kampionati është shumë i gjatë. Jemi vetëm në muajin tetor dhe është ende herët për të parë kush kryeson. Çdo ndeshje është shumë e fortë. Ndeshja e fundit në Elbasan ishte një spektakël dhe përsa i përket informacioneve që kam na pret e njëjta atmosferë edhe në Shkodër. Vllaznia është një klub me shumë traditë dhe histori. Po zhvillojnë një sezon pozitiv dhe janë një skuadër shumë e mirë, por siç e kam pohuar gjithmonë fillimisht duhet të respektojmë veten tonë.
Diferenca me 6 ekipeve të para është vetëm 2 pikë, si po e menaxhoni këtë presion?
E vetmja gjë në këtë moment është të mendojmë për veten tonë, obligimet tona dhe ndeshja e radhës që na pret. Çdo ndeshje, çdo javë në kampionat është shumë e fortë. Nëse mendojmë për ndeshjet e tjera do të humbasim përqëndrimin e asaj çfarë duam të bëjmë. Kampionati shqiptar nuk është në top listën e kampionateve evropiane, por në çdo ndeshje duhet përqëndrim deri në vërshëllimën e fundit të arbitrit. Siç edhe e përmendët diferenca mes 6 ekipeve të para është vetëm 2 pikë. Për dy ndeshje nëse nuk arrim të marrësh maksimumin mund të përfundosh në vendin e 6-të.
E përmenda edhe në konferencën e fundit, që një skuadër mund të ketë një ecuri përfekte deri në mujain prill, por mund të dëmtohen dy lojtarë kryesorë dhe humbet gjithë sezonin. Në kampionatin serb vetëm dy ekipe Partizani dhe Ylli Kuq luftojnë për titullin kampion çdo vit, ndërsa këtu janë disa skuadra që synojnë të fitojnë titullin. Ndaj mendoj që mënyra e duhur për ne është të fokusohemi te ndeshja e radhës dhe me përqëndrimin maksimal.
Detyra jonë është të punojmë shumë edhe në aspektin psikologjik me lojtarët. Partizani është një nga ekipet më moshën më të re të lojtarëve të kampionatit. Të luash për Partizanin është ndryshe si të luash për ekipe të tjera, pasi Partizani është një klub i madh. Të luash për Partizanin duhet të jesh dhe të tregosh në çdo ndeshje nivel të lartë, jo vetëm fizikisht dhe taktikisht por edhe psikologjikisht. Për të arrritur sukses duhet të kesh shpirt fituesi.
Partizani prej 2 vitesh nuk fiton në Shkodër…
Mendoj se për ne nuk është problem ku luajmë jashtë apo brenda. Nëse jemi gati të luftojmë për skuadrën dhe të luajmë mire. Për mua nuk përbën asnjë problem vendi ku luajmë në Tiranë, Shkodër, Korçë , Elbasan. Gjithsesi Vllaznia është një skuadër mjaft e mire, gjë të cilën e kanë treguar përgjatë këtij sezoni. Pikërisht për statistikat që ju përmendet ne duhet të kemi respekt për Vllazninë.
Kapiteni i Vllaznisë, Bekim Balaj është në dyshim. Do të donit që ta luanit ndeshjen pa të në fushë?
Ne duhet të jemi gati pavarësisht nëse Balaj do të jetë apo jo në fushë. E dimë që ai ka qenë në Serbi për t’u rekuperuar. Balaj është një lojtar i shkëlqyer me shumë eksperiencë. Me sa e kam ndjekur Vllazninë ata kanë lojtarë mjaft mirë edhe në stol, të cilët mund ta zëvendësojnë Balajn.
Jeni në vendin e parë. Sa i kënaqur jeni nga ecuria e skuadrës në fazën e parë?
Në punën tonë mund të jesh i kënaqur vetëm në këtë moment, por jo për një kohë të gjatë. Mendoj që është një situatë pozitive. I shoh lojtarët mjaft të motivuar dhe të fokusuar në seancat stërvitore. E kam thënë shpesh herë që jam shumë i lidhur me lojtarët, punoj me djem fantastikë. Marr kënaqësi prej tyre në stërvitje çdo ditë, pasi punojmë një një atmosferë pozitive dhe duhet të vazhdojmë kështu.
Por të mos harrojmë në futboll duhet të jesh i përgatitur për humbje dhe fitore, sepse askush nuk mund të fitojë gjithmonë. Dua të them që nuk duhet të mendojmë për pikët që kemi, duhet të mendojmë për idetë, mënyrën e lojës. Ne jemi një skuadër e mirë në kampionatin shqiptar, por duhet të mësojmë të përmirësohemi çdo ditë më shumë. Lojtarët më motivojnë mua të bëj më mirë çdo ditë, kjo është për mua shumë e rëndësishme.
Cara ende nuk ka gjetur rrugën e golit në këtë sezon, ju shqetëson ky fakt?
Nëse ju kujtohet kam thënë që është shumë e rëndësishme ta përgatis skuadrën që shumë lojtarë të shënojnë gola. Jam shumë i kënaqur që kanë shënuar gol Zeka, Mehmeti, Preka, Rrapaj, Mba, Binstouka, Ismaili. Cara është një djalë i shkëlqyer, ai është kapiteni ynë. Ai përpiqet në fushë çdo ndeshje, është serioz, punon shumë. Mendoj se tani ai është një tjetër lojtar, ka ndryshuar shumë gjatë këtyre muajve, lëviz shumë në fushë.
Ndoshta në një ndeshje mund të shënojë 2 apo 3 gola, ky është futbolli. Në punën tonë është shumë e rëndësishme që të kemi një marrëdhënie shumë të mira me lojtarët, kapitenin. Marrëdhënia ime me Carën është fantastike jam shumë i lumtur si punojmë së bashku. Ai është gjithmonë gati për të ndihmuar skuadrën. Jam krenar për kapitenin tonë, pasi ai është shumë i motivuar.
B.T (Dosja.al)
ANGLI - Kevin de Bruyne dhe Kyle Walker nuk do të jenë në dispozicion të Manchester Cityt për ndeshjen kund&eu...
SPANJE - Real Madridi insiston te Aymeric Laporte. Sipas raportimeve të AS, gjendja fizike e David Alaba është një shqet...
SPANJE - "Ne duam të luajmë, do të jetë një ndeshje e shkëlqyer dhe ne do të kemi qasjen tonë. E patëm një kun...
SHBA - Inter Miami do të fillojë fushatën e tretë të ‘play-off’-it sonte (02:30) në Chase Stadium, duke prit...
BALLSH - Pas pesë humbjesh radhazi, Bylisi gjen fitoren ndaj Teutës. Nevil Dede feston suksesin e parë në pankinën ballshiote, duke mpo...
RROGOZHINE - Ka penallti, gola dhe kartonë të kuq, por nuk ka fitues sfida mes Egnatias dhe Dinamos, që u mbyll në barazim, me rezultatin 1-...
SPANJE - Nesër në mbrëmje, Real Madrid do të sfidojë Barçën në një “El Clasico” të tmerrshme n...
ITALI - Ndeshja ndërmjet Bolognës dhe Milanit, e planifikuar për të shtunën në orën 18:00 do të luhet, por ndo...
TURQI - Në 'flash-intervistën' në fund të ndeshjes Fenerbahçe-Manchester United (1-1), në kuadër të xhiros së t...
ANGLI - Për shumë ekspertë të futbollit dhe me vite përkushtimi ndaj lojës së bukur, Leo Messi vazhdon të jetë m&...
