"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Deputeti i PD komentoi edhe protestën e 7 korrikut, për të cilën tha se do të bashkohet në aksionin opozitar edhe në shtator.
TIRANË- Deputeti i Partisë Demokratike, Dashnor Sula shprehet se është i gatshëm të dalë në protesta edhe nëse ato thirren nga vetë socialisti Erion Braçe. I ftuar në "Opinion", në News24, Sula tha se korrupsioni me importin e naftës ka kapur majat teksa në 10 vite është dyfishuar numri i makinave të përdorura, ndërkohë që importi i naftës është ulur. Deputeti i PD komentoi edhe protestën e 7 korrikut, për të cilën tha se do të bashkohet në aksionin opozitar edhe në shtator.
"Gjatë këtyre muajve duke pasur parasysh rritjen e çmimit të naftës, një shurdhëri nga ana e qeverisë dhe argumente të pabaza nga ministria e Financave, rezultoi se shteti pasurohet përditë, ndërkohë që qytetarët varfërohen. Nga viti 2011 deri në 2021 pra në 10 vite kemi gati 2 fishim të numrit të makinave, ndërkohë që importi i karburantit rezulton të jetë në sasi më të vogël se përpara 10 vitesh. Nuk ka logjikë ekonomike të ndodhë kjo. Kjo tregon që ka dy rrugë: ose bëhet kontrabandë e drejtëpërdrejtë, ose këtu përdoret nafta e prodhuar nga Albpetrol. Për këtë i kam kërkuar informacion edhe AKBN-së. Nga 2011 e në vijim e ka prodhimin mbi 1 milionë, ndërkohë që në 2021 zbret në 700 mijë tonë. Nuk e them vetëm unë, këtu e thonë të gjithë që cilësia e naftës lë për të dëshiruar. Këtë e dimë që nga koha e PD-së. Jam i bindur po ti shohësh të gjitha kompanitë nuk tregtojnë naftë të standarteve europiane,"- tha Sula.
Pjesë nga intervista:
Keni pasur reagime nga institucionet?
Jo nuk ka pasur. Nuk mund të dalin institucionet dhe të thonë u bë kontrabandë. Por nuk ka dalë asnjë njeri as ta përgënjeshtrojë. Unë jam i bindur se këtu ka diçka që nuk shkon. Kjo është detyrë e Doganave, Tatimeve që ta ndalojnë. Nëse do kemi kontroll rigoroz ndaj kompanive që bëjnë importin, del se çfarë ka ndodhur. Imagjinoni se sa humbet shteti në këtë rast. Kush e pëson më pas? E pësojnë qytetarët.
Po përsa i përket rritjes së çmimeve, keni investiguar?
Unë krahasimet i bëj me vendet e rajonit. Kërkuam në tetor 2021 të ulet tvsh e shportës nga 20% në 6%. Qeveria nuk e vuri ujin në zjarr të mbrojë shtresat në nevojë. Paketa e rezistencës iu dha pensionistëve me 150 mijë lekë e më pak, ata që merrnin 151 mijë lekë nuk përfitonin. Produktet bazë me një shportë kushtojnë 30 mijë lekë dhe nuk shkojnë më shumë se 3 ditë. Qeveria ka ndarë vetëm 0.3% të PBB, ndërkohë që Maqedonia ka ndarë 3.6% si paketë rezistence. Qeveria ka përfituar 342 milionë euro. Kështu siç po vazhdon të bjerë konsumi.
Besoni se Shqipëria është në rrezik?
Njerëzit u ngritën me sloganin e Berishës në 7 korrik. Çfarë mendimi keni për këtë protestë?
Qytetarëve u ka vajtur laku në fyt. Më vjen mirë që edhe Berisha nuk e kapitalizuar këtë protestë. Kam takuar njerëz që i njoh dhe nuk janë votues të djathtë dhe ishin në protestë. Kam parë gra shtatëzëna, kam parë invalidë me karrocë.
Ishte protestë ekonomike, apo politike?
Është më shumë ekonomike. Ishte një çast kulminant sepse të gjithë jemi familjarë dhe shohim se sa blejmë në market.
Vendi ka nevojë për të tilla protesta? Berisha ka paralajmëruar protesta masive në vjeshtë. Jeni dakord me këtë aksion?
Pa diskutim. Kolegëve të PD që më thonë “I je bashkuar Berishës” i kam thënë “edhe Braçe ta thërrasë protestën”, do jem aty. Si mund të dalë ministrja e Financave që thotë janë 500 kompani që bëjnë evazion, por nuk i bllokojmë dot. Këta nuk të lënë të bësh biznes po nuk pagove një taksë bashkie. Nuk e di si mund ta thonë këtë.
Ka filluar të goditet korrupsioni me aferën e inceneratorëve?
Kam besim. Nuk është meritë e kësaj maxhorance. Për fat të mirë pas 2015 këtë vend e ka marrë në dorë SHBA. Unë nuk besoj se këtë vend do ta shpëtojë politika.
Berisha tha se ka një betejë për jetë a vdekje për votën e lirë. E besoni?
Unë nuk ndaj të njëjtën qasje për funksionimin e PD-së me Berishën. Vazhdoj ti mbetem këtij mendimi. Sa të jem në politikë, unë do jem në krah të demokratëve dhe të qytetarëve shqiptarë. Unë nuk kam kundërshtar Berishën, por sjam dakord me mënyrën se si u bë organizimi i PD-së nga degët deri lart.
Erion Veliaj TIRANË- Kryetari i Bashkisë së Tiranë Erion Veliaj ka miratuar zgjatimin e lumit Lana që nis nga pjesa e zonës ...
Yuri Kim TIRANË- Ambasadorja e Shteteve të Bashkuara të Amerikës Yuri Kim ka zhvilluar një takim me ambasadorin e ...
Dhurata Çupi TIRANË- Pronat e Ushtrisë nuk do të mbrohen më nga Policia Ushtarake, por vetëm nga strukturat që e ...
Butrinti TIRANË- Dekreti i presidentit për kthimin e ligjit nr. 50/2022 “Për miratimin e marrëveshjes për administrimin e n&...
Sali Berisha TIRANË- Kryetari i Partisë Demokratike, Sali Berisha mësohet se do të mbledhë sot krerët e degëve të ...
Fatmir Xhafaj TIRANË- Miratimi i rezolutës për Këshillin e Lartë Gjyqësor nxori në pah edhe rrymat e kundërta brend...
Monika Kryemadhi TIRANË- Kryetarja e Lëvizjes Socialiste për Integrim, Monika Kryemadhi, reagon pas vendimit të SPAK për të ...
Ilir Meta TIRANË- Presidenti Ilir Meta i bën thirrje Kuvendit që të reagojë dhe të ketë një qëndrim në li...
Merita Hajdari TIRANË- Ditën e sotme ka shkuar me këmbët e veta në dyert e SPAK-ut, Merita Hajdari, pasi rezulton se asaj i kan&eu...
TIRANË- Gjatë mbledhjes së Komisionit të Ekonomisë, Kuvendi rrëzoi dekretin e tij për kthimin për rishqyrtim t&eu...
