Aktualitet

“Të shkojsh për ma nalt or burrë”/ U dhunua dje, kush është ish-shefi i komisariatit që u kap në përgjime për votat në Dibër

Aga dalë në përgjimet e dosjes 184 për blerjen e zgjedhjeve të parakohshme vendore në Dibër dhe ai si shef komisariati në atë kohë përmendej disa herë si ndihmues i socialistëve dhe kandidatit të tyre dhe përgëzohej prej deputetëve të PS-së për shërbimin.

18 Nëntor 2022, 10:24 Nga A.B
“Të shkojsh për ma nalt or burrë”/ U dhunua dje, kush
Robert Aga

TIRANË- Ish-shefi i Komisariatit të Dibrës, Robert Aga u dhunua ditën e djeshme nga dy persona. Mirëpo, Aga nuk është emër i panjohur. Ai ka dalë në përgjimet e dosjes 184 për blerjen e zgjedhjeve të parakohshme vendore në Dibër dhe ai si shef komisariati në atë kohë përmendej disa herë si ndihmues i socialistëve dhe kandidatit të tyre dhe përgëzohej prej deputetëve të PS-së për shërbimin.

Aga doli dhe në bisedat telefonike me drejtues të lartë të socialistëve. Ministri aktual i Drejtësisë, Ulsi Manja i premtonte në bisedë Agës se do e ndihmonin të rritej në karrierë, edhe pse Aga kërkonte vetëm të transferohej në Bulqizë.

“Ne thomi të shkojsh për ma nalt or burrë…,” citohet Manja në vendimin e gjykatës.

Aga u emërua më pas shef i Qarkullimit Rrugor në Kukës, por nuk u hetua. Në 18 janar 2020 ai u pezullua nga detyra, pasi vëllai i tij, Pajtim Aga, u arrestua për trafik droge. 

Bekim Agolli e Rubin Murrja janë vënë nën hetim nga policia pasi akuzohen se dhunuan ish-shefin e Komisariatit në Dibër, Robert Aga. Shkak i dhunimit, besohet të jetë bërë gjobëvënia që Aga vendosi ndaj dy personave, në kohën kur ishte shef i qarkullimit rrugor.

rrihet robert aga robert aga

Sondazh

Poll

MË SHUMË