Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kryetari i Partisë Demokratike, Sali Berisha ka zhvilluar një takim me demokratët e Gramshit ku ka dëgjuar dhe mendimet e tyre në lidhje me aksionin opozitar. • Gjatë fjalës së tij kreu i selisë Blu hodhi akuza të forta ndaj kryetarit të Grupit Parlamentar të Partisë Socialiste, Taulant Balla të cilin e akuzoi për lidhje me trafikantët. • Berisha tha se Balla ka të paktën 27 udhëtime me Gentian Sharrën. • Kreu i selisë Blu u ndal dhe tek ligji i Lustracionit për të cilin tha se PD do e depozitojë nesër në Kuvend. • Sa i përket ekonomisë kryedemokrati akuzoi kryeministrin se i ka dhënë "oligarkut" Salillari 8 milion euro tendera pa garë pasi i shembi pallatin 10-katësh. • Dhe qytetarët folën në këtë takim ku nuk munguan as batutat. • Një fermer nga Gramshi e uroi Berishës për martesën e djalit duke i uruar jetë të lumtur. • Një tjetër qytetar, Gëzim Xhebexhiu i tha dhe disa të vërteta të "hidhura" liderit të demokratëve në lidhje me gabimet e së shkuarës ku nuk munguan as ironitë për ish-kryetarin, Lulzim Basha të cilin e etiketoi si "lulevyshkur". • Sa i përket debateve në Kuvend Xhebexhiu "thumboi" ministren e Shtetit për Marrëdhëniet me Parlamentin, ai tha se sa herë e dëgjon duke sharë doktorin thotë o dhe hapu.
5 artikuj për këtë temë.
GRAMSH- Kryetari i Partisë Demokratike, Sali Berisha pohoi se nesër do të depozitojnë në Kuvend ligjin për Lustracionin dhe Dekomunistizimin.
Berisha tha se ky ligj u miratua dhe në 2005, por u rrëzua nga Gjykata Kushtetuese.
Sali Berisha: Ne vendosëm ligjin. Jemi të parët në Europë që votuam ligjin kundër gjenocidit të regjimit komunist. Alternanca e pushtetit e bllokoi veprimin e tij. Nesër ne dorëzojmë ligjin në Kuvend për Lustacionin dhe Dekomunistizimit përsëri. E miratuam në 2005 ligjin e Lustracionit, e rrëzoi gjykata Kushtetuese në mënyrë të padrejtës. Qëndrojmë në vendimin tonë dhe do e dorëzojmë në Kuvend.
GRAMSH- Kryetari i Partisë Demokratike, Sali Berisha akuzoi kryeministrin Edi Rama se ndjek dy standarde, duke dënuar padrejtësisht qytetarët dhe favorizuar oligarkët.
Në një takim me banorë të Gramshit, Berisha tha se kompania Salillari ka ndërtuar një pallat 10 katësh pa leje, por është shpërblyer me një tender me vlerë 8 mln euro.
Sali Berisha: Qytetarët janë arrestuar për kate, për gardhe, kotece, 3400 qytetarë. Po oligarku Salillari çfarë pësoi për pallatin? Mori dje 8 mln euro të tjera tender nga Rama si shpërblim për pallatin pa leje që ndërtoi. Pra,. jo dy standarde, po ky është një diskriminim jashtë çdo standardi qytetar. Njërin e fut në burg për një kotec, tjetri ndërton pallat 10 katësh pa leje dhe të nesërmen shpërbehet. Po pse? Se ai i çon baulet me euro atje, fitimet e pallatet me të. Iu kërkon fëmijëve që të japin lekë që të mbledhin një fond për transportin. Ndërkohë që vetë për oborrin e brendshëm të Kryeministrisë blen 4 mln instilacion arka druri dhe vazo, për të kënaqur xhepat dhe sytë e tij se zotëria po lodhet shumë, po lodhet duke vjedhur nga mëngjesi deri në darkë.
GRAMSH- Kryetari i Partisë Demokratike, Sali Berisha po zhvillon një takim demokratë të Gramshit.
Gjatë fjalës së tij një qytetar shkaktoi të qeshura të shumta por dhe tha disa të vërteta të "hidhura" për demokratët. Gëzim Xhebexhiu u shpreh se është arrestuar pasi kishte ndërtuar në shtëpinë e tij në fshat si dhe i kujtoi kreut të selisë blu "gabimet e së shkuarës".
Ai nuk kurseu as ironitë për kreun e qeverisë të cilin e etiketoi se matrapik pasi sipas tij ai di vetëm të shembë. Ndërkohë për ish-kryedemokratin, Lulzim Basha u shpreh se ai ka shitur kauzat e opozitës teksa e etiketoi se "lulevyshkur" duke i kujtuar Berishës që duhet ta kishte ujitur me ujë bjeshke dhe jo Lane.
Sa i përket debateve në Kuvend Xhebexhiu nuk la pa thumbuar as ministren e Shtetit për Marrëdhëniet me Parlamentin, Elisa Spiropali. Me ironi ai tha se kur ajo shan doktorin unë them o dhe hapu.
Gëzim Xhebexhiu: Unë nuk kam nevojë të prezantohem me ju doktor se jemi takuar kushedi sa herë, Gëzim Xhebexhiu nga një fshat i Sotirës. Ti përmende se janë arrestuar fshatarët, unë jam një nga ata që kam bërë një vit burg pasi ndërtova në fshat. Jam helmuar me ty bashkë me të gjithë demostrratat që ke bërë ti me lulen e vyshkyr. Unë jam themelues i PD-së në Gramsh dhe kam qenë komisioner kur ti je zgjedhur kryetar Partie. Unë ju kam thënë këtyre votoni matrapikun, se unë matrapik i them atij se ai di vetëm të prishë. Bëra dhe një vit burg kur ndërtova. Tha vetë hajde investoni, unë erdha investova dhe më futen në burg se ke shkruar dhe ti në rrjetet sociale nxirreni atë çunin nga burgu se po i vdes babai. Unë kam shumë kritika për ju, se këtë të gjatin e kemi peshqesh nga ty, nga ndryshimet kushtetuese të vitit 2008 që i dhe fuqi të plotë dhe e bërë sekretar të parë që të vendosë ai kë ministër e kë deputet do, edhe nga ai Ilir Meta, dhe nga ai, se e kam nip unë atë që iku nga ty dhe bëri atë kryeministër, e shpërbleu ai se e bëri kryetar kuvendi, se nuk ishte mirë me ty ai, të ishte zëvendës i Këshillit të Ministrave. Ai tha s'keni parë gjë akoma, unë thashë se ju tha juve por na paska thënë neve, na rrahu, na çoi në burg. Doktor unë jam me ju por dhe kritik, ti në 96-ten e more pushtetin me 96 deputetë, partinë e punë sta kishe hequr me ligj. Më erdhi mirë kur the në parlament se çfarë ju kam bërë baballarëve do jua bëj dhe çunave por sot ata i ke ministra. Ju kam ndjekur në çdo foltore, sot ka vetëm punë, na thuaj datën se kur do të vijmë, jo si lulja e vyshkur. Se na e solle të bukur, e kishe të bukur lulen po nuk e vadite me ujë bvjeshke por me ujë Lane. Na çuat para parlamentit, na rrahën, pse dolët mnga parlamneti, në zgjedhjet bashkiake unë nuk votova, më futen në burg se dolëm jashtë frontit. Doktor na ke bërë, kur dëgjoj se kur të shan ty Spiropali unë them o dhe hapu, ku është, të shahet doktori nga Spiropali është të hapësh varrin. Mos hajde më në fshatra dhe qytete, cakto ditën dhe ka ardhur koha për veprim. Nuk dua të them kush është matrapiku e kush lulevyshkuara, se i njohëm ata por të njohim dhe ty. E djathta Gramshi se ka votuiar asnjëherë, ne jemi demokratë, mos na merrni në qafë. Unë nuk dopja të prezantohesha ty se t'i më njeh. Me doktorin doja të takohesha dhe përballë, në një kafe. Doktor mos na thirr kot në Tiranë, atë ditë që do na thërrasësh në Tiranë ne do të marrim pushtetin.
GRAMSH- Kryedemokrati Sali Berisha ka marrë një urim të sinqertë nga demokratët. Gjatë një takimi në Gramsh, njëri prej të pranishmëve, fermeri Ramadan Bici, e ka uruar për martesën e djalit të tij, ndërsa numri një i PD e ka kaluar me të qeshur.
PJESË NGA BISEDA NË GRAMSH:
Fermeri Ramadan Bici: I uroj doktor Berishës të të trashëgohet djali. Me jetë të lumtur.
Floriana Garo: Ky komenti i dasmës ishte shumë interesant.
*Berisha qesh
Djali i Berishës, Shkëlzeni lidhi kurorë të dielën me blogeren Armina Mevlani, një ceremoni me gati 300 të pranishëm që festuan për çiftin. Mes tyre, sigurisht që nuk mund të mungonte as Sali Berisha.
GRAMSH- Kryetari i Partisë Demokratike, Sali Berisha po zhvillon një takim me demokratët dhe mbështetësist e Partisë Demokratike në Gramsh.
Ajo që tërhoqi vëmendjen në këtë takim ishte makina që shoqëronte Berishën sot. Bëhet fjalë për një makinë lukzoze tip "G Class", e cila ishte pjesë e eskortes shoqëruese të kreut të PD. Në të ndodheshin dy trupërojat e tij.
Demokratët e Gramshit jo vetëm që e priten në rrugë kreun e selisë Blu por shumë prej tyre kishin dalë dhe në ballkone për ta përshëndetur para se të niste takimi.
Kryedemoikrati e ka shtuar sigurinë e tij kohët e fundit. Kujtojmë që pas nisjes së "Foltoreve" Berisha është parë me masa të shumta sigurie dhe jo vetëm më një trupërojë me të cilin jemi mësuar ta shohim zakonisht.
