Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Sot u miratua në parim me votat e mazhorancës projektligji për legalizimin e kanabisit mjekësor, ndërsa opozita doli kundër, ku kërkuan informacion më të detajuar. •Opozita kërkoi që projektligji të mos votohej, pasi pretendojnë se nuk kanë informacionin e duhur. •Deputetja e PD-së Jorida Tabaku, iu drejtua relatorit të komisionit, Eduart Shalsit, që të mos votohej sot projektligji për kanabisin, pasi kërkojnë më shumë informacion nga qeveria për zhvillimin ekonomik që do ketë sektori në të ardhmen. •Edhe deputeti Edmond Spaho tha se nuk e kupton përse mazhoranca po nxiton ta kalojë me shpejtësi projektligjin për kanabisin. •Deputeti i Partisë Demokratike, Saimir Korreshi, ka ironizuar projektligjin për legalizimin e kanabisit mjekësor që u prezantua sot nga Ministrja e Shëndetësisë, Ogerta Manastirliu në Komisionin e Ligjeve. • Ai tha me tone ironike se nuk duhej të ishte hartuar pa marrë mendimin e çunave të Londrës, të cilët duhet që të jepnin eksperiencën e tyre për kultivimin e kanabisit. •Ministrja Ogerta Manastriliu deklaroi se është një kuadër ligjor, që ka të bëjë me kultivimin e kontrolluar të kanabisit nga shteti, për qëllime industriale edhe mjekësore. •Ndër të tjera shtoi se çfarë është në shkelje të këtij kuadri ligjor, mbetet e paligjshme.
3 artikuj për këtë temë.
TIRANË- Deputeti i Partisë Demokratike, Saimir Korreshi, ka ironizuar projektligjin për legalizimin e kanabisit mjekësor që u prezantua sot nga Ministrja e Shëndetësisë, Ogerta Manastirliu në Komisionin e Ligjeve. Ai tha me tone ironike se nuk duhej të ishte hartuar pa marrë mendimin e çunave të Londrës, të cilët duhet që të jepnin eksperiencën e tyre për kultivimin e kanabisit.
“E mira është ti marrim se bëjnë rolin e agronomit, pse i lëmë në emigrim, vijnë këtu. Lazarati është një shkallë më lartë, ka nis tek ABZHR tani. Grupet e interesit, çunat që rrinë në Londër që punojnë shpi bari, gjynah të vijnë me eksperiencë, farën e kanë, të zgjedhin llojin e farës, të japin mendim për mënyrën si jepet rendimenti.
A po flasim për hashashin tani. E dyta, Shqipëria nuk ka ndonjë eksperiencë të madhe në fushën ligjore, ne kemi mbush gjithë Europën. A do marrë pjesë në panaire, sa lekë do harxhojë qeveria? A do përfshihet në skemat e AZHBR, këto që kanë përfituar nga skemat e ASHBR, këta që do kultivojnë hashashin, nga skemat e marrjes së naftës, të marrin pak naftë.
Ne i kemi fut në burg për 1 gramë, po këta që mund të bëjnë nga një kile më tepër. Ai që kapet me 3 gramë do iki në kokërr të burgut 3.4 vite, ai që do bëjë një kuintal tepër do ketë një gjobë administrative. Ato faret që kapen në Dukagjin e me radhë. Shteti ti fusë në përdorim, të këtë një projektligj që të gjithë ç’a kapet se del në kosto më e lirë, mënyra e transportit si do bëhet. Do i lëmë gomonet. Ky projektligji s’duhet të kishte ardhur pa u konsultuar me çunat e Londrës, s’mund të vëmë hashash koti duhet të vëmë hashash kualitativ”, tha ai.
Në kundërpërgjigje, ministrja Ogerta Manastriliu tha se çdo gjë tjetër që thuhet për të konfuzionuar publikun, është e pavërtetë. Ajo deklaroi se është një kuadër ligjor që ka të bëjë me kultivimin e kontrolluar të kanabisit nga shteti, për qëllime industriale edhe mjekësore. Ndër të tjera shtoi se çfarë është në shkelje të këtij kuadri ligjor, mbetet e paligjshme.
“Po flasim për krijimin e një kuadri ligjor që ka të bëjë me kultivimin e kontrolluar nga shteti, për qëllime industriale edhe mjekësore. Çfarë është në shkelje të këtij kuadri ligjor, mbetet e paligjshme dhe nuk po legalizohet paligjshmëria, por ngrihet një kuadër i ri ligjor për hapjen e një sektori në ekonomi, që i përket kontrollit të kultivimit të kanabisit për qëllime mjekësore dhe industriale. I ka të përcaktuara të gjitha dispozita. Çdo gjë tjetër që thuhet për të konfuzionuar publikun është e pavërtetë”, tha Manastriliu.
Vetë deputeti, teksa ka publikuar një foto nga Komisioni i Ligjeve shkruan: "Drejperdrejt nga Komisioni i Ligjeve, ku po diskutohet projektligji per Kanabisin. Qivirria nuk harroj te sillte edhe nga nje teke per prove ne menyre qe kur te votohet komisioni ti kete trute dhalle po nga ajo e thartuara".
TIRANË- Projektligji për kanabisin mjekësor ka krijuar debate gjatë Komisionit të Shëndetësisë mes anëtarëve të pranishëm. Deputetja e Partisë Demokratike, Albana Vokshi u shpreh kundër këtij projektligji, ndërsa theksoi se sot droga shitet shumë lehtë nëpër ambientet e shkollës. Ajo pyeti grupet e interesit se si do të kontrollohet kjo veprimtari.
DEBATI:
Vokshi: Besoj se të gjithë që jetojmë në Shqipëri situatën e rendit, mundësitë e kontrollit nga ana e lizgjzbatuesve, apo dhe kanabizimin e territorit të vendit. Çdo biznesmen kërkon që të fitojë se ndaj i ka hyrë biznesit, mund të ndodhë që të jemi si në rastin e Maqedonisë së Veriut. Të dalin përtej politikës, por më shumë si nënë, mendoj se tani nuk është momenti për këtë nismë. Mendoj se më vonë duhet të shihet kjo gjë. Si prind, si qytetar i këtij vendi jeni dakord që të aplikohet kjo nismë? Si do të kontrollohet kjo nismë?
Grupi i interesit: Jam prind i dy djemve, dhe përpara biznesit kam jetën e tyre. Nuk më intereson fare gjë tjetër. Akoma nuk po dimë të bëjmë dallimin përmes kanabisit industrial dhe atij mjekësor.
Vokshi: Si do të bëhet ky kontroll? Se mund të futen në mes grupet kriminale në këtë çështje. A mund të flas unë? Të bëj një pyetje? Shitet droga hapur në mes të ditës nëpër shkolla dhe ju thoni që hajde ta aplikojmë. Kujdes kur flet me mua kështu! Kur flas unë më dëgjo. Më etikë!/Dosja.a
TIRANË- Komisioni për Ekonominë dhe Financat është zhvilluar me debate të forta, ku dhe ka patur përplasje mes deputetes demokrate Jorida Tabaku dhe relatorit të komisionit, Eduart Shalsi. Vetëm me votat e mazhorancës u miratua në parim projektligji për legalizimin e kanabisit mjekësor, por nga ana tjetër opozita doli kundër, ku kërkuan informacion më të detajuar.
Opozita kërkoi që projektligji të mos votohet, pasi ata pretendojnë se nuk kanë informacionin e duhur mbi këtë projektligj. Deputetja e PD-së Jorida Tabaku, iu drejtua relatorit të komisionit, Eduart Shalsit, që të mos votohej sot projektligji për kanabisin, pasi kërkojnë më shumë informacion nga qeveria për zhvillimin ekonomik që do ketë sektori në të ardhmen. Po kështu, edhe deputeti Edmond Spaho tha se nuk e kupton përse mazhoranca po nxiton ta kalojë me shpejtësi projektligjin për kanabisin.
"Një mazhorancë që merr një veprim të tillë të mos ketë numra për ta mbështetur, por të mbështet në lojëra si këto që bëni ju e hidhni në votim me shpejtësi për të përfituar nga prezenca jonë. Asgjë nuk do të prishte të duroje deri të hënën në mëngjes, meqë kemi diskutimin nen për nën, por së paku duke treguar që mazhoranca i ka numrat", tha Spaho.
Nga ana tjetër, Tabaku kërkoi fjalën për procedurë, ndërsa vuri në dukje se informacioni që kanë është i mangët. Në kundërpërgjigje Shalsi ia ktheu se kjo nuk është hera e parë që marrin përsipër të votojmë një ligj në parim, pa pasur informacion.
Pjesë nga debati
Tabaku: Se hedh për votim nëse s’kemi marrë informacione.
Shalsi: Kush është dakord për ligjin në parim
Tabaku: Mos na detyro të ngrihemi se ngelesh pa kuorum
Shalsi: Mos i bëj kështu
Tabaku: E di ç’a roli ka opozita, do flasim
Shalsi: Kërcënime të tipit që po u lëmë pa kuorum, po u them që po e votojmë ligjin në parim dhe në tërësi. Po miratohet
Tabaku: Shalsi me jep fjalën për procedurë. Ke ardhur i freskët nga konkursi i shahut. Shalsi më duket e papranueshme që të thuash jeni kundër dhe s’kemi për të folur fare. Me konstruktivitetin maksimal duke licencuar të gjitha, i kemi bërë pyetjet dhe kemi kërkuar informacion. Nuk më duket normale kjo mënyrë e drejtimit të komisionit. Nuk e hedh dot ligjin për ndryshim pa u sqaruar ne akoma. Kjo është hera e parë që ky komision diskuton ekonomi të re dhe informacioni që ne kemi është i mangët. Nuk ka asnjë informacion për zhvillimin ekonomik që do ketë sektori në të ardhmen. Qeveria shqiptare për herë të parë ka sjell një ligj që thotë do hapim një sektor dhe s’kemi informacion.
Shalsi: Nuk është hera e parë që marrim përsipër të votojmë një ligj në parim pa pasur informacion. Ju deklaroni që do jeni kundër, pra çfarë do që t’iu thuhet, do jeni kundër.
