Aktualitet

Masakër me 4 të vrarë në Shkodër pas sherrit për shezlongët! Ekzekutohet Kujtim Ferracaku, i biri iu vra mbi kalë në 2018-n, vdes edhe kamarieri 20-vjeçar, prangosen dy të plagosur, 3 vëllezër shpallen në kërkim (EMRAT-NGJARJA)

VIDEO
  • Rama ‘injoron’ viktimat dhe të plagosurit: Mirëmëngjes nga Velipoja ime e dashur!
  • Dje kishte ditën e parë të punës si kamarier në hotel, 20-vjeçari u vra pas përplasjeve me armë
  • Të pafajshmit e ‘Masakrës së Velipojës’, 20-vjeçari u vra në lule të rinisë për sherrin e pronarit
  • VOA: Ndarja e bregut të rërës, në vijën bregdetare të Velipojës, prej vitesh është bërë burim konfliktesh
  • Blendi Fevziu prek me dedikimin: Ishe më i forti nga ne dhe pse plumbat të prenë ëndrrat në mes
  • Pasioni për kuzhinën, pikturën dhe dashuria për kafshët, PROFILI ndryshe i Musaenit
  • Si u ‘fshi’ Musaen Zeneli nga Masakra e Velipojës, komentet e personazheve publikë
  • Kush ishte Musaen Zeneli, viktima e pafajshme e masakrës së Velipojës
  • Përplasja me armë zjarri ka nisur mes 2 familjeve pronare të dy hoteleve në zonë, vetëm 50 metra larg njëri-tjetrit, për disa shezlongë. Kanë qënë anëtarët e familjes Ferracaku të cilët kanë shkuar pas mesnate në hotelin ‘Gocaj’ për të sqaruar konfliktin për shezlongët. Dy pronarët e hoteleve janë konfliktuar me njëri-tjetrin dhe debati ka degjeneneruar me përdorimin e armëve.
    Featured image of article: Masakër me 4 të vrarë në Shkodër pas sherrit për shezlongët! Ekzekutohet Kujtim Ferracaku, i biri iu vra mbi kalë në 2018-n, vdes edhe kamarieri 20-vjeçar, prangosen dy të plagosur, 3 vëllezër shpallen në kërkim (EMRAT-NGJARJA) Masakra e Velipojes

    SHKODËRKujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Musaen Zeneli vetëm 20 vjeç mbeten të vdekur, ndërkohë që vëllai i Kujtim Ferracakut, 54-vjeçari Hasan Ferracaku dhe një 17-vjeçari Elmilind Dyli, kanë marrë plagë në trup, por fatmirësisht ndodhen në spital nën kujdesin e mjekëve. Ky është bilanci tragjik i masakrës së Veliopjës.

    Ngjarja e rëndë tronditi vendin në orët e para të mëngjesit, ku 4 persona humbën jetën dhe 2 të tjerë kanë mbetur të plagosur, janë jashtë rrezikut për jetën.

    Përplasja me armë zjarri ka nisur mes 2 familjeve pronare të dy hoteleve në zonë, vetëm 50 metra larg njëri-tjetrit, për disa shezlongë. Kanë qënë anëtarët e familjes Ferracaku të cilët kanë shkuar pas mesnate në hotelin ‘Gocaj’ për të sqaruar konfliktin për shezlongët. Dy pronarët e hoteleve janë konfliktuar me njëri-tjetrin dhe debati ka degjeneneruar me përdorimin e armëve.

    Konflikti që nisi verbal përfundoi në përdorimin e armëve, plumbat e të cilave i morën jetën Kujtim Ferracakut; dy pronarëve të hotelit tjetër Xhovani dhe Edmond Gocaj. Bashkë me ta humbi jetën dhe punonjësi i shezlongëve Myzerim Zeneli. Ndërsa të plagosur kanë mbetur Hasan Ferracaku dhe Elmedin Dyli. Ky i fundit vetëm 17 vjeç. Pronari i njërit prej hoteleve është Kujtim Ferracaku, babai i Arjan Ferracakut të vrarë në një atentat të ndodhur ne vitin 2018. Ndërsa i plagosur ka mbetur edhe vëllai i tij Hasani, gjendja e të cilit nuk dihet.

    Për më shumë bëhu pjesë e grupit më viral në Facebook, Dosja.al

    Pas marrjes së lajmit për ngjarjen e rëndë familjet e të përfshirëve në masakrën e ndodhur kanë hapur dyert e mortit, ndërsa e gjithë zona është blinduar nga Policia. Mendohet se në vendin e ngjarjes është shtënë nga disa armë. Deri më tani janë sekuestruar kamerat e sigurisë të të dy hoteleve për të krijuar një panoramë më të qartë të ngjarjes së rëndë. Më shumë se 16 orë nga ngjarja e rëndë, policia njoftoi se ka gjetur dy armët e përdorura në krim. Të plagosurit, Hasan Ferracaku dhe Elmilin Dyli, janë vënë në pranga. Ndërsa tre djemtë e Hasan Ferracakut, Abedin, Shyqyri dhe Besar Ferracaku, janë shpallur në kërkim, pasi akuzohen si bashkëpunëtorë të masakrës së ndodhur mesnatën e kaluar në Velipojë. Armët janë sekuestruar dhe janë dërguar për ekspertizë e cila do të zbulojë gjurmët e personave që e kanë përdorur.

    Vijon kërkimi për armë të tjera, pasi dyshohet se janë përdoru gjashtë të tilla më krim.  Janë rreth 20 persona të shoqëruar deri më tani si persona që mund të kenë dijeni të mëtejshme rreth konfliktit që çoi në përplasjen me armë mes vëllezërve Ferracaku dhe Gocaj.

    Pamje nga vendngjarja

    Në vendin e ngjarjes, mbërriti rreth orës 02:00 kryepolici Ardi Veliu, ndërsa drejtuesi i qarkut Shkodër Niko Brahimaj interesit të gazetarëve iu përgjigj “kërkoj mirëkuptimin tuaj për momentin”.

    (a.b/k.m./dosja.al)

    • 22:09

      KATËR FOTOT/ Këta janë viktimat e Masakrës së Velipojës, mes tyre fatkeqi Musaen Zeneli

      Personat që po shikoni në foto janë katër personat që mbetën të vdekur në Masakrën e Velipojës, pas një përleshjeje me armë zjarri për shezlongët. Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Musaen Zeneli, viktima më e pafajshm në këtë kasaphanë, vetëm 20 vjeç, mbetën të vrarë pak pas mensatës së kaluar në Velipojë.

    • 16:43

      Masakra me 4 të vrarë në Velipojë, arrestohen dy të plagosurit, gjenden pas 16 orësh dy armët e krimit, shpallen në kërkim tre djemtë e Hasan Ferracakut, policia: Bashkëpunuan në krim

      Pamje nga vendngjarja

      Hasan Ferracaku dhe Elmilin Dyli, dy personat që mbetën të plagosur në përplasjen me armë zjarri në Velipojë që shkaktoi katër viktima, janë vënë në pranga. Ndërsa tre djemtë e Hasan Ferracakut, Abedin, Shyqyri dhe Besar Ferracaku, janë shpallur në kërkim, pasi akuzohen si bashkëpunëtorë të masakrës së ndodhur mesnatën e kaluar në Velipojë. Nga ana tjetër, policia bën me dije se 16 orë pas ngjarjes së rëndë që la pas katër të vrrë janë gjetur dhe dy armë zjarri, të llojit pistoleta, që janë përdorur në masakër. Armët janë sekuestruar dhe janë dërguar për ekspertizë e cila do të zbulojë gjurmët e personave që e kanë përdorur.

      Njoftimi i policisë Shkodër:

      Në vijim të veprimeve hetimore të kryera grupi i posaçëm hetimor, për zbardhjen e ngjarjes së ndodhur rreth orës 00:30, në Pulaj Plazh, Velipojë, ku si pasojë e një konflikti të çastit mbetën të vrarë me armë zjarri 4 shtetas dhe u plagosën 2 të tjerë, bazuar në provat e grumbulluara u arrestuan në flagrancë shtetasit: H. V., 54 vjeç, lindur në fshatin Trush dhe banues në fshatin Pulaj, Velipojë, si dhe nipi i tij shtetasi E. D., 17 vjeç, lindur e banues në fshatin Guri i Zi, bashkia Shkodër, të cilët janë në Spitalin e Traumës në Tiranë, të dyshuar për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

      Gjithashtu janë shpallur në kërkim shtetasit A. V., Sh. V. dhe B. V., vëllezër, banues në fshatin Pulaj, Velipojë, bashkia Shkodër, të dyshuar si bashkautorë në këtë ngjarje, për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim. Në cilësinë e provës materiale janë sekuestruar dy armë zjarri pistoleta, njëra prej të cilave u gjet në vendngjarje, ndërsa tjetra u gjet gjatë kontrollit në hotelin e familjes Gocaj. Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes, identifikimin dhe kapjen e personave të tjerë të përfshirë në konfliktin me armë. Materialet procedurale do t’i kalojnë Prokurorisë së Rrethit Gjyqësor Shkodër, për veprime të mëtejshme.

    • 14:38

      Dita e parë e punës iu bë e fundit e jetës! Publikohet FOTO e kamarierit 20-vjeçar që humbi jetën në Velipojë

      Myzerim Zeneli

      Personi në foto është Myzerim Zeneli, i cili humbi jetën pas përplasjes mes pronarëve Ferracaku dhe Gocaj në Velipojë. 20-vjeçari kishte vetëm një ditë që kishte shkuar të punonte si kamerier në hotelin e “Gocaj”, por rezultoi që dita e parë e punës, të ishte dita e fundit e jetës së tij. Mbrëmjen e djeshme Velipoja u trondi, pasi pas një përplasje me armë mes pronarëve të hotel “Fatazia” dhe pronarëve të hotelit “Gocaj”, kanë mbetur të vrarë 4 persona, ndërsa dy të tjerë mbetën të plagosur.

    • 11:16

      Detaje nga ‘Masakra e Velipojës’/ Në krim u përdorën 6 armë, shpallen në kërkim dy persona, shoqërohen në komisariat 20 të tjerë

      Policia e Shkodrës ka shpallur në kërkim dy persona si të perfshire në ngjarjen e rëndë. Dy personat dyshohen se ishin bashkë me vëllezerit Ferracaku. Nderkohë janë rreth 20 persona të shoqëruar deri më tani si persona që mund të kenë dijeni të metejshme rreth konfliktit që çoi në përplasjen me armë mes vëllezërve Ferracaku dhe Gocaj.Në ngjarje janë përdorur 6 armë.Vëllezërit Ferracaku kanë patur secili nga një pistolete sipas dyshimeve dhe dy personat në kërkim dyshohen se kanë qenë të armatosur. Nga ana tjeter edhe vëllezërit Gocaj kane patur pistolete dhe automatik kallashnikov.Policia ka sekuestruar vetem një pistolete deri më tani dhe disa prej gëzhojave që janë nga disa armë të ndryshme.

    • 9:22

      Morën plumba gjatë konfliktit në Velipojë/ Dy të plagosurit dërgohen në spitalin e Traumës, në gjendje kritike për jetën

      Foto ilustruese

      Të plagosurit Hasan Ferracaku dhe Elmind Dyli, mësohet se janë në gjendje serioze për jetën, dhe janë dërguar për kurim në spitalin e Traumës në Tiranë. Deri më tani nuk dihet nëse policia ka mundur që të sigurojë dëshmi të tyre sa i takon konfliktit. Hasani dhe Elmind Dyli i cili është vetëm 17-vjeç, ishin në vendin e ngjarjes në momentin që ndodhi debati, i cili degradoi duke lënë të vdekur 4 persona.

    • 9:46

      ‘Më është fikur dera e shtëpisë’/ Dy djemtë iu vranë për shezlonat, Pjetër Gocaj: Mos i ndodhtë kujt, qëlluan të parin djalin e madh që ka dokumenta angleze

      Rrëqethëse është dëshmia e Pjetër Gocajt, babait të dy djemve që mbetën të vrarë në Velipojë. Pjetër Gocaj, babai i dy djemve të vrarë pas mesnate në Velipojë, Xhovanit, 25 vjeç dhe Edmondit, 38 vjeç, ka folur për mediat pak orë pas ngjarjes së rëndë. Ai thotë se sherri ka ndodhur për shezlonët dhe se djali i madh me dokumente angleze kishte ardhur për të investuar në Velipojë.

      “Më kanë vrarë djemtë. Kjo qe ka ndodhur mos i ndodht me kujt, mua me eshte fikur dera e shtepise. Uroj qe mos ti ndodh askujt. Nuk e kuptoj si ka ndodhur konflikti por e di qe per shezllone. Me kane vrare tek dera e shtepise, me kane vrare dy djemte. Çfare me duhet jeta me. Vitin e kaluar i kam pasur une shezllonet, kete vit ia kane dhene atij. Ne kemi pritur qe te ndahen shezllonet sepse kane qene pa u ndare ende, ata kane ardhur dhe na vrane ne shtepi. Uroj mos ti ndodh me kujt se peshen e rende te kesaj ngjarje e kam une mbi supe. Asgje nuk dime. Me kane vrare djemte. Ne i kemi vendosur shezllonet perpara se te behej ndarja nga shteti e shezlloneve dhe ishim ne pritje kur te vendosej kjo ndarje per te shikuar se ku i kemi ne dhe ku i kane ata. Ata erdhen dhe qelluan djalin e madh te parin qe ishte me dokumenta angleze i cili ka ardhur per te investuar dhe punuar. Pastaj qelluan edhe djalin tjeter, djali i dyte i ka qelluar edhe ai. Kur ka ndodhur nuk kam qene ketu por nuk kane ardhur per te folur perderisa kane ardhur me arme tek dera e shtepise. Uroj mos ti ndodh me askujt”, deklaron ai.

    • 9:27

      Arma e krimit në Velipojë ende nuk gjendet! Policia e Shkodrës sekuestron kamerat e sigurisë të dy hoteleve, shoqërohen në komisariat familjet e viktimave

      Policia Shkoder

      Policia e Shkodrës ende nuk ka bërë të mundur gjetjen e armës së krimit, që i mori jetën 4 personave dhe plagosi 2 të tjerë. Kamerat e sigurisë që gjenden përreth zonës dhe hoteleve ku ndodhi ngjarja janë sekuestruar, për të bërë të mundur zbardhjen e plotë të saj. Në ngjarje besohet se janë të përfshirë dhe persona të tjerë. Policia ka shoqëruar në komisariat familjarët e viktimave dhe personave që janë të përfshirë në ngjarje.

    • 9:36

      Gjak dhe karrige të rrëzuara! Çfarë mbeti pas vrasjes së katërfishtë në Velipojë, zona u rrethua nga efektivë të shumtë policie

      Pamje nga vendi i ngjarjes

      Pamjet nga vendi ku ndodhi vrasja e katërfishtë në Velipojë janë bërë publike. Orët e para të ditës së sotme, në një rrugicë midis hoteleve pranë bizneseve krisi arma, duke lënë pas 4 persona të vdekur dhe 2 të plagosur. Vendi i ngjarjes është rrethuar menjëherë nga forcat policore të cilat kanë mbërritur direkt pas të shtënave, për të bërë të mundur zbardhjen e ngjarjes, identifikimin e autorëve dhe arrestimin e tyre. Në vend ka qenë dhe Drejtori i Përgjithshëm i Policisë së Shtetit Ardi Veliu dhe drejtues të tjerë të policisë.

    • 9:08

      Masakra në Velipojë/ Pamjet e hotelit ‘fatkeq’ në bregdet, pronari nisi sherrin për shezlonet, konflikti la pas 4 viktima

      Foto e hotelit ku ndodhi ngjarja

      Këto janë pamjet e hotelit ku u zhvillua masakra orët e para të mëngjesit të sotëm ku mbetën të vrarë 4 persona dhe u plagosën dy të tjerë. Hoteli ‘Fantazia’, në pronësi të Kujtim Ferracakut, ishte i mbushur me njerëz të cilët më së shumti ishin turisë që kishin vendosur të kalonin fundjavën aty. Disa prej tyre u larguan mëngjesin e sotëm menjëherë pas ngjarjes pasi u shfaqën të traumatizuar nga ajo që kishte ndodhur.

    • 8:42

      FOTO/ U vra në “Masakrën e Velipojës”, ky është Xhovan Gocaj, 25-vjeçari mori plumba gjatë sherrit

      Xhovan Gocaj

      Një nga viktimat e masakrës së Velipojës që ndodhi orët e para të mëngjesit të sotëm, është 25-vjeçari Xhovan Gocaj. Dosja.al ka siguruar foto të 25-vjeçarit, ku i vdekur nër të tjerë mbeti edhe vëllai i tij Edmond Gocaj. Ngjarja e rëndë ndodhi ditën e sotme në Velipojë ku mbetën të vdekur 4 persona dhe u plagosën dy të tjerë.

    • 8:52

      DINAMIKA/ Konflikti për shezlonet la pas 4 të vdekur! Anëtarët e familjes Ferracaku shkuan për sqarim te Gocajt, debati degjeneroi në përdorimin e armëve, oborri i hotelit u kthye në skenë krimi

      Pamje nga vendngjarja

      Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Myzerim Zeneli vetëm 20 vjeç mbeten të vdekur, ndërkohë që vëllai i Kujtim Ferracakut, 54-vjeçari Hasan Ferracaku dhe një 17-vjeçari Elmilind Dyli, kanë marrë plagë në trup, por fatmirësisht ndodhen në spital nën kujdesin e mjekëve. Ky është bilanci tragjik i masakrës së Veliopjës. Ngjarja ndodhi mbrëmjen e djeshme, pas mesnate në plazhin e Velipojës. Ferracaku, pronar i Hotel ‘Fantazia’ është përplasur me armë me vëllezërit Gocaj, pronarë të hotelit ‘Gocaj’ për shezllonët. Bizneset e tyre ndodheshin vetëm 50 metra larg njëri-tjetrit. Kanë qënë anëtarët e familjes Ferracaku të cilët kanë shkuar pas mesnate në hotelin ‘Gocaj’ për të sqaruar konfliktin për shezlongët. Dy pronarët e hoteleve janë konfliktuar me njëri-tjetrin dhe debati ka degjeneneruar me përdorimin e armëve. Nuk dihet nëse dy familjet kanë pasur ndonjë konflikt tjetër të mëparshëm mes tyre, që ka nxitur dhe më shumë debatet.

      Drejtori i Policisë Shkodër, Niko Brahimaj ka paralajmëruar se në lidhje me ngjarjen do të ketë arrestime e po ashtu dhe persona që do të shpallen në kërkim. Ngjarja ka tronditur jo vetëm vendasit por edhe turistët, duke ia dëmtuar kështu imazhin vendit në këtë sezon turistik. Pushuesit janë larguar mëngjesin e sotëm nga zona, pasi janë shfaqur të tmerruar nga ajo që kanë dëgjuar dhe nga krismat e armëve.

    • 8:08

      ‘Tmerr plumbash, breshëri’/ Përplasja me armë në Velipojë, pushuesi nga Kosova merr valixhet dhe largohet: Nuk rrihet kemi ardh për qejf

      Pushuesit janë terrorizuar nga përplasje ma armë që ndodhi mbrëmjen e djeshme në Velipojë. Një prej tyre, ka treguar për ‘Reporttv’ se po largohet nga banesa që kishte marrë me qera për pushime, pasi është tmerruar nga ajo që ka parë dhe dëgjuar. Teksa shihet me valixhe në duar, qytetari nga Kosova thotë:

      “Kena ardh për qejf. Tërë natën duke krisma, kallashi. Ky është tmer! Kallashi gjithë natën. Jam prej Podujevës në Kosovë”.

    • 7:58

      ‘O nan marova, o ç’na gjet’/ Britma dhe lot për masakrën në Velipojë, familjarët përballen me skenën horror

      Familjarët e katër viktimave në Veliopjë, u përballën mbrëmjen e djeshme me një skenë horrorr. Menjëherë pasi kanë mësuar lajmin të parët që kanë shkuar në vendin e ngjarjes në një rrugicë mes dy bizneseve të palëve të përfshira ishin familjarët në britma dhe lot.Siç dëgjohet në videon e ‘JOQ’, familjarët qajnë dhe bërtasin me të madhe për humbjet e të afërmëve të tyre.‘O nanë marova, o ç’na gjet’-dëgjohet të thonë familjarët në video.

    • 7:29

      Vrasja e katërfishtë në Velipojë/ Drejtori i Policisë së Shkodrës: Ngjarje e rëndë kriminale, u përdor më shumë se 1 armë, do ketë të arrestuar

      Përplasja me armë pas mesnate në Velipojë, ku mbetën të vrarë 4 persona, dhe u plagosën dy të tjerë, pas sherrit për shezllonet dhe hapësirën e lokaleve la të shokuar opinionin publik. Menjëherë sapo lajmi u bë i ditur, në vendngjarje arritën autoritetet vendore. Drejtori i Policisë së Shkodrës Niko Brahimaj dha një prononcim për mediat mbi vrasjen e katërfishtë. Niko Brahimaj deklaroi se në këtë konflikt janë përdorur më shumë se një armë, ndërsa policia ka sekuestruar një pistoletë si provë materiale. Ai shtoi se janë sekuestruar një numër kamerash nga vendngjarja, por kushtet e pamjeve kanë qenë të kufizuara për shkak të errësirës.

      “Rreth orës 00:30 ka ndodhur një ngjarje tepër e rëndë kriminale para hotel Gocaj. Për shkak të një konflikti me armë të çastit për motive të dobëta, për shkak të ndarjes së pronësisë mbi sipërfaqet me rërë ku vendosen shezlongët, kanë gjetur vdekjen Kujtim Ferracaku, Xhovano Gocaj, Edmond Gocaj dhe Myzerim Zeneli. Është përdorur më shumë se 1 armë. Kemi bërë sekuestrimin e kamerave të sigurisë. Do të ketë persona të arrestuar dhe të shpallur në kërkim”.

      Drejtori i Policisë bën me dije se të plagosur kanë mbetur shtetasit Hasan Ferracaku dhe Elmedin Dyli. Në vendngjarje kanë shkuar Drejtori i Përgjithshëm i Policisë Ardi Veliu, drejtori i Departamentit të Policisë Kriminale Tonin Vocaj, si dhe grupi hetimor me specialistët e drejtorisë së Policisë Shkodër.

    • 7:13

      Ky është Kujtim Ferracaku, 3 vite më parë i vranë djalin, sot atë! Ende mbante zi për të birin

      Kujtim Ferracaku

      Personi që shihni në foton e mëposhtme është Kujtim Ferracaku, një nga të vrarët e masakrës së Velipojës. Ai është babai i Arjan Ferracakut, biznesmen i cili u vra me armë zjarri në vitin 2018. Siç duket edhe nga vendosja e shiritit të zi, ai ende mbante zi për humbjen e të birit.

    • 4:36

      Masakra në Velipojë! Kujtim Ferracaku u vra për disa shezlongë, 3 vite më parë i ekzekutuan të birin mbi kalë (HISTORIA)

      Katër persona mbetën të vrarë dhe dy të tjerë u plagosën nga shkëmbimi i zjarrit mes pronarëve të dy bizneseve në Velipojë, Ferracaku dhe Gocaj për shkak të shezlongëve. Mes viktimave dallon emri i Kujtim Ferracakut, babai i Arjan Ferracakut, biznesmeni i cili u vra mbi kalë në verën e mbrapshtë të vitit 2018. Ngjarja e rëndë ndodhi më 1 shtator 2018, rreth orës 13.50, kur Arjan Ferracaku po kalëronte i shoqëruar nga disa miq të tij, mes tyre dhe Asmer Bilali. Tre persona të armatosur, po i prisnin ata të fshehur pas shkurreve dhe qëlluan duke hedhur në tokë biznesmenin. Autorët u afruan pranë trupit të pajetë, dhe për të qenë të sigurt në këtë vrasje, e qëlluan sërish në kokë dhe në gjoks. Edhe sot vrasja e tij nuk është zbardhur, ndërsa mendohet se nuk ka qënë ai objektivi por shoqëruesi i tij Bilali.

    • 4:26

      Pronarë hotelesh, punëtorë dhe një i mitur! Kush janë viktimat dhe të plagosurit e masakrës së Velipojës

      Zbardhen emrat e viktimave të masakrës me 4 të vrarë në Velipojë, pak pas mesnate. Për një sherr që ka nisur për disa shezlongë kanë humbur jetën: Kujtim Ferracaku, Xhovani Gocaj, Edmond Gocaj dhe Myzerim Zeneli. Ndërsa të plagosur kanë mbetur Hasan Ferracaku dhe Elmedin Tyli. Ky i fundit vetëm 17 vjeç.I gjithë konflikti ka nisur teksa dy familjet Gocaj dhe Ferracaku po ndanin rërën për të vendosur shezlongët. E gjithë nisi si një konflikt verbal, më pas palët nxorrën armët dhe i morën jetën njëri-tjetrit. Mes viktimave është Myzerim Zeneli, punonjës i shezlongëve, vetëm 20 vjeç. Mendohet se në vendin e ngjarjes është shtënë nga disa armë, ndërsa FNSH dhe RENEA-t po krehin zonën duke kërkuar të përfshirët e tjerë në konflikt. Deri më tani janë sekustruar kamerat e sigurisë të të dy hoteleve për të keijuar një panoramë më të qartë të ngjarjes së rëndë.

    • 4:10

      Bilanc tragjik në Velipojë! 4 viktima, mes të plagosurve dhe një i mitur, pas kasaphanës Policia mbledh gëzhojat

      Policia e Shtetit ka dhënë njoftimi zyrtar lidhur vrasjen e katërfishtë të ndodhur në Velipojë. Të vdekur nga përplasja me armë zjarri kanë mbetur: Kujtim Ferracaku, 59 vjeç, Xh. G. 25 vjeç , E. G. 38 vjeç dhe M. Z. 20 vjeç. Ndërsa i plagosur ka mbetur i vëllai H. Ferracaku dhe E. D. 17 vjeç, të cilët dyshohen si autorë të përfshirê në konfliktin e armatosur. Në ndihmë të Policisë vendore ka shkuar FNSH Shkodër dhe një grup i Forcave Speciale Renea.

      NJOFTIMI I PLOTË:Velipojë/Shkodër Informacion paraprakMë datë 27.06.2021, rreth orës 00:30, në Pulaj Plazh, Velipojë, si pasojë e një konflikti të çastit, i cili është përshkallëzuar në përdorim të armës së zjarrit kanë mbetur të vrarë, shtetasit K. V. 59 vjeç, Xh. G. 25 vjeç , E. G. 38 vjeç dhe M. Z. 20 vjeç.Si dhe janë plagosur shtetasit H. V. 54 vjeç, dhe E. D. 17 vjeç, të cilët dyshohen si autorë të përfshirê në konfliktin e armatosur.Për hetimin dhe zbardhjen e ngjarjes menjëherë është ngritur një grup posaçëm hetimor me specialistë të strukturave hetimore në DVP Shkodër dhe të Drejtorisë për Hetimin e Krimeve ndaj Personit dhe Jetës në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër. Në ndihmë të Policisë vendore ka shkuar FNSH Shkodër dhe një grup i Forcave Speciale Renea. Grupi hetimor po punon për zbardhjen e dokumentimin e plotë të rrethanave dhe shkakut të kësaj ngjarjeje.

    Një Koment në “Masakër me 4 të vrarë në Shkodër pas sherrit për shezlongët! Ekzekutohet Kujtim Ferracaku, i biri iu vra mbi kalë në 2018-n, vdes edhe kamarieri 20-vjeçar, prangosen dy të plagosur, 3 vëllezër shpallen në kërkim (EMRAT-NGJARJA)

    1. Nuk ka si ndodh ndryshe kur shteti drejtohet nga hora dhe ordinier dhe nje polici kriminale qe e ka mendjen vetem me ven gjoba qytetareve te ndershem dhe nje shteti qe i punon truri ku me vjedh pasurit kombetare .Pritni eshte heret ,sezoni tash ka fillu ,mjere per ne ku jetojme.

    Shto Koment