Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dosja.al ka përgatitur një artikull që shpjegon në rend kronologjik sesi kemi ardhur deri sot, në zgjedhjen e kreut të ri të shtetit, që do të pasojë në detyrë Ilir Metën.
TIRANË- Dje, 140 të zgjedhurit e popullit në Kuvendin e Shqipërisë votuan për presidentin e ri të vendit, Bajram Begaj. Emër që ishte që në fillim në kokën e kryeministrit Edi Rama, e që zbëri gjë tjetër veçse përçau dhe më tej opozitën e vendit. E këtu nuk e kemi fjalën vetëm se për çfarë ndodh brenda selisë blu dhe demokratëve. Krisja ishte më e gjerë, krismën do t’ja dëgjojmë në të ardhmen. Dosja.al ka përgatitur një artikull që shpjegon në rend kronologjik sesi kemi ardhur deri sot, në zgjedhjen e kreut të ri të shtetit, që do të pasojë në detyrë Ilir Metën.
E gjitha nisi kur më 18 prill, kryetari i grupit parlamentar të Partisë Socialiste, Taulant Balla dhe ministrja për Marrëdhëniet me Parlamentin, Elisa Spiropali, dolën në një konferencë për mediet sot në Tiranë për të folur lidhur me procesin dhe rrugën që do të ndiqet për zgjedhjen e presidentit të ri të Republikës.
“Të martën nisim hapin e parë të konsultimit me grupet parlamentare dhe PS do të udhëheq këtë proces. Duhet të kemi një proces konsultimi, dialogu, me opozitën në Kuvendin e Shqipërisë me qëllim që të identifikojmë se cilat do të ishin kriteret kryesore që duhet të plotësojë presidenti në këtë mandat të ri”, tha Balla.
Së bashku me Damian Gjiknurin, i cili kishte një rol që as vetë nuk e kuptoi në proces, pasi në shumë mbledhje nuk mori pjesë, por edhe të tjerët nuk bënë ndonjë gjë më shumë. Rama e dinte shumë mirë, kë dhe pse do zgjidhte. A e pengoi kjo që të bënte një skenar, e të shkatërronte edhe më opozitën? Jo.
Një ditë pas dhënies së lajmit, më 19 prill, Rama mblodhi grupin parlamentar, u dha një laps e letër në dorë, e u kërkoi të hidhnin brenda në kuti nga 3 emra si kandidatë për kreun e ri të shtetit. Ato letra nuk e panë dot kurrë dritën e diellit, ndërsa socialistët treguan se “omerta-në” më mirë se ata nuk e mban askush në këtë vend. Në mediat, ku Rama kishte influencë, dilnin emra, të eliminuar, kjo e ajo, vetëm për të trazuar opinionin, por çuditësisht asnjë nuk i ra në kokë se emri mund të ishte një ushtarak. Askujt s’ja mori mendja. Ndërsa Rama, përveçse me popullin, tallej edhe me tijën. Pasi kishin hedhur emrat në kuti, u kujtua që t’u thoshte se nuk do zgjidhej asnjë socialist. Ndërkohë që kishin nga ata që harxhuan emrat e tyre (jo se do merreshin parasysh) me Mimi Kodhelin, Lindita Nikollën, madje dhe vetë Ramën. Pastaj diversioni tjetër ishte që do zgjidhej një grua. As kjo nuk doli gjë.
Alibeaj dhe grupi i tij, duke përfituar se Sali Berisha dhe anëtarët e Komisionit të Rithemelimit nuk do të merrnin pjesë në proces me ultimatum nga Rama, kërkuan lëmoshë nga maxhoranca. Fillimisht dolën me një draft, ku kishte kritere për kreun e shtetit. Duhej të mos ishte komunist, njeri me integritet, mos të ishte pjesë e politikës aktive, e të tjera si këto. Ndërsa tentativa vetme që Berisha bëri ishte që mandatoi Luçiano Boçin dhe Oerd Bylykbashin për të shkuar në takimet e Kryesisë së Kuvendit, por një herë mjaftoi për të dy, e nuk shkuan më. Alibeaj nga ana tjetër këmbëngulte, por i mungonte një detaj paska thelbësor. Nuk kishte 20 firma për të propozuar një emër. Me bindjen që do bashkonte PD-në e ndarë në tre, ose dhe më shumë grupe, mbajti një mbledhje të grupit parlamentar. Madje dolën me 8 emra. Fillimisht u propozuan 10 emra, por pas disa diskutimeve u vendos lista me 8 emra duke u përjashtuar Jorida Tabakun dhe Lajla Përnaskën. Ata që mbetën ishin: Leonard Demi; Arben Çejku; Dritan Demiraj; Visar Zhiti; Rexhep Uka; Halim Kosova; Dashamir Shehu dhe Leka Zogu. Balla i gënjeu demokratët duke i lënë të kuptonin se nëse kandidati do u pëlqente dhe atyre, do jepnin firmën. Por një ditë u zgjua dhe njoftoi të kundërtën.
Mëngjesin e të premtes së 22 majit, grupi parlamentar socialist shpërndau një deklaratë të shkurtër ku kujtonte se, dakordësia mes palëve është që opozita të sjellë një emër në raundin e dytë dhe të tretë, i cili duhet të vijë me firma mbështetëse. Kjo do të thotë se të hënën në Parlament, deputetët duhet të votonin për një emër të ardhur me firmat e të paktën 20 deputetëve të opozitës. Por nga ana tjetër, demokratët reaguan përmes Oriola Pampurit, e cila publikoi edhe edhe njëherë pikën 4 të dokumentit të PD-së, sipas të cilës PS-ja ka rënë dakord. Alibeaj i mërzitur doli e tha se e dinte që socialistët do t’ja hidhnin, e kështu kaloi edhe ky debat. Mirëpo, përveçse me Berishën që u zgjodh po atë ditë kryetari i Partisë Demokratike, Alibeaj i hapi luftë vetes edhe me të tjerët. Salianji i kërkoi që të mos merrte me pjesë në proces, madje dhe nuk i kurseu akuzat, por nuk ndryshoi asgjë.
Shfaqja shkoi deri në fund. Raundet e dogjën njëri pas tjetrit, deri sot. Pikërisht kur Rama mund të bënte ç’të donte.
Dy ditë më parë, mblodhi grupin, nxorri emrin që donte dhe e kishte mirëmenduar. E iku! Tashmë s’ka nevojë as që të mundohet të përçajë opozitën. Ia dalin vetë!
Berisha lajmëroi se do të shkonte në Kuvend, e do të votonin kundër, ndërsa Alibeaj tha të kundërtën. Si “zogj” iu ndanë edhe Ervin Salianji, Grida Duma, Agron Gjekmarkaj dhe aleatët e tjerë, Fatmir Mediu, Vangjel Dule, Agron Duka dhe Dashamir Shehi; shkuan në sallë dolën e më pas dolën dhe bojkotuan. Në sallë qëndruan Mesila Doda, Shpëtim Idrizi, Nusret Avdullai, Monika Kryemadhi, Petrit Vasili dhe Erisa Xhixho. Njëri nga këta bashkoi votat me Ramën dhe votoi pro presidentit. Me rend numërimi ka shumë pak gjasa të jenë anëtarët e LSI-së, ndërsa gishti drejtohet nga aleatët e PDIU-së. Dikur aleat me Ramën, tani shkelin sërish syrin për t’i bërë qejfin kreut të qeverisë. Përveç kësaj, ka një krisje të madhe tjetër, që pritet të sjellë akoma më shumë trazira. Presidenti Meta! Ai mund të ketë pikë të dobët Sali Berishën, por ky i fundit jo dhe aq. Fillimisht i kërkoi ndihmë që të mos e dekretonte Bajram Begajn e Ramës si president kur të kthehej nga vizita zyrtare në Stamboll, por nuk ia priste mendja që Meta do e firmoste nga atje.
Ashpër, para mediave Berisha tha se po shkelej Kushtetuta dhe se kreu i shtetit nuk kishte fuqi për të vepruar jashtë vendit. Madje nuk e kurseu retorikën e fortë politike. Taulant Balla me një nënqeshje në fytyrë tha se Berisha po të donte mund ta dërgonte në Gjykatë Kushtetuese çështjen, duke ia lënë topin në derë kryedemokratit. Megjthatë Berisha la të kuptohet se nuk do ta bëjë një gjë të tillë.
Ka mënyrat e tij. Se si do ta mësojmë. Nga një muaj ece-jakje, ky ishte lajmi, se presidentin Rama e kishte zgjedhur prej kohësh. E dinte vetëm vetë ai, por kjo është kthyer në normë tashmë. Nëse një ditë do të dojë të bëhet mbret, qartësisht askush nuk ia ndalon dot.
Aleksander Vucic SERBI- Presidenti i Serbisë, Aleksandër Vuçiç ka uruar Presidentin e sapo zgjedhur të Shqipërisë, B...
Fabricio Bucci SHKODRA- Ambasadori i Italisë në Shqipëri Fabricio Bucci, ka folur me nota pozitivi sa i takon integrimit të Shqip&...
Alfred Moisiu, Bajram Begaj TIRANË- Nuk kanë kaluar shumë orë që nga momenti kur Bajram Begaj, u votua në parlament si presid...
Sali Berisha TIRANË- Mosha bën të vetën për Berishën. Sot kryetari i Partisë Demokratike, Sali Berisha nuk ësht&eum...
Bajram Begaj Ish-gjenerali Bajram Begaj u zgjodh president i Shqipërisë me 78 vota pro, 4 kundër dhe 1 abstenim. Begaj do të nisë...
Pamje nga seanca TIRANË- Fotot e mëposhtme janë nga seanca e sotme e Kuvendit. Deputetet u mblodhën sot për të votuar Preside...
Lindita Nikolla TIRANË- Ka qenë vetë kryeministri Edi Rama, i cili pak kohë më parë deklaroi shkurtimin e shpenzimeve pë...
Erion Veliaj TIRANË- Kryebashkiaku i Tiranës Erion Veliaj ka lënë një gafë ditën e sotme teksa ndodhej në inagurimi...
Seanca Plenare TIRANË- Edhe pse Enkelejd Alibeaj deklaroi se deputetët që e mbështesin atë do të bojkotojnë seancën...
Ilir Meta TIRANË- Më 20 korrik vetëm pak ditë para se t’i drejtohej Presidencës, këtu e pesë vjet me parë, Il...
