Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kritikave të Ramës iu përgjigj Oliver Varhelyi, Komisioneri i Bashkimit Evropian për Zgjerimin, i cili tha se vendet nuk mblidhen për martesa, por për pakte e marrëveshje. Ai tha se e mbështet çdo nismë që bën bashkë vendet e Ballkanit dhe që ndihmon në integrimin e vendeve të BE-së.
MAQEDONI E VERIUT- Kryeministri Edi Rama ka kritikuar sërish Bashkimin Evropian. Në fjalën e tij në Ohër të Maqedonisë së Veriut, Rama u ndal tek integrimi i vendeve në BE dhe tha se tashmë nuk e ndjen më kurajon që merrte më herët kur takohej me liderët evropianë. Kreu i qeverisë tha se ai ndjen keqardhje kur i sheh dhe se shumë herë i viziton me synimin që tu dërgojë kurajon që i mungon.
"Një gjë dua t’ju them, e kam thënë atje dhe dua t’jua them edhe ju. Dikur kur shkoja në Bruksel merrja kurajo nga ata, tani kur shkoj më duket sikur duhet tu jap unë kurajo atyre. Dikur më dukeshin në kulmin e formës, sot më vjen keq kur i shoh atje. Shkojmë dhe u japim pak energji sepse Ballkani nuk vdes, aq më pak ky i hapuri. Kam dhe një lajm për ju, Serbia nuk ikën në asnjë planet tjetër, Maqedonia jo e jo, as Bosnja, ne shqiptarët këtu jemi, Bashkimi Evropian me të parë e të bërë, BE na bjën ata, por E-në me evropianë, e kemi vetë,"- u shpreh Rama në nisje të fjalës së tij.
Sipas kryeministrit Rama, Ballkani i Hapur ka bërë të mundur që vendi ynë të vijojë të furnizohet me grurë pavarësisht luftës së nisur nga Rusia në Ukrainë. Ai tha se na pret një dimër me kriza për energjinë elektrike dhe se nuk bëhet fjalë vetëm për rritjen e çmimit, por për mungesa e për rrjedhojë, një aleancë mes vendeve të Ballkanit është totalisht e nevojshme.
"Kontratat e grurit kur nisi lufta në Ukrainë, mes importuesve të grurit në Shqipëri. Mos është pak gjë kjo, mos është diçka që s’duhet të ketë rëndësi? Ku do e gjenim me konflikte grurin? Qytetarëve do u mungonte buka. Vazhdojmë me energjinë, ne jemi shumë vulnerabël në krahasim me të tjerë, nap ret një dimër që problemi nuk do të jetë rritja e çmimit të energjisë elektrike. Nuk jemi ne nga ata vende që të kthejmë kurrizin për konfliktet e aty që duan të hapin tefterët, Ballkani i Hapur nuk është as i imi, as i Vuçiçit, as i Abazoviçit, por i qytetarëve shqiptarë, i fermerëve shqiptarë,"- tha ai.
Kreu i qeverisë foli sërish për një ‘martesë’ të mundshme me BE-në, duke e konsideruar këtë të fundit si nusen, ndërsa Ballkanin si burri që ka shumë probleme.
"2 fjalë për BE dhe dasmën e radhës, sa herë afrohet Këshilli Europian është si dasëm, ne nuk përgatitemi më, nëse ndodh do shkojmë me rrobat e rastit. Më keq akoma na ngelet dhëndri në derë, në këtë rast themi Ballkani i Hapur eshtë burrë, Europa e bashkuar është nusja, do ishte më mirë të ishim ne nusja. Ne e kemi të qartë rrugën tonë,"- shtoi më tej.
Madje referuar luftërave, Rama ironizoi me fjalët ‘jo po ke vrarë këtë e ke vrarë atë, there këtë e hodhe në erë atë’. Kryeministri Rama u ndal edhe tek zjarret duke thënë se këtë verë ka një plan dhe se njerëzit do të shohin se si shuhen në të vërtetë zjarret nga ajri. Në vendin tonë, flakët në ishullin e Sazanit i neutralizoi Greqia.
"Zjarret, kemi ndërtuar një mekanizëm sot për të ndihmuar njëri tjetrin, do i shikojmë. Me mjete nga ajri, më mirë të digjen pyjet se sa të na ndihmojë shjau, unë nuk i besoj këto,"- vijoi Rama.
Referuar marrëdhënies mes Kosovës e Serbisë, Rama tha se ka pasur luftëra edhe më të mëdha, si ajo e SHBA-ve e Japonisë, por që kanë përfunduar duke lidhur aleanca. Ai tha se e ardhmja është drejt dialogut.
"SHBA kanë hedhur dy bomba atomike në Japoni dhe një nga aleancat më të forta sot janë ata, pas dy bombave atomike. Nuk do të ishte sot nëse do të qëndronin me kurriz nga shtetet e bashkuara, duke u kërkuar të uleshin në gjunjë për bombat atomike, të gjitha kanë gjërat e tyre. Ku janë sot Franca dhe Gjermania? Izraeli dhe Emiratet e Bashkuara? Ku janë konfliktet pas gjithë atij gjaku që nuk krahasohet me atë që kemi parë. Janë bashkë, janë bashkë nga shtrëngimi i duarve,"- tha ai.
Kritikave të Ramës iu përgjigj Oliver Varhelyi, Komisioneri i Bashkimit Evropian për Zgjerimin, i cili tha se vendet nuk mblidhen për martesa, por për pakte e marrëveshje. Ai tha se e mbështet çdo nismë që bën bashkë vendet e Ballkanit dhe që ndihmon në integrimin e vendeve të BE-së.
"Ajo është mundësi me të cilën përballet rajoni dekada të tëra. Normalisht mund të jetë edhe mundësi për përshpejtimin e rrugës drejt BE dhe integrimin real të rajonit në BE. E them këtë sepse kur flasim për martesa apo simbole të tjera, më shumë flasim për procese, flasim për korniza negociouese, për non-paper e kështu me radhë. Të jem i sinqertë me ju, kjo nuk është interesante për njerëzit tanë sepse vlerësoj se pyetja e tyre kyce është kur do të jetojmë si në Evropë,"- tha Varhelyi.
Edhe kryeministri i Malit të Zi, Dritan Abazoviç është i mendimit se nuk duhen lëshuar kritika drejt BE-së, por që duhet përmirësuar politika e vendeve të Ballkanit. Ai tha se askush nuk dëshiron që të importojë probleme, por që duhet dialog e bashkëpunim për të punuar e për të ndërmarrë nisma. Abazoviç u bëri ftesë të gjithë liderëve të Ballkanit që tu bashkohen me qëllim integrimin në BE.
"Çdo nismë apo mekanizëm që na prin drejt një mbështetje do të ketë mbështetjen e Malit të Zi. E rëndësishme të kemi përparim. Politikat e mosrespektimit, të konflikteve të vazhdueshme, kjo na ka mbajtur këtu ku jemi tani, detyra jonë është që t’ju mbështesim. Brukseli, sado që ne u dërgojmë kritika, duhet të bëjmë edhe punë sepse askush nuk dëshiron të importojë probleme. Ne krijojmë kushte që të jemi sa më larg BE-së në momentin që bëhemi kritikë. Të shpresojmë që herën tjetër të jemi gjashtë, pavarësisht nga tema që ka. Jam i sigurtë që mesazhi drejt BE-së do të jetë shumë ndryshe dhe nga një arsye apo tjetër, duhet të ndryshojmë sjelljen tonë, mentalitetin tonë,"- u shoreh Abazoviç.
I dërguari special i Shteteve të Bashkuara të Amerikës për Ballkanin Perëndimor, Gabriel Escobar, deklaroi se SHBA mbështet nismën e Ballkanit të Hapur. I pranishëm përmes një video mesazhi në samitin e sotëm të 'Open Balkan', ai kërkoi që edhe shtetet e tjera të bëhet pjesë e kësaj nisme. Mirëpo, në fund të fjalimit të tij, Escobar parashtroi tre propozime të cilat sipas tij do të ndihmojnë në funksionimin e Ballkanit të Hapur.
"E përkrahim iniciativën Ballkanin Perëndimor, na jep shumë mundësi të mëdha. Ballkani Perëndimor ka potencial, do i ndihmojë Europës që të largohet nga gazi i Europës. SHBA e përkrahim Ballkanin e Hapur, dhe pse nëpërmjet biznesit të Ballkanit Perëndimor, tregjet më të mëdha janë ato europiane, duhet të punojmë për një integrim më të madh europian, BH është vetëm një, e afron regjionin, promovon paqe, besojmë se kjo nëse ka një sukses duhet të jetë e hapur për të gjithë. Duhet të përfshijë të gjitha 6 shtetet. Dua të jap dhe propozime, shpresoj se do të jetë më e qartë se si duhet të funksionojë. E para, ka shumë mundësi për integrime, ju jap kurajë liderëve si të bashkëpunojmë me iniciativa të tjera. Me këtë ju do të kuptoni që nuk do të dublifikohen punët por do ketë punë më të mira. E 2, duhet te keni një plan për zhvillim institucional. Duhet të krijohen kushtet për investitorët. Duhet ndihmë për investitorët. Ne i përkrahim liderët e kësaj iniciative dhe të kenë më shumë interes për të bashkëpunuar. E treta, ju mbështes që kjo iniciative të jetë ekonomike. Nuk është një projekt politike, me rëndësi është që të mbetet një projekt ekonomik,”- tha Escobar.
Presidenti i Serbisë Aleksandër Vuçiç u shpreh se Open Balkan është i pandalshëm. Ai tha takimi i radhës do të mbahet në Beograd në fund të verës, e se uron që pjesëmarrëse të jetë edhe Kosova, por që nuk detyron dot askënd që të marrë pjesë.
"Vendet e rajonit janë të mirëseardhur e nëse duan të marrin pjesë dhe përfaqësuesit e Bosnje Hercegovinës dhe Prishtinës, Malit të Zi e me radhë, janë të mirëpritur. Kërkoj falje që u zgjata, por nuk përmbahem dot. Shumë faleminderit për praninë tuaj, nuk detyrojmë dot askënd që të na bashkohet. I gëzohem takimit me ju, shpresoj që bashkë të bëhemi edhe në herë të tjera,"- tha Vuçiç.
Kreu i Këshillit të Ministrave të Bosnjë Hercegovinës Zoran Tegeltija, tha se edhe vendi që përfaqëson do t’i bashkohet Open Balkan. Ndërsa, Kryeministri i Maqedonisë së Veriut, Dimitar Kovaçevski tregoi se cilat do të jenë marrëveshjet që do të firmosen mes vendeve. Kjo është hera e parë që në një takim të Open Balkan marrin pjesë Bosnje Hercegovia e Mali i Zi, pavarësisht se zyrtarisht nuk janë bërë pjesë e nismës. Sot është dita e dytë e samitit të nismës Ballkani i Hapur që po zhvillohet në Ohër në Maqedoninë e Veriut. Kosova ka refuzuar për të disatën here të marrë pjesë.
Ceremonia e nënshkrimit të marrëveshjeve:
▪ Marrëveshja për bashkëpunim në Ballkanin Perëndimor në fushën e njohjes reciproke të diplomave dhe notave shkencore të lëshuara në institucionet e arsimit të lartë dhe të tjera institucionet e autorizuara
▪ Memorandum mirëkuptimi për bashkëpunim në fushën e turizmit në Ballkani Perëndimor
▪ Memorandum mirëkuptimi për bashkëpunimin kulturor në Ballkanin Perëndimor
▪ Memorandum mirëkuptimi për bashkëpunimin e administratave tatimore në Ballkanin Perëndimor
AXHENDA:
10.00 – Hapja e samitit “Open Balkan” (Vendi: salla Biljana, hotel Metropol)
10.45 – Seanca e parë plenare: Turizmi (Vendi: Salla Biljana)
11.15 – Seancë koordinuese e liderëve me komunitetin ndërkombëtar.
12.15 – Seanca e dytë plenare: Kultura (Vendi: Salla Biljana)
12.30 – Mundësi për takime bilaterale të liderëve
13.30 – Ceremonia e nënshkrimit të marrëveshjeve
13.35 – Konferencë për shtyp e tre liderëve
14.45 – Vizitë në manastirin e Shën Naumit
15.05 – Eksplorim i burimeve të liqenit të Ohrit me varkë
15.35 – Dhënia e çmimit të lidershipit rajonal për nismën e Ballkanit të Hapur për Kryeministrin
Kovaçevski, Presidentin Vuçiç, Kryeministrin Rama dhe ish-Kryeministrin Zaev nga Kryetari i Dhomës Ekonomike të Maqedonisë së Veriut, z.Branko Azeski, në 100 vjetorin e dhomës së tyre
18.15 – Kthimi për Tiranë
"Open Balkan" është nisma për bashkëpunimin rajonal mes Serbisë, Shqipërisë dhe Maqedonisë së Veriut, e cila lindi më tetor të vitit 2019. Fillimisht e pagëzuar si “Mini Schengen”, nisma ka si qëllim lëvizjen e lirë të kapitalit, mallrave, shërbimeve dhe njerëzve midis tri vendeve. Por që prej korrikut të këtij vitit, në Forumin për Bashkëpunim Ekonomik Rajonal në Shkup, nisma ka marrë emrin e ri, “Ballkani i Hapur”. Deri më tani duket se Mali i Zi do të jetë dhe vendi i radhës që pritet t’i bashkohet nismës, pasi sinjalet e para janë dhënë si nga kryeministri shqiptar, Dritan Abazoviç. Nga Prishtina, kryeministri Albin Kurti pretendon se bashkëpunimi në rajon është detyrë e Procesit të Berlinit dhe se vendet nuk duhet që të diskutojnë pa pasur praninë e përfaqësive nga Bashkimi Europian.
Laura K. Cooper Gjatë një interviste me shërbimin maqedonas të Zërit të Amerikës, Zv.Ndihmës Sekretarja amerikane ...
Klevis Balliu TIRANË- Ish-deputeti i Partisë Demokratike, Klevis Balliu ka bërë jnë denoncim lidhr me kopshtin zooligjik në T...
Taulant Balla dhe Monika Kryemadhi TIRANË- Sot, Jubileu i Platintë i madhërisë së saj Mbretëreshës së Britanisë...
Foto ilustruese TIRANË- Sot, Jubileu i Platintë i madhërisë së saj Mbretëreshës së Britanisë së Madhe Eli...
Niko Peleshi TIRANË- Ministri Niko Peleshi foli për zjarrin në ishullin e Sazanit. E pyetur nga gazetarja Klodiana Lala se sa helikopter&eum...
OHËR- Kryeministri i Maqedonisë së Veriut, Dimitar Kovaçevski ka shtruar një darkë në Ohër me liderët e vendeve...
Fotoja e Ramës MAQEDONI E VERIUT- Kryeministri Edi Rama ka ndarë pamjet nga takimi me liderët e tjerë të rajonit të Ballkanit...
Luljeta Bozo TIRANË- Deputetja e Partisë Socialiste, Luljeta Bozo prej një viti është pjesë e Kuvendit të Shqip&eu...
Foto ilustruese Në konferencë pritet të marrë pjesë edhe Komisionari evropian për Zgjerimin, Oliver Varhelyi, ndërsa i d...
TKOB TIRANË- Emrat e kandidatëve për drejtues të Teatrit Kombëtar të Operas dhe Baletit janë bërë publik&...
