Aksidental apo i qëllimshëm? Merr flakë lokali i Noizy-t në Durrës, Policia nis hetimet

Lokali

DURRËS- Këto janë pamjet nga lokali i reperit Noizy në zonën e Currilave i cili u përfshi nga flakët në orët e para të mëngjesit. Shkak për ngjarjen dyshohet se është bërë një shkëndijë elektrike.

Mësohet se biznesi i regjistruar në emër të babait të Noizy-it, Bashkim Rajku ka pësuar dëme të konsiderueshme materiale, por fatmirësisht nuk ka persona të lënduar.

Nuk është hera e parë që bizneset në pronësi të familjes Rajku në Durrës dëmtohen, jo më larg se para disa muajsh një prej dyqaneve të Noizyt iu vendos një sasi eksplozivi./Dosja.al

Lokali

DURRËS- Policia ka dalë me një njoftim zyrtar në lidhje me zjarrin që përfshiu një natë më parë lokalin 'ZINS' në pronësi të babait të reperit Noizy. Sipas forcave blu, ngjarja ka ndodhur në orët e para të mëngjesit. Ata theksojnë se nga flakët ka pasur vetëm dëme materiale.

Duke mos theksuar nëse ngjarja është aksidentale apo e qëllimshme, Policia bën të ditur se kanë nisur hetimet, për sqarimin e rrethanave të këtij rasti, si dhe për përcaktimin e shkakut të rënies së zjarrit.

NJOFTIMI I POLICISË:

Në orët e para të mëngjesit të sotëm, në lagjen nr. 1, ka rënë zjarr në lokalin në pronësi të shtetasit B. R. Si pasojë e zjarrit ka vetëm dëme materiale. Grupi hetimor në bashkëpunim me Prokurorinë, vijon punën për sqarimin e rrethanave të këtij rasti, si dhe për përcaktimin e shkakut të rënies së zjarrit.

Noizy

DURRËS- Përfshihet nga flakët lokali 'Zins' në qytetin bregdetar. Biznesi në pronësi të reperit të njohur Rigels Rajku, i njohur nga të gjithë si Noizy, është shkrumbuar nga një zjarr që nisi në orët e vona të mbrëmjës.

Siç shihet edhe në pamje, e gjithë zona e jashtme e saj është e mbuluar nga flakët, ndërsa tymi ka mbuluar zonën përreth. 

Për këtë incident ka pasur një njoftim nga stafi i biznesit, të cilët bëjnë të ditur se zjarri ka rënë si pasojë e një shkëndije elektrike.

Pritet një njoftim nga autoritetet përkatëse./Dosja.al