Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
I pyetur nëse kritikat e Spiropalit janë shprehur në mbledhjet e grupit, Balla u përgjigj shkurt se një gjë e tillë nuk ka ndodhur.
TIRANË- Kryetari i Grupit Parlamentar të PS, Taulant Balla pas Mbledhjes së Grupit Parlamentar të Partisë Socialiste sqaroi se theksoi se PS ka një rregull të qartë: në fund të çdo sesioni parlamentar bëhet një analizë e performancës së çdo deputeti. Ai nënvizoi se ky është një proces rutinë që zbatohet për të gjithë, pa përjashtim.
I pyetur nëse kritikat e Spiropalit janë shprehur në mbledhjet e grupit, Balla u përgjigj shkurt se një gjë e tillë nuk ka ndodhur. Ndërkohë, ai u ndal edhe tek procesi i rienergjizimit të Partisë Socialiste, duke e cilësuar si një fazë të rëndësishme komunikimi me qytetarët dhe rritjeje të anëtarësimeve të reja. Balla tha se procesi po ecën sipas pritshmërive dhe bëri thirrje për angazhimin e të rinjve, duke e lidhur këtë me objektivin strategjik të integrimit në Bashkimin Europian.
Ky proces, sipas tij, lidhet drejtpërdrejt edhe me përgatitjet për zgjedhjet vendore të vitit 2027, ku PS synon të garojë për të fituar në të gjitha bashkitë. Në këtë kuadër, ai theksoi se rienergjizimi i partisë shërben edhe për evidentimin e kandidatëve potencialë.
Në lidhje me reformën administrative-territoriale, Balla u shpreh se nuk është e rëndësishme numri i bashkive, por përmirësimi i shërbimeve për qytetarët. Ai njoftoi se do të zhvillohen dëgjesa në të gjithë vendin për të marrë mendimet e qytetarëve dhe për të përmirësuar reformën ekzistuese.
Sa i përket nismave ligjore, Balla bëri me dije se amnistia penale kërkon më shumë kohë për shqyrtim dhe analizë, duke qenë një proces i ndjeshëm. Ndërkohë, për Kodin e Procedurës Penale, ai sqaroi se nuk është në “sirtar”, por në procedurë normale kuvendore dhe do të diskutohet në momentin e duhur.
Në fund, i pyetur për një kërkesë për rezolutë nga PS të xhaxhait të një prej viktimave të 21 janarit, Aleks Nikës, Balla tha se kjo do të vlerësohet në bazë të analizave institucionale, pa dhënë një përgjigje përfundimtare.
Deklarata e plotë:
Pyetje...Që po përballet me maxhoranca socialiste nga ish-kryetarja e Kuvendit, Elisa Spiropali, ish-ministrja e jashtme, për mënyrën se si funksionon Partia juaj, vendimmarrjet në Partinë Socialiste dhe në grupin parlamentar.
Balla: E para, s'ka qenë kjo fare në agjendën e punës së mbledhjes së komisionit. Kemi pasur shumë debate sot për çështje të disa ligjeve, me kolegë të cilët kanë propozuar ndryshime, amendime, në disa ligje që janë për objekt të punës javore të Kuvendit.
Është normale që deputetë të grupit parlamentar të Partisë Socialiste në mbledhjen e grupit parlamentar të Partisë Socialiste të kenë propozime, të kenë kritika, për shembull ishte në rastin në fjalë për një nga ligjet, një koleg me shumë eksperiencë në lidhje me disa probleme të cilat qëndronin...dhe kjo është demokracia brenda grupit parlamentar dhe brenda Partisë Socialiste. Këto pastaj në korridore, në rrjetet sociale nuk i ndjekun.
Pyetje: A keni marrë një vendim përsa i përket çështjes së zonjës Spiropali, pasi është thënë që do të merret vendim grupi për qëndrimin dhe mosvotimin në parlament për çështjen e zonjës Balluku?
Balla: Jua kam thënë, ne kemi një rregull që në çdo fund sesioni bëjmë një analizë të performancës së punës së çdo deputeti, kryesia e grupit parlamentar i paraqet grupit parlamentar një raport. Kur të vijë ai moment ua kam thënë nja 20 herë do ja them prapë.
Pyetje: Pra, Partia Socialiste do të presë fundin e korrikut, përfundimin e sesionit parlamentar për një vendimmarrje për zonjën Spiropali?
Balla: Për performancën e çdo deputeti të Partisë Socialiste është rregull, unë kam 21 vjet në këtë grup parlamentar, atëherë bëhet një vlerësim i performancës së secilit, ku padyshim pastaj kërkohet përmirësimi i punës apo çështje të tjera. Është, janë rregulla të cilat ekzistojnë në çdo grup parlamentar, në çdo parlament europian.
Pyetje: Z. Balla kritikat që zonja Spiropali adreson në rrjetet sociale i ka shprehur në mbledhjet e grupit parlamentar?
Balla: Jo, nuk i ka shprehur.
Pyetje: Z. Balla, si po shkon organizimi i degëve të Partisë Socialiste duke. Duke qenë se keni nisur një proces rienergjizimi të partisë.
Balla: Faleminderit. Jam shumë... kjo ka qenë një prej çështjeve që edhe me prezencë të sekretarit të përgjithshëm të partisë zoti Klosi, edhe në mbledhjen e kaluar ditën e enjte, edhe sot siç e dini jemi në një fazë komunikimi të gjerë me publikun përmes këtij procesi që në njërin krah ka komunikimin me njerëzit, në pjesën tjetër ka procesin e rienergjizimit të Partisë Socialiste.
Jam shumë krenar që ky proces po ecën sipas pritshmërive tona, me një numër të konsiderueshëm anëtarësimesh të reja deri në këtë fazë të këtij procesi, dhe thirrja ime është për të gjithë ata të rinj e të reja që duan të japin një kontribut në këtë fazë historike të përmbylljes së aspiratës tonë për ta parë Shqipërinë anëtare të Bashkimit Europian, që ti bashkohen Partisë Socialiste si i vetmi instrument në duart e tyre për t'i dhënë fuqinë këtij procesi dhe për t'i dhënë fuqi përfaqësimit të tyre.
Dhe mund t'ju them dhe natyrshëm në një fazë tjetër sekretari i përgjithshëm do të ketë një komunikim me ju për ta njoftuar, le të themi, këtë fazë të parë. Ju e dini që i gjithë ky proces shkon deri në 12 qershor, kur ne familja jonë politike feston 35-vjetorin, por nuk do të ndërpritet. Do të jetë një proces që do të vazhdojë edhe përtej qershorit, dhe korrikut, dhe pastaj për të rifilluar në shtator me përgatitjet për zgjedhjet vendore të vitit 2027.
Pyetje: Z. Balla, një kulturë dhe gjithë këto punë që po bëni janë edhe si një farë mënyre për të evidentuar kandidatët e mundshëm potencial për kryetar bashkie,
Balla: Po natyrisht. Ky proces rienergjizimi i partisë ndërlidhet me fazën tjetër. Faza tjetër janë zgjedhjet vendore. Partia Socialiste e Shqipërisë konkurron për të fituar në të 61 bashkitë e vendit.
Pyetje: Pra do kemi 61 bashki?
Balla: Nëse unë i referohem asaj që është sot, ndërkohë që nga bashkëkryetari ynë i reformës administrative-territoriale jemi njoftuar sot dhe për kalendarin e toënholl-eve, pra dëgjesave për pjesën që lidhet me reformën administrative-territoriale, do jenë dëgjesa në të gjithë territorin në të 12 qarqet e vendit, ku i kam kërkuar edhe kolegëve deputetë që të jenë pjesë e këtyre dëgjesave për të marrë shënim çdo lloj rekomandimi që vjen nga qytetarët.
Thelbi i reformës administrative-territoriale është një qeverisje më efektive vendore dhe e vërteta është që sot pas 12 viteve nga 2014 jemi në kushtet e një reforme administrative-territoriale e cila ka prodhuar disa suksese, duhet të konsoliduar në pjesën e mirë-administrimit dhe në pjesën e përmirësimit të shërbimeve publike në dobi të qytetarëve, dhe unë nuk... edhe hesht të parashikoj se sa do të jetë numri i bashkive, se nuk është çështje numri, është çështje përmirësimi i shërbimesh për njerëzit.
Pyetje: Z. Balla, ndërkohë janë disa nisma që pritet të miratohen gjatë këtij sesioni politik. Një ndër tyre është edhe amnistia penale. Kur pritet të nisin diskutimet në parlament?
Balla: Tani ju e dini që ne kemi një proces dhe padyshim që edhe reforma edhe kjo amnistia kërkon pak kohë, dhe me kolegët e komisionit të çështjeve ligjore kemi rënë dakord që të marrim pak më shumë kohë, sepse ju e dini që amnistitë janë procese të rëndësishme të cilat duan një hulumtim më të mirë të propozimit që ka.
Pyetje: Z. Balla një nismë e juaja, e kryeministrit dhe kolegut tuaj Ulsi Manja, është në sirtarët e Kuvendit prej javësh, e kam fjalën per Kodin e procedurës penale, a do te diskutohet dhe miratohet brenda ketij sesioni?
Balla: Jo, nuk është në sirtarët e Kuvendit, është në procedurë kuvendore. Mendoj që edhe kjo do të shqyrtohet në momentin e duhur.
Pyetje: Z. Balla, një pyetje keni kryer një takim me xhaxhain e Aleks Nikës i cili mesohet t'ju ketë kërkuar ndihmë për zvarritjen e procesit nga SPAK, madje dhe një rezolutë. A është e gatshme Partia Socialiste të hartojë një rezolutë për t'u miratuar.?
Balla: Do ta shohim në procesin e analizave të institucioneve.
Luciano Boçi TIRANË- Komisioni i Arsimit, nën drejtimin e nënkryetarit të Partisë Demokratike, Luciano Boçi, zhvillo...
PD TIRANË- Partia Demokratike ka kallëzuar në Prokurorinë e Posaçme Ministrin e Brendshëm Besfort Lamallari dhe drejtu...
Taulant Balla TIRANË- Kreu i Grupit Parlamentar të PS, Taulant Balla u pyet nga gazetarët në lidhje me një vendimmarrje ...
Taulant Balla TIRANË- Kreu i Grupit Parlamentar të PS, Taulant Balla, duke komentuar procesin e nisur me strukturat, u bëri thirrje të ...
Sali Berisha TIRANË- Kryedemokrati Sali Berisha paralajmëroi se protestat kombëtare të opozitës do të vijojnë...
Sali Berisha TIRANË- Kreu i Partisë Demokratike, Sali Berisha u pyet nga gazetarët nëse është gati të përballet me ...
Sali Berisha TIRANË- Kreu i PD-së Sali Berisha u pyet nga gazetarët në lidhje me përballjen e mundshme me kryeministrin Rama n&eu...
Sali Berisha TIRANË- Kryetari i Partisë Demokratike, Sali Berisha u shpreh se dhëndri i Altin Dumanit, shtyu gjyqin qëllimisht në...
Sali Berisha TIRANË- Kryetari i Partisë Demokratike, Sali Berisha tha se Altin Dumani porositi apartament te krimineli Andon Pango, ndërsa p...
Sali Berisha TIRANË- Kryetari i Partisë Demokratike, Sali Berisha, duke folur për mediat para SPAK denonocoi skandalin e blerjes së nj&...
