Udhëhoqi ekzekutimin e informatorëve në Kinë, FBI në shqetësim për mashtrimet e McGonigal: Nuk dihet dëm...
PD rrezikon të mos rregjistrohet në zgjedhje, Berisha: Rama po e mban peng vendimin 3 Shkurt, 12:37 Komisioni i PD...
Ish-ministri serb i Mbrojtjes: Kosovën e kemi humbur me nënshkrimin e kapitullimit në vitin 1999 3 Shkurt, 11:43 ...
Merrte rryshfet bashkë me kolegun, ky është mjeku i QSUT-së, mesazhet në kohën e Covid-it: Unë rri në sh...
Këtë herë, dyshja jo vetëm që janë parë pranë njëri-tjetrit, por edhe kanë shtrenguar duart e kanë shkëmbyer biseda.
TIRANË- Kupa e Conference League është prezantuar sot në Tiranë. Simboli për të cilin do të përballet Roma me Feynoord është vendosur në sheshin “Skënderbej” dhe ka bërë sërish bashkë kryetarin e Bashkisë Tiranë, Erion Veliaj e kreun e Federatës Shqiptare të Futbollit, Armand Duka. Këtë herë, dyshja jo vetëm që janë parë pranë njëri-tjetrit, por edhe kanë shtrenguar duart e kanë shkëmbyer biseda.
I pari që foli ishte Veliaj, i cili tha se qyteti është përfshirë nga një valë organizimi për këtë festë të madhe dhe përmendi sërish tre fan zonat që do të presin tifozët që nuk kanë mundur të sigurojnë bileta. Ai kujtoi se Amfiteatri Veror i Liqenit dhe pedonalja “Murat Toptani” do të kthehen në fan zone për tifozët e Romës dhe të Feyenoord, ndërsa sheshi “Skënderbej” do të presë tifozë neutralë, në mënyrë që edhe ata ta shijojnë ndeshjen me po të njëjtën atmosferë si në stadium.
“Faleminderit të gjithë qytetarëve të Tiranës për mikpritjen fantastike që u kanë bërë atyre që kanë ardhur nga larg. Përshëndesim të gjithë ata që kanë ardhur nga Roterdami dhe nga Roma, mirë se erdhët në Tiranën tone! Shpresoj të kaloni sa më mirë dhe sigurisht të fitojë më i miri në finale, por mbi të gjitha të kalojmë bukur. Me kalimin e kohës, kupat edhe i zë pluhuri, por kujtimet mbeten përgjithmonë. Ndaj, qëllimi i organizimit në Tiranë është që kujtimet t’i kemi përgjithmonë, pavarësisht se ku përfundon kupa”, tha Veliaj.
Më pas, ai u shpreh se kjo finale është dhe një mundësi për të ngritur lart imazhin e mirë të Tiranës dhe të vendit, në sytë e të gjithë botës.
“Në Tiranë do të vijnë edhe dy kryetarët e bashkive të Romës dhe të Roterdamit, do të dalim me një deklaratë të përbashkët për t’i treguar qytetarëve që vijnë nga Roma dhe Roterdami, se i respektojmë si miq, i respektojmë si të ftuar për të qenë pjesë e këtij gëzimi, por nga ana tjetër, duam që edhe ata të respektojnë Tiranën, që të lënë mënjanë zënkat, sigurisht emocionet janë të forta, por në finale duam që të ruhet qyteti, të ruhet edhe qetësia e vëllazëria që kultivon futbolli. Shpresoj shumë që ata që kanë ardhur për herë të parë në Tiranë vetëm si tifozë, të kthehen sërish si turistë, me miqtë dhe familjet e tyre. E vlerësoj shumë faktin që shumica e qytetarëve po udhëtojnë ose në këmbë ose me biçikleta. Çdo njeri që na ndihmon duke ulur pak trafikun, na ka bërë nder të jashtëzakonshëm. U jemi mirënjohës të gjithëve, që të dalim të nderuar nga kjo histori dhe Tirana jonë, imazhi i Shqipërisë dhe reputacioni i gjithë popullit tone, të shkojë lart e më lart”, theksoi Veliaj.
Duka përshëndeti të gjithë tifozët dhe tha se duhet ta shijojnë këtë aktivitet.
“Ta shijojmë këtë aktivitet, ta shijojmë këtë finale. U uroj suksese të dyja ekipeve!”- tha Duka.
I pranishëm ishte edhe ish-kapiteni i kombëtares, Lorik Cana.
Veliaj dhe Duka u bënë bashkë në Kryeministri pak muaj pas përplasjeve të forta mes tyre. Gjithçka nisi prag zgjedhjeve për kreun e ri të FSHF-së. Veliaj deklaronte publikisht se kishte marrë zotimin për të pastruar futbollin siç e ka quajtur ai vetë nga ‘llumi i Shijakut’. Ai e akuzoi Dukën për shpërdorimin e rreth 2.1 milion euro fonde të UEFA-s dhe FIFA-s. Prokuroria e Tiranës nisi një hetim për Dukën, me akuzën e shpërdorimit të detyrës. FSHF vuri në dispozicion edhe një material audio, ku dëgjohet zëri i kryebashkiakut Veliaj, që kërkon mbështetjen në bllok të kandidatit Eduard Prodani, ndërkohë që nuk mund të numërohen herët që kryebashkiaku lëshon gojën në mënyrë të rëndomtë e vulgare, duke përmendur organet gjenitale. 'Lufta' mes tyre ka kaluar në Gjykatë.
(F.m/dosja.al)
DURRËS- Rreth 100 tifozë të Romës kanë mbërritur ditën e sotme në Portin e Durrësit nga Italia për finalen e...
Autobusi TIRANE - Ndryshe nga ekipi i Romes Feynoord-i nuk ka preferuar të sjellë autobusin e tij për finalen e ditës së nesë...
Tifozët në rrugën "Mustafa Matohiti" TIRANË- Tifozët e Feynoord kanë nisur festimet ndërkohë që për p&eum...
SHBA - Vendimi i Kylian Mbappe për të rinovuar me PSG-në dhe për të refuzuar Real Madridin vazhdon të gjenerojë s...
FRANCE - Në vendimin e Kylian Mbappesë për rinovimin e kontratës me Paris Saint-Germain dhe refuzimi ndaj Real Madridit, mund t&eu...
FRANCE - Emmanuel Macron nuk është i vetmi president i Republikës që ka punuar në prapaskenë në favor të zgjatjes s...
ANGLI - Këtë herë është pothuajse e përfunduar. Sipas informacioneve të “Telegrafit” të ...
GJERMANI - Hertha Berlin përmbysi rezultatin e ndeshjes së parë të “play-off”-it dhe ruajti vendin e saj në Bundesligë...
GJERMANI - Borussia Dortmund njoftoi të hënën se Edin Terzic do të jetë trajneri i tyre i ri. Ai pason Marco Rose, i shkark...
ANGLI - Jo vetëm Milani në Itali, por edhe Manchester City në Anglim, u derdh në rrugët e qytetit me autobusin e hapur, për t&eu...
