Aktualitet

FOTO+EMRI/ 19 pako me kokainë të fshehura në “Audi”, dënohet me burg shqiptari që sulmoi policin në Angli

Në makinën e tij iu gjetën 19 qese me kokainë, një patentë drejtimi greke, një telefon celular dhe 285 paund para 'cash' që iu zbuluan gjatë kontrollit.

17 Mars 2023, 22:49 Nga k.m.
FOTO+EMRI/ 19 pako me kokainë të fshehura në “Audi”,
Erion Hoxha

BRITANI E MADHE- Një 25-vjeçar, i cili u përfshi në furnizimin me drogë për të shlyer një borxh që u kishte trafikantëve që e sollën në Britaninë e Madhe, është dënuar me 28 muaj burg.

Sipas mediave të huaja, Erion Hoxha po ngiste një "Audi" kur u ndalua nga Policia dhe u ndalua për posedim droge. Kur u ndalua nga Policia e Shtetit, Hoxha u tha oficerëve se kishin kapur njeriun e gabuar dhe ai nuk pranoi që të vendosej në pranga. Në makinën e tij iu gjetën 19 qese me kokainë, një patentë drejtimi greke, një telefon celular dhe 285 paund para 'cash' që iu zbuluan gjatë kontrollit.

Kur telefoni i tij u analizua nga ekspertët, u zbulua se përmbante mesazhe që tregonin përfshirjen e tij në një grup furnizimi me kokainë duke përdorur metodën e dërgimit me kod postar. Mesazhet në telefon tregonin se një ditë para arrestimit të Hoxhës, 26 klientëve u ishin dorëzuar 39 qese me kokainë me një vlerë totale prej 1530 £.

Duke e dënuar atë, gjykatësi Nicola Talbot-Hadley tha se ai ishte sjellë në Mbretërinë e Bashkuar në mënyrë të paligjshme dhe si rezultat ai nuk mund të punonte ligjërisht, ndaj dhe i ishte futur botës së drogës.

erion hoxha

Sondazh

Poll

MË SHUMË