Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Shumë nga të mëdhenjtë e sportit botëror, kishin një rrugë të mprehtë drejt yjeve. Ajo është padyshim një prej tyre - gjimnastja rumune Nadja Komaneci
SHBA - Kush është Nadja? Gruaja e famshme rumune u bë gjimnastja e parë në historinë e Lojërave Olimpike që mori një notë mesatare maksimale prej ‘10’ dhe performanca e kësaj gruaje të famshme rumune në Montreal shënoi historinë e gjimnastikës moderne.
10-ta e parë perfekte në Lojërat Olimpike, kampionja më e re në historinë e gjimnastikës, fituese e pesë herë medaljeve ari në Olimpiada, kampione e shumëfishtë evropiane dhe botërore – Nadja ishte e paimitueshme.
Ajo do të mbahet mend për arritjet e saj fantastike sportive, por edhe për historinë e saj të pabesueshme të jetës.
Talent joreal, karrierë yjore, tetë vjet ferr në robëri, një vit për t'u harruar në Amerikë dhe më në fund jeta normale që ajo gjithmonë ëndërronte. Kjo është historia e jetës së Nadjas me pak fjalë.
Fillimi…
Nadja u rrit në qytetin e vogël rumun të Onesti. Ajo ishte plot energji që duhej të kanalizohej në ndonjë sport. Nëna e saj vendosi ta regjistronte në gjimnastikë dhe ajo menjëherë ra në dashuri me këtë sport. Në një rast, trajneri legjendar Bela Karolji ishte duke vizituar shkollat vendase në kërkim të gjimnasteve të talentuara dhe pikërisht aty e vuri re Nadjan. Ajo ishte vetëm gjashtë vjeçe dhe disa lëvizje gjimnastike i kreu në mënyrë perfekte. Ishte e qartë si dita se ky ishte një talent i madh. Karolj u kërkoi prindërve të punonin me të dhe ata pranuan.
Ajo ishte shumë këmbëngulëse dhe punëtore. Ajo kalonte orë e orë të tëra në palestër duke ushtruar. Ajo stërvitej për tetë orë në ditë dhe shpejt u bë një nga më të mirat në vend.
Një fëmijë mrekulli…
Ajo ishte vetëm 14 vjeç kur shkoi në Lojërat Olimpike në Montreal në vitin 1976 me ekipin olimpik rumun. Vajza 149 centimetra e gjatë dhe 38 kilogramë ka shkruar historinë e gjimnastikës. Nadja mori rezultatin më të lartë të mundshëm për ushtrimin në paralelen e shkallëzuar. Ishte 10-ta e parë perfekte në Lojërat Olimpike.
Interesant është fakti se në tableën elektronike nuk mund të shkruhej rezultati 10.00, ndaj pas performancës së Nadjas, kudo shkruhej 1.00.
Kur pa notat ajo u zhgënjye, nuk mund ta besonte. Ajo mendoi se i kishte bërë mirë ushtrimet. Shumë shpejt i shpjeguan se për çfarë bëhej fjalë, dhe pasoi një festë e madhe për 14-vjeçaren rumune. Shtatë dhjeta të pastra!
Kështu Nadja u bë një ikonë kombëtare brenda natës. Fytyra e saj ishte në pulla postare dhe falë saj, Rumania nuk ishte më një vend i panjohur.
Nadja u bë gjimnastja e parë që fitoi tre kampionate evropiane. Ajo fitoi medaljen e artë në 1975, 1977 dhe 1979. Ajo gjithashtu shkëlqeu në Lojërat Olimpike në Moskë. Ajo fitoi medaljen e artë në tra dhe në ushtrime të lira.
Megjithatë, një vit më vonë jeta e saj filloi dalëngadalë të shndërrohej në ferr. Përkatësisht, gjatë turneut të ekspozitës në Amerikë, trajneri i Nadjas, Bela dhe bashkëshortja e tij, aplikuan për azil dhe e morën atë. Nadja u kthye në Rumani dhe këtu pasuan tetë vjet ferr.
Regjimi i Çausheskut e vuri atë nën mbikëqyrje të posaçme për ta penguar atë të largohej nga vendi. Ajo ishte e ndaluar të udhëtonte, e ndjekur nga agjentë të shërbimit sekret, u përgjua... Karriera e saj kishte mbaruar. Nadja ishte e burgosur e regjimit rumun. Në ato vite, ajo vendosi t'i përkushtohej stërvitjes.
Abuzim seksual…
Gjatë asaj periudhe, Nadja u detyrua të takohej me Niko Çausheskun, djalin krenar të diktatorit të famshëm komunist Nicolai Çaushesku.
Trashëgimtari i babait i donte shumë femrat, ndaj edhe Nadja ishte në listën e dëshirave të tij. Ata shiheshin shpesh bashkë dhe ai e prezantonte atë si të dashurën e tij. Megjithatë ajo pretendon edhe sot e kësaj dite, se nuk ka qenë kurrë në lidhje me të, të paktën jo me dëshirë. Më vonë doli informacioni se djali i Çausheskut kishte abuzuar seksualisht me të.
Nadja në atë kohë ishte e dashuruar me një burrë tjetër, këngëtarin Stefan Banik. Mirëpo, kur Niku mori vesh për lidhjen e tyre dhe se Nadja ishte shtatzënë me aktorin, dërgoi shërbimin sekret te Stefani. Ai e urdhëroi që të largohej nga gjimnastja e famshme nëse donte të jetonte.
Një ditë më vonë, Nadja abortoi fshehurazi foshnjën dhe më pas tentoi të bënte vetëvrasje. Ajo piu një gotë zbardhues... Më vonë, ajo pohoi se thjesht mori gotën e gabuar.
Ikja në Amerikë…
Ajo vendosi të bënte një lëvizje të rrezikshme. Në nëntor 1989, pak javë para revolucionit, Nadja Comaneci vendosi të largohej nga vendi. Ajo u takua me Kostandin Panaiton dhe ai i premtoi se do ta ndihmonte të arratisej. Ajo ra dakort. Duke ndjekur udhëzimet e tij, ajo notoi përtej Danubit të ngrirë dhe eci me kilometra për të arritur në Hungari. Aty e pritën dhe e lejuan të kalonte në Austri, ku e priste Panaita. Së bashku shkuan në ambasadën amerikane, ajo mori azil politik dhe një biletë për në Nju Jork. Ajo kishte shumë miq në Amerikë. Trajneri i saj Bela dhe gjimnasti amerikan Bart Conner ishin aty, por Nadja u bë peng i Konstantinit.
Panait, i cili e ndihmoi të arratisej nga Rumania për 5.000 dollarë, e mbajti si robinë për një vit. Ai përfitoi nga kjo 200 mijë dollarë nga intervistat dhe paraqitjet e Nadja Comanecit në televizion. Me ndihmën e miqve, ajo arriti të transferohej në Montreal, një vit pas largimit nga Rumania dhe më në fund të fillonte një jetë normale.
Ajo u afrua shumë me amerikanin Bart Conner, të cilin e takoi në Olimpiadën e Montrealit. Pas një viti e gjysmë miqësie, lindi dashuria. Bart e ftoi Nadja të lëvizte me të në Oklahoma dhe i sugjeroi që së bashku të hapnin një shkollë gjimnastike. Filluan bashkëjetesën, filluan një biznes dhe ishte edhe periudha më e lumtur në jetën e Nadja Komaneçit.
Ata u martuan në vitin 1996 në Manastirin Kashin afër Bukureshtit dhe Bart u konvertua në ortodoks me kërkesë të gruas së tij. Meqë ra fjala, Nadja donte që në dasmë të ishte presidenti i atëhershëm i Rumanisë, Ion Iliescu, i cili erdhi në atë vend, pasi u pushkatua Çaushesku. Ai e ka falënderuar për këtë “gjest të këndshëm ndaj vendit dhe prindërve të saj”, por për shkak të pozicionit të tij zyrtar nuk ka mundur t’i bëjë respekt. Megjithatë, ai priti dasmën e saj dhe në festë ishin të ftuar edhe Robert de Niro, Arnold Schwarzenegger, Hillary Clinton...
Në moshën 45-vjeçare Nadja përmbushi rolin e saj si nënë, duke sjellë në jetë djalin e saj Dylan.
B.T (Dosja.al)
JORDANI - Futbollisti nga Gana, Muhammed Anas, famën botërore nuk e fitoi me mjeshtërinë e tij në fushë, por me nj&eum...
SHBA - Ish-boksieri i famshëm Felix Verdejo nga Porto Riko është dënuar me dy akuza për vdekjen e dhunshme të një...
TURQI - Mauro Icardi, i cili priste për pak kohë transferimin me Galatasarayt për shkak të sëmundjes së Wanda Narës, firmosi ...
BRAZIL - Çdo adhurues, i gjësë dytësore më të rëndësishme në botë, e di shumë mirë se çfar&...
ITALI - Roma do të bëjë një ndeshje miqësore me Farensen, pastaj do të mbyllë fazën e saj përgatitore. Ekipi i Mour...
JAPONI - Fansat japonezë kërkonin, mdaje thërrisnin edhe emrin e tij që Neymar të ishte në fushë ndaj Interit. Mirëpo tr...
ANGLI - Premier League ka vendosur të prezantojë një risi të madhe për sezonin e ardhshëm dhe ndeshjet do të jenë s...
TIRANE - Ditën e sotme në ambientet e sallës së konferencave në “Shtëpinë e Futbollit” është zbardhur e...
TIRANE - Eshtë hedhur këtë të mërkurë në sallën e konferencave në “Shtëpinë e Futbollit” shor...
SHBA - Paris Saint-Germain po ecën përpara me transferimin e Ousmane Dembele, pasi ka aktivizuar klauzolën e lirimit prej 50 milion&eum...
