6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Në padinë e tyre, deputetët demokratë pretenduan se masa e sigurisë “detyrim paraqitje” ndaj Berishës për aferën e privatizimit të klubit ‘Partizani’ është marrë pa autorizim fillestar të Kuvendit të Shqipërisë dhe është antikushtetuese.
TIRANË- Gjykata Kushtetuese ka rrëzuar kërkesën e 30 deputetëve të Partisë Demokratike në lidhje me kompetencat e SPAK për dhënien e masës së sigurisë pa marrë miratim nga Kuvendi fillimisht. Gjykata Kushtetuese në njoftimin për media thekson se ankimimi duhej të ishte bërë nga Kuvendi dhe jo 1/5-a e deputetëve dhe për këtë arsye nuk është marrë në shqyrtim.
Për Gjykatën Kushtetuese, Berisha ka të drejtë ta ankimojë kërkesën e SPAK, pasi të ezaurojë ankimet në të gjitha shkallët e gjyqësorit. Në padinë e tyre, deputetët demokratë pretenduan se masa e sigurisë “detyrim paraqitje” ndaj Berishës për aferën e privatizimit të klubit ‘Partizani’ është marrë pa autorizim fillestar të Kuvendit të Shqipërisë dhe është antikushtetuese. Më 12 dhjetor SPAK i kërkoi Kuvendit autorizimin për arrestimin e Sali Berishës, në kushtet kur ish-kryeministri nuk ka zbatuar vendimin e gjykatës për tu paraqitur pranë OPGJ-së.
SPAK kërkoi ta zëvendësojë masën në ‘arrest shtëpie’ ose ‘arrest me burg’, vendim që do të presë edhe vulën e gjykatës. Kërkesa u shqyrtua edhe në Këshillin e Mandateve. Nesër Kuvendi do të marrë në shqyrtim si pikë të parë në rendin e ditës kërkesën e SPAK për autorizim të masës së arrestit ndaj deputetit Sali Berisha, nën hetim për dosjen e kompleksit ‘Partizani’.
Vendimi i plotë:
Në datën 15.12.2023 në Gjykatën Kushtetuese është regjistruar kërkesa e një grupi prej jo më pak se një e pesta e deputetëve të Kuvendit të Republikës së Shqipërisë (30 deputetë), të cilët kanë kërkuar:
– interpretimin përfundimtar të nenit 73, pika 2, të Kushtetutës, i cili parashikon se: “Deputeti nuk mund të arrestohet ose t’i hiqet liria në çfarëdo lloj forme apo ndaj tij të ushtrohet kontroll personal ose i banesës, pa autorizimin e Kuvendit”;
– zgjidhjen e konfliktit të kompetencave ndërmjet Kuvendit dhe SPAK e GJKKO-së për sa i takon çështjes së heqjes dhe/ose kufizimit të lirisë së deputetit të Kuvendit në çdo formë, pa kërkuar e pa marrë paraprakisht autorizimin e Kuvendit;
– konstatimin e papajtueshmërisë me Kushtetutën dhe marrëveshjet ndërkombëtare të masave shtrënguese të sigurimit personal të caktuara me vendimet gjyqësore të GJKKO-së së shkallës së parë dhe apelit ndaj deputetit Sali Berisha, si dhe pezullimin e këtyre masave.
Grupi i deputetëve ka parashtruar se ndaj deputetit Sali Berisha janë vendosur dy masa shtrënguese personale “Detyrimi për paraqitje” dhe “Ndalimi i daljes jashtë shtetit”, pa u kërkuar më parë autorizimi i Kuvendit, siç parashikohet nga neni 73, pika 2, i Kushtetutës. Në këtë mënyrë, vendimet gjyqësore për vendosjen e këtyre masave kanë krijuar një mosmarrëveshje kompetencash midis organit të Kuvendit, nga njëra anë, dhe organeve të SPAK-ut dhe GJKKO-së, nga ana tjetër, prandaj, për këtë shkak, lind nevoja e interpretimit të nenit 73, pika 2, të Kushtetutës. Grupi i deputetëve ka pretenduar edhe se këto masa janë marrë në kundërshtim me Kushtetutën, për rrjedhojë kanë kërkuar pezullimin e tyre. Ata, gjithashtu, kanë parashtruar se si subjekt i pakushtëzuar nuk kanë detyrimin për të provuar para Gjykatës lidhjen mes veprimtarisë ligjore që kryejnë dhe çështjes kushtetuese të ngritur.
Gjithashtu, kërkuesi ka paraqitur në Gjykatë një kërkesë për përshpejtimin e gjykimit të çështjes, duke parashtruar se në datën 21 dhjetor 2023 është caktuar seanca plenare e Kuvendit gjatë së cilës është planifikuar miratimi për dhënien e autorizimit për kërkesën e arrestit të deputetit.
Kolegji i Gjykatës Kushtetuese, në datën 19 dhjetor 2023, pasi mori në shqyrtim paraprak çështjen, vendosi ta kalojë atë për shqyrtim në Mbledhjen e Gjyqtarëve.
Mbledhja e Gjyqtarëve, e mbledhur sot, në datën 20 dhjetor 2023, bazuar në nenin 54, pika 3, të ligjit nr. 8577/2000, të ndryshuar, me shumicë votash, vlerësoi se kërkesa nuk plotëson kriteret ligjore paraprake për pranimin e saj për shqyrtim në seancë plenare, për këto arsye:
Neni 124 i Kushtetutës parashikon se Gjykata zgjidh mosmarrëveshjet kushtetuese dhe bën interpretimin përfundimtar të saj.
Kurse bazuar në nenin 131, pika 1, shkronja “ç”, të Kushtetutës, Gjykata vendos për mosmarrëveshjet e kompetencës ndërmjet pushteteve, e cila në rastin konkret pretendohet se është midis Kuvendit, nga njëra anë, dhe SPAK dhe GJKKO, nga ana tjetër.
Kushtetuta ka mirëpërcaktuar rastet kur grupeve të deputetëve u janë njohur të drejta si entitete dhe në këtë drejtim një e pesta e deputetëve dhe Kuvendi janë subjekte kushtetuese të ndryshme që nuk mund të barazohen me njëri – tjetrin.
Për rrjedhojë, kërkuesi, grupi i deputetëve, nuk legjitimohet t’i drejtohet Gjykatës, pasi referuar mosmarrëveshjes së pretenduar të kompetencave, ai nuk është subjekt në konflikt, pra nuk rezulton t’i jetë marrë ndonjë kompetencë apo të jetë cenuar drejtpërdrejt në ndonjë kompetencë. Grupi i një të pestës së deputetëve, pavarësisht se është pjesë e ushtrimit të veprimtarisë legjislative të Kuvendit, nuk nënkupton që është subjekti kushtetues për të cilin bën fjalë neni 73, pika 2, i Kushtetutës, pra ai nuk mund të veprojë në emër dhe me tagrat e Kuvendit.
Për këto arsye, Mbledhja e Gjyqtarëve vendosi moskalimin e çështjes për shqyrtim në seancë plenare, ndaj pretendimet e kërkuesit dhe kërkesa për pezullimin e masave të sigurimit nuk mund të shqyrtohen në themelin e tyre.
Sali Berisha TIRANË- Gjykata Kushtetuese ka rrëzuar shqyrtim kërkesën e deputetëve të opozitës për mandatin e Sali ...
Gazment Bardhi TIRANË- Kreu i grupit parlamentar të Partisë Demokratike, Gazment Bardhi tha se grupi parlamentar mbështet çdo pr...
Gazment Bardhi TIRANË- Kreu i grupit parlamentar të Partisë Demokratike, Gazment Bardhi tha se Kuvendi ndjek dy standarde në rast...
Belind Këlliçi TIRANË- Belind Këlliçi anëtari i Kryesisë së Partisë Demokratike ka folur paraditen e sotm...
Sali Berisha TIRANË- Kreu i Partisë Demokratike Sali Berisha ka thënë paraditen e sotme se është duke u futur në burg l...
Taulant Balla TIRANË- Ministri i Brendshëm, Taulant Balla ka deklaruar se marrëveshja me emigrantët me Italinë është...
edison memolla TIRANË- Kërkesa e SPAK për të kaluar për gjykim dosjen e kryebashkiakut socialist të Rrogozhinës Edison M...
Taulant Balla TIRANË- Një vendim i marrë nga qeveria në mbledhjen e sotme të Këshillit të Ministrave lidhet dhe me ...
Sali Berisha TIRANË- Nesër është paralajmëruar protesta e radhës e opozitës. Kryedemokrati Sali Berisha ka deklaruar se ...
Sali Berisha TIRANË- Kreu i Partisë Demokratike Sali Berisha ka folur paraditen e sotme në një konferencë për mediat lidhur ...
