Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Numrat dhe statistikat më interesante, të grumbulluara nga OPTA që mund të ju ndihmojnë për ndeshjen finale të Champions League.
1- Rregulli ‘Merengues’: Ky do të jetë takimi i nëntë mes Liverpoolit dhe Real Madridit në Champions League. Pasi fituan tre të parat mes viteve 1981 dhe 2009, “Reds” nuk kanë mundur të fitojnë pesë ndeshjet e fundit ndaj ‘los blancos’ (1D 4D), përfshirë edhe humbjen në finalen e 2018-ës.
2- Finalja e tretë: Liverpool dhe Real Madrid do të takohen për herë të tretë në finalen e Champions League, finalja më e përsëritur në historinë e kompeticionit. Liverpool fitoi të parën në 1981 (1-0) përpara se Real Madrid të mposhtte skuadrën e Jürgen Klopp 3-1 në 2018.
3- Shkuarja për vendin e shtatë: Liverpool po kërkon të fitojë kupën e shtatë të Champions League në historinë e tij. Me një fitore në Paris do të barazohet me Milanin (shtatë), të dy, të dytët pas Real Madridit (13), si klubet më të suksesshme në kontinent.
4- “Mbreti” i Europës: Real Madrid mund të fitojë Champions League për herë të 14-t, duke patur dy herë më shumë trofe se çdo rival tjetër në histori (Milan me shtatë). ‘Los blancos’ kanë ngritur kupën shtatë herët e fundit që kanë qenë në finale. Në fakt, humbja e tyre e fundit në një finale erdhi kundër Liverpoolit në vitin 1981, një ndeshje e luajtur gjithashtu në Paris dhe e vendosur nga goli fitues i Alan Kenedit.
5- Klopp, një e treta e suksesit: Real Madrid është skuadra me të cilën Jürgen Klopp është përballur më së shumti herë në Champions League (9), duke fituar tre nga këto përplasje (2D, 4D). Në mesin e skuadrave, kundër të cilave ka luajtur të paktën tre ndeshje, ai është kundër asaj me përqindjen më të keqe të fitores (33%).
6- Ancelotti, më i suksesshmi: Italiani dëshiron të fitojë Champions League për herë të katërt, më shumë se çdo trajner tjetër në historinë e kompeticionit (pas atij që arriti në 2002/03 dhe 2006/07 me Milan dhe 2013/14 me Real Madrid). Ancelotti ka fituar titullin në tre nga katër finalet e tij të mëparshme të Champions League, vetëm duke dështuar kundër Liverpoolit në 2004/05 me Milan (humbje 3-2 në penallti).
7- Siguria mbrojtëse: Liverpool është skuadra në Champions League këtë sezon që ka lejuar sekuencat më të pakta prej 10 pasimesh të pandërprera për ndeshje (4.1). Për më tepër, vetëm Ajax (7.4), i cili u eliminua në raundin e 16-të, ka lejuar më pak kalime të kundërshtarit në pozicion mbrojtës se Liverpooli këtë sezon (8.5).
8- Dyshja kryesore Salah-Klopp: Sulmuesi i Liverpool ka shënuar 33 gola nën drejtimin e Klopp në Champions League. Vetëm tre lojtarë kanë shënuar më shumë gola me të njëjtin trajner në historinë e kompeticionit: Lionel Messi me Pep Guardiolën (43), Ruud Van Nistelrooy me Alex Ferguson (35) dhe Thierry Henry me Arsene Wenger (35).
9- Vjetërsia është një diplomë: Real Madrid ka pesë lojtarë në ekipin e tij me të paktën 100 paraqitje në Champions League (Karim Benzema, Toni Kroos, Luka Modric, Marcelo dhe David Álaba). Mund të bëhet skuadra e parë që nis në një finale me të paktën katër futbollistë, që kanë arritur 100 ndeshje në kompeticion. Rekordi qëndron në tre lojtarë, kur vetë Real Madridi e nisi Cristiano Ronaldon, Karim Benzema dhe Sergio Ramos në finalen e 2018-ës.
10- Klubi i ‘Top-50’ ndeshjeve: Jordan Henderson mund të luajë ndeshjen e tij të 50-të në Champions League për Liverpoolin (ai aktualisht ka 49) dhe do t'i bashkohej Jamie Carragher (80), Steven Gerrard (73) dhe Phil Neal (57), si lojtarët e vetëm anglezë që kanë arritur 50 ndeshjet për "The Reds" në Champions League.
11- Benzema, eksperti i golave: Sulmuesi i Real Madridit, i cili do të jetë 34 vjeç e 160 ditë në ditën e ndeshjes, mund të bëhet lojtari i dytë më i vjetër që shënon në një finale të Champions League, pas Paolo Maldinit me Milan në 2005 (36 vjeç e 333 ditë edhe kundër Liverpoolit). Benzema hapi rezultatin në një fitore 3-1 herën e fundit që u takuan në finalen e kompeticionit, më 2018.
12- Salah pikë referimi: Që nga fillimi i sezonit 2017/18, Mohamed Salah ka shënuar 33 gola dhe ka dhënë 11 asistime për Liverpoolin në Champions League. Vetëm Robert Lewandowski (55) dhe Kylian Mbappé (47) kanë marrë pjesë në më shumë gola se egjiptiani. Në këtë periudhë, Salah është një nga vetëm dy lojtarët me të paktën 30 gola dhe të paktën 10 asistime në kompeticion, së bashku me Lionel Messin.
13- Rekordet e golave: Karim Benzema kanë shënuar 15 gola për Real Madridin në Champions League këtë sezon, ai është dy më pak se rekordi për gola në Champions League (17 Cristiano Ronaldon në 2013/14). Nëse ai shënon në këtë ndeshje, Benzema do të bëhej gjithashtu golashënuesi i tretë më i mirë në historinë e këtij kompeticioni (ai aktualisht është i barabartë me Robert Lewandowski me 86 gola) dhe do të ishte vetëm pas Cristiano Ronaldos (140) dhe Lionel Messit (125).
14- Alexander-Arnold, i ri në moshë: Lojtari i Liverpool mund të luajë finalen e tretë të Champions League. Në moshën 23 vjeç e 233 ditë, në finalen e këtij viti, ai do të ishte lojtari i dytë më i ri në historinë e kompeticionit që do të shfaqej në tre finale pas Alessandro Del Piero në 1998 (23 vjeç e 192 ditë), duke lënë prapa Thomas Muller (23 vjeç e 254 ditë).
15- Vinícius ndjek hapat e Messit: Braziliani ka marrë pjesë në Champions League këtë sezon me tre gola dhe gjashtë asistime. Lojtari i fundit i Amerikës së Jugut, që mori pjesë me të paktën 10 tregues pozitivë në një sezon të vetëm, 21 vjeç e poshtë, ishte Lionel Messi në sezonin 2008/09 (nëntë gola dhe pesë asistime).
B.T (Dosja.al)
FRANCE - Gjendja fizike e Neymar është sërish një çështje debati në Francë. Ish-lojtari dhe trajne...
GJERMANI - “Kur të më pyesin për të ardhmen time, do të përgjigjem pas Champions League. Nëse qëndroj apo jo, do t...
FRANCË-Kylian Mbappe është duke shfrytëzuar maksimalisht pushimet në rivierën franceze. Pas një sezoni të lodhshë...
TIRANË- Edmond Haxhia është drejtori i ri sportiv i Partizanit. Zv.presidenti i Laçit, Kleo Laska, djali i Pashk Laskës, ka zbuluar...
ITALI- Pas takimit ditët e fundit dhe ofertës zyrtare të Interit me 5 milionë neto në sezon plus bonuse, skuadra zikaltër ë...
DURRES - Kombëtarja ka nisur sot përgatitjet për tre ndeshjet e qershorit, dy sfidat e Nations League ndaj Islandës në transfertë ...
SPANJE - Liverpooli ka arritur në vijën e finishit me vuajtje, por pa u dorëzuar . “Reds” e nisën sezonin më 14...
SPANJE - Finalja e Champions League është një ngjarje unike. Të pakta janë ato skuadra që konkurrojnë deri kë...
SPANJË- Vetëm një ditë na ndan nga finalja e madhe e Champions League mes Real Madrid dhe Liverpool. Mohamed Salah kërkon hakmarrje p...
ANGLI- Andy Carroll futet sërish në telashe, por këtë herë jo për çështje gjyqësore. Sulmuesi anglez ësht&...
