Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kombëtarja shqiptare do të luajë ndaj Spanjës mbrëmjen e së hënës ndeshjen e tretë të grupit B, në finalet e Kampionatit Europian “Gjermani 2024”.
GJERMANI - Dy ditë përpara finales së tretë të kuqezinjve, që do të luhet në stadiumin e Dusseldorfit në ora 21:00, mesfushori Nedim Bajrami doli përpara mediave në konferencën e zakonshme. Ai u shpreh se pavarësisht nivelit të kundërshtarit, kuqezinjtë do futen në fushë vetëm për 3 pikë.
Ndeshja ndaj Spanjës? “E dimë të gjithë që Spanja është favorite për fitimin e Europianit. Duhet ta përgatitim shumë mirë ndeshjen dhe të gjithë të jemi gati. Të bëjmë maksimumin të gjithë, nuk ka rëndësi kush luan dhe kush jo. Rastet që do t’i kemi në ndeshje duhet të bëjmë maksimumin dhe të shënojmë”.
Dy ndeshjet e para të Europianit? “Me Italinë as vetë nuk e pritëm që do e fillonim aq mirë, por ata shënuan dy gola më pas. Patëm rast edhe me Manajn për të barazuar. Me Kroacinë zhvilluam një ndeshje shumë të bukur, luftuam të gjithë deri në fund dhe treguam që jemi aty. Me Spanjën e dimë që është një skuadër shumë fortë. Pavarësisht se kush luan skuadra e parë apo e dytë. Kjo nuk ka rëndësi pasi të gjithë lojtarët e tyre kanë kualitet. Ne duhet të fokusohemi vetëm te loja dhe kualitetet tona. Duhet të japim maksimumin. Nuk e kemi analizuar akoma, por Jamal, Morata dhe Ruiz janë më të fortit. Rodri nuk do luajë për shkak të kartonave të verdhë”.
Çfarë na pret të hënën përballë Spanjës? “Spanjë është favorit për të fituar Europianin. Me Spanjën duhet të japim maksimumin, jo vetëm për fitore por të shfrytëzojmë çdo rast sepse po luajmë me një kompeticion të madh, dhe duhet të jemi më cinikë te goli”.
Ndryshimi i pozicionit në ndeshjen me Kroacinë? “Ndeshjen e parë me Italinë luajta mesfushorë, me Kroacinë luajta në krah. Silvinjo më pyeti nëse mund të luaja edhe i thashë po sepse për mua nuk ka rëndësi ku luaj por unë jap maksimumin për skuadrën, jam gati gjithmonë”.
A jeni përgatitur për një dhuratë nga Spanja? “Në futboll nuk ka dhurata, duhet të fokusohemi te loja jonë, duhet të japim maksimumin dhe të luftojmë për çdo top, të shfrytëzojmë çdo rast”.
Goditjet e limituara në Europian? “Pjesën e parë me Kroacinë e pata një mundësi për të bërë gol, do të bëj një gjë të tillë edhe me Spanjën. Jo vetëm unë por edhe Asani dhe Asllani sepse edhe ata kanë gjuajtje të fortë. Spanja do të na vendosë në presion, kështu që të shfrytëzojmë edhe goditjet nga zona e 16 metrave për të gjuajtur në portë”.
Pozicioni ku do të luani të hënën? “Jam gati të luaj në çdo pozitë, mesfushë apo krah. Do të jap maksimumin ku të më vendosë trajneri. Spanja do të bëjë presion por ne do kemi rastet tona në kundërsulm. Duhet të jemi më konkretë. Patëm raste edhe me Italinë e Kroacinë. Me Spanjën duhet t’i bëjmë gola”.
Goli historik me Italinë? “Më mirë kisha dhënë golin e fundit me Italinë që të fitonim 1-0. Nuk e dija se u futa në historinë e Europianit, jam shumë i lumtur”.
Rotacion te Spanja? “Po luajmë një Europian me skuadra shumë të forta. Nuk ka ekip të parë, të dytë apo të tretë për mua. Të gjithë kanë kualitet, por ne duhet të përgatitemi sa më mirë. Të futemi në ndeshje për të luftuar për çdo pikë dhe çdo top”.
Çfarë duhet të ndryshojmë në ndeshjen me Spanjën? “Besoj se fazën mbrojtëse kemi bërë dy ndeshje të mira. Por të jemi më konkretë në sulm, pasi kemi patur raste. Duhet të kërkojmë edhe golin e dytë dhe të tretë, jo vetëm 1-0”.
Mbështetja e tifozëve ndaj Spanjës? “Spanja do të na bëjë shumë presion, kështu që në mbrojtje të jemi si ndaj Italisë dhe Kroacisë. Kemi kualitete në kundërsulm. Shpresoj që të gjithë tifozët kuqezi do të na mbështesin, në stadium dhe jashtë”.
Presioni në Europian? “Presion nuk kemi më, është ndeshja e tretë. Ne nuk jemi Spanja apo Franca, që kemi shumë raste. T’i bëjmë gola ato rastet që kemi. Është një arritje e madhe t’i shënojmë dy gola Kroacisë dhe gol Italisë”.
Ndeshja që të ka mbetur në mendje me Shqipërinë? “Besoj se të gjithë e dimë ndeshjen me Serbinë, por nuk dua të futem aty. Ndeshja më e bukur ishte me Çekinë atje. Jo sepse shënova unë, por gjithë ato tifoza, ishte shumë e bukur. Edhe ndeshja me Portugalinë kur shënoi Balaj. Shqipëria ka treguar se mund të fitojë edhe me skuadra të mëdha”.
B.T (Dosja.al)
GJERMANI - Pas barazimit 2-2 ndaj Kroacisë, Shqipëria beson sërish për kualifikimin në fazën e 16-të të Euro 2024. Ev...
GJERMANI - Mesfushori i Polonisë, Piotr Zieliński, komentoi në kanalet zyrtare të UEFA-s humbjen ndaj Austrisë, e cila dënon kombë...
ZVICER - UEFA i ka kushtuar një artikull special investimit më të madh në historinë e sportit shqiptar, stadiumit "Air Albania". Impakt...
SPANJE - Durim. Ky është konkluzioni që shërbimet mjekësore i kanë përcjellë trajnerit Hansi ...
GJERMANI - Shumica e debateve në Portugali sillen rreth Cristiano Ronaldos. Vazhdon të jetë referencë (e dukshme), por nuk ësht&...
GJERMANI - Nga 24 kombe në Euro, skuadra e Francës ka ende mundësinë të përballet me 14 skuadra në raundin e 16-të. N&eu...
FRANCE - Historia mes PSG-së dhe Kylian Mbappé do të përfundojë keq, apo edhe më keq, nga sa pritej verën e kaluar, ...
GJERMANI - Se çfarë po luan Anglia në këtë edicion të Europianit është e vështirë t...
GJERMANI - Belgjika dhe Rumania përballen sot, të shtunë, në stadiumin e Këlnit (21:00) në një ndeshje që mund të...
GJERMANI - Turqia dhe Portugalia fituan ndeshjet e tyre në ditën e parë të grupit F dhe sot masin forcat e tyre për të luftuar p...
