Berisha: Dvorani e ka vendin në burg! Mos e votoni në Kuvend, shkresë SHBA-ve për çmimim që mori për luftën ndaj korrupsionit

Sali Berisha

TIRANË- Kryedemokrati Sali Berisha u ka bërë thirrje deputetëve që të mos e votojnë Aridan Dvoranin si gjyqtar për në Kushtetuese në seancën plenare që pritet të nisë në orën 15:00. I pranishëm në mbledhjen e grupit parlamentar, Berisha tha se ai e ka vendin në urg, pasi është njeriu që shkel çdo ligj. Berisha tha se ka dëgjuar se ka një marrëveshje mes deputetëve për ta kaluar Dvoranin dhe shtoi se asnjë deputet nuk duhet të 'lajthisë' që ta bëjë një gjë të tillë. 

Pjesë nga fjala e Berishës: 

Tani na vjen ky, ky që nejt 16 vite, apo 15 anëtar gjykate, asnjë votë nuk mund të marrë. Ftoj çdo deputet, të mos bëjë gabimin e tmerrshëm të votojë këtë person, thuhet se ka një marrëveshje, por ky person e ka vendin në burg dhe askund tjetër për fshehjen e pasurisë, për gjykimin në konflikt interesi. Të gjitha të faktuara nga Komisioni i Venecias. Ky sillet sot për ta votuar për anëtar të gjykatës kushtetuese. Pas tij është edhe ajo tjetra Semini. Këta e kanë bërë seksion partie drejtësinë,. Në front për të poshtëruar parlamentin shqiptar kanë nxjerrë Dvoranin. Duhet të qëndrojmë me të gjithë mundësitë tona dhe të qartësojmë shqiptarët se çfarë po ndodh me ne. Si hije e zezë do ta ndjekë ai ligj, i heqjes së parashkrimit për kryeministrit dhe ministrat sepse në mënyrë absolute do të lobohet në të gjithë botën dhe do të detyrojë hajdutët t’i thërrasin mendjes sepse nesër sapo të largohen nga detyra e kanë vendin para drejtësisë

Sali Berisha

TIRANË- Kreu i Partisë Demokratike Sali Berisha është shprehur se do tu dërgojë letër të gjitha insittucioneve amerikane për vendimin e marrë për t'i dhënë çmim si simbol të luftës kundër korrupsionit. Në mbledhjen e grupit të PD-së, Berisha ngriti pikëpyetje për qëndrimin e ambasadës amerikane të përfaqësuar nga Yuri Kim në Tiranë, teksa shtoi se ajo ka një patologji me xhelatët e diktaturës. Berisha tha më tej se Dvorani ka fshehur 80 mijë euro dhe se është njeriu që ka dënuar djemtë e gratë më 13 shtator në Shkodër. 

Pjesë nga fjala e Berishës: 

Dvorani nuk është vetëm kaq, ka fshehur vetëm 80 mijë eruo, ka fshehur pasurinë, nuk ka dërguar të gjithë llogarinë rrjedhëse, ka dërguar vetëm finale ajo, askujt nuk i është pranuar në këtë mënyrë. Gjykatësi Muça që propozoi Meta i gjetën vetëm 16 mijë euro të padeklaruara. Një tjetri një biletë të deklaruar për punë në Milano, i thanë s’ka qenë për çështje pune. Këtij i gjetën 80 mijë euro. Cili ishte Dvorani? U soll si një bandit me kushtetutën dhe ligjet e vendit. E kapën në flagrancë Komisioni i Venecias, krijoi krizë, u përpoq të marrë kandidaturën që i takonte. Të gjitha këto janë të përshkruara, çfarë ndodhi? Në një akt të paimagjinueshëm Dvorani shpallet kampion botëror i luftës kundër korrupsionit. Nuk ka turp më të madh për shqiptarët. Duhet t’i bëjmë letër Departamentit të Shtetit, kryetarit të Kongresit, presidentit Biden e kudo. Nuk mund të fyhen shqiptarë në këtë mënyrë. Nuk shpallet dot kampion korrupsioni ky simbol korrupsioni. Ai është një xhelat, prokurori i djemve dhe grave që u dënuan më 13 shtator në Shkodër. Duhet të informojmë amerikën, është njeriu që në mënyrën më antikushtetuese qëndroi 4 deri në 6 pasi i skadoi mandati dhe u emërua në kundershtim me ligjin e lustracionit. Çfarë jemi ne? Çdo qytetar shqiptarë të pyesë veten? Ç’e ka Yuri Kim këtë patologji për xhelatët e diktaturës komunistët edhe për këtë do të informojnë qeverinë amerikane. Me ligj nuk mund të ishte anëtar gjykate. Ai u emërua në kundërshtim me ligjin e lustracionit, përse duhet të na e bëjnë simbol këtë njeri? Çfarë jemi ne? A nuk është ky një përçmim i madh për shqiptarët. Nuk ndodh në ndonjë vend të vbotës, ndodh vetëm në Shqipëri, është vepër totalisht e krye në disinformacion. Duhet t’i informojmë.

Sali Berisha

TIRANË- Kryedemokrati Sali Berisha ka rrëfyer se Ardian Dvorani, emri i të cilit kalon sot në Kuvend si kandidat për në Kushtetuese, ka marrë dhuratë nga kompania Albtelecom 17 mijë dollarë. Në fjalën e tij në mbledhjen e grupit, Berisha tha se ai i ka marrë paratë si dhuratë për shrbimet gjyqësore që ka ofruar mes kompanisë dhe institucioneve shtetërore. 

Fjala e Berishës: 

Sot është votimi për gjykatësin në Gjykatën Kushtetuese, i simbolit më të nxirë të korrupsionit në drejtësinë shqiptare. Ky quhet Ardian Dvorani. Dvorani është zyrtarisht i akuzuar nga drejtoria DSIK se ka fshehur pasurinë. Në Vettingun e Dvoranit është dëshmuar 100% se sa fals është ky process, Ardian Dvorani është gjykatësi që ka marrë në vitin 2002 apartament banimi me Albtelecom, pa asnjë kontratë, në dokumenta, jo në emër të Dvoranit, apartamenti është 93 metër katrorë. Sipërfaqja e vërtetë është 120. Ky apartament nuk figuron në hipotekë në emrin e Dvoranit, e kuptoni mafian e poshtër? Kur Albtelecom privatizohet paguhet 17 mijë dollar dhuratë për Dvoranin. Por çfarë bën Dvorani, më thoni mua ju? Merr pjesë në 9 procese gjyqësore, në 3 apo 4 si relator mes Albtelecom dhe institucioneve shqiptare, në shpërblim të pagesës që i kanë bërë për apartamentin. Ka një prokuror tjetër që një garsoniere, 20 metër katrorë, e blen me dokumente, me të gjitha, ua kalon prindërve. Prindërit marrin një kredi duke e vendosur kolateral këtë garsoniere, por ky jurist i shquar ndëshkohet.

Sali Berisha

TIRANË- Kryedemokrati Sali Berisha ka akuzuar kryeministrin Edi Rama se ka rrëzuar përmendoren e viktimave të gjenocidit në Lumë. Në fjalën e tij në grupin parlamentar, Berisha tha se Rama e ka marrë urdhrin nga Presidenri i Serbisë Aleksandër Vuçiç dhe se ka 'shuar' kujtimin e foshnjave që u dogjën të gjala nga serbët. Sipas Berishës, kjo gjë tregon se Rama nuk ka gjak shqiptari, por është tradhëtar. 

"Prej katër muajsh, deputetët tanë kanë dorëzuar në parlament rezolutën për të dënuar genocidin serb në Kosovë. Në kundrshtim me Kushtetutën, rregulloren e parlamentit dhe çdo gjë, Rama urdhëron moszbatimin e rregullt dhe injorimin e të drejtës kushtetuese e ligjore të një deputeti. Rezoluta nuk paraqitet në seancë dhe ne duhet të jemi aty për të mbrojtur në mënyrën më të vendosur të drejtat tona. Jo vetëm nuk paraqitet rezoluta por me urdhër të Edi Ramës shembet në mes të qytetit të Kukësit, përmendorja e ngritur në kujtim të viktimave të genocidit serb në Lubë. Shqiptarët duhet ta dinë se genocidi serb universalisht i dënuar është genocide që ata kanë kryer në Lubë. Në tetor të vitit 1912. Më falni, në 1913, se rezistenca nisi në 1912. Serbët kishin direksion vërshimin drejt Shkodrës, Durrësit, para shpalljes së pavaësisë. Genoci i Lumës në dokumentat e kohës, në dokumentin bazë të komisionit ndërkombëtar të ngritur për shkaqet e luftës, është vlerësuar në mënyrë unanime si genocid. Vetëm në fshatin Pobrej janë therur, djegur të gjallë e ekzekutuar 420 burra, gra e fëmijë. Rama urdhëron Safetin të shkelmojë shpirtrat e tyre dhe të rrafshojë përmendoren e ngritur pak vite më parë, në nderim të më së paku 2 mijë e 200 qytetarëve shqiptarë. Shifra të tjera thonë 6 mijë. Një barbari e pashembullt në luftë, një ndëshkim i pashembullt dhe ketu Edi Rama heq përmendoren, rrafshon përmendoren që kishte fjalë dhe të një serbi të madh që dënoi me forcë këtë genocide. Unë disa herë kam ngritur çështjen e genocidit të lumës. Ky ka rrënuar këtë përmendore. Ky njeri i urren shqiptarët. Ky ka gjak tradhëtari, nuk ka gjak shqiptari. Ky nuk ka as komb, as nder, as flamur dhe as atdhe. Çfarë u thotë ky foshnjave që u dogjën, në prani të nënave të tyre u hodhën në flakë mes mullarëve të barit. Në të gjitha librat e asaj kohe përmendet, a lexon histori ky njeri apo jo? Ka libra që e përmendin, nga dëshmitarë që kanë qenë të pranishëm por nuk pajtoheshin kurrë me krimet serbe. Ky i hoqi me kërkesë të Vuçiçit. Nuk ka akt më të turpshëm dhe më antishqiptar se ky. Ka shkelmuar. Pse u vranë ata? Vetëm sepse luftuan. Bllokuan serbët që të mos pushtonin Shqipërinë. Për shkak të suksesit të kryengritjes së tyre u kthyen në 1913 më një furi të paparë. Si mund ta bëjë? Edi Rama bën gjithçka,"- tha Berisha. 

Sali Berisha, kryetar i PD

TIRANE- Kryedemokrati Sali Berisha i ka bërë thirrje ndërtuesit që do të ngrejë kompleks pallatesh në rrugën "Myslym Keta, ku dy ditë më parë u nxorrën jashtë pronarët e banesave të tyre, që të tërhiqet nga zhvillimi i projektit pasi opozita nuk e pranon këtë projekt. Në mbledhjen e grupit parlamentar të PD, Berisha tha se qytetarët u trajtuan si kavie dhe jo si pronarë të banesave të tyre. 

"Ajo që u zhvillua në rrugën "Myslym Keta" ngjarje e rënduar në mënyrë çnjerëzore, pasi zgjodhën pragun e festave për të përdorur forcën dhe buldozierët. Banorët kishin mirëkuptim por kërkonin siguritë që kërkon kushdo për banesën e tij. Sa do marrin, ku do e marrin dhe kur? U trajtuan si kavie, jo qytetarë. Nga një kryebashkiak që mendon nga mëngjesi në darkë si të vjedhë fondet e qytetarëve të Tiranës."-tha Berisha. 

Kryetari i PD foli edhe për nisjen e punimeve për ndërtimin e Teatrit të Ri Kombëtar. Berisha tha se nisja e punimeve është dhunim i vendimit të Gjykatës Kushtetuese që u shpreh kundër vijimit të procedurave për ndërtim në këtë truall duke ia kthyer qeverisë në pronësi. 

"Nga ky akt kalohet në dhunimin e vendimit të GJK. Kjo është një sfidë e hapur, jo vetëm për aleancën por për çdo qytetar dhe opozitën në radhë të parë. I thuhet se si pushtet nuk njohim kushtetutë, norma dhe standarte. GJK ndalon me vendim procedimin e mëtejshëm në atë truall. Ia kthen atë qeverisë, por këtu është vendi i vetëm ku vendimet e GJK rrëzohen me vendimet e banditëve qeveritarë. Ndaj unë paralajmëroj Erion Velinë, se me këtë akt po nxit me të gjithë forcën përplasjen me qytetarët. Ai është një kukull e Edi Ramës. Do e paguaj vetë këtë akt. Paralajmëroj ndërtuesin, i them mos u bëj mashë e qeverisë dhe Veliajt. Hiq dorë nga zbatimi i projektit. Opozita nuk do e pranojë kurrë, do bëjë gjithçka për zbatimin e vendimit të GJK."-tha Berisha./Dosja.al