Aktualitet

Me 4 emra! I dënuar në Itali me 17 vite burgim për trafik droge, arrestohet 62-vjeçari në Durrës

Shullani i shpallur në kërkim ndërkombëtar nga Italia kishte dhe identitete të tjera: Hasan Shullani, Ferdinand Behari dhe Faje Shullani.

18 Nëntor 2022, 10:01 Nga A.B
Me 4 emra! I dënuar në Itali me 17 vite burgim për trafik droge,
Policia

DURRËS- Mustafa Shullani është 62-vjeçari i arrestuar në Durrës. Shullani i shpallur në kërkim ndërkombëtar nga Italia kishte dhe identitete të tjera: Hasan Shullani, Ferdinand Behari dhe Faje Shullani. Gjykata e Apelit e Bolonjas, Itali, e ka dënuar 62-vjeçarin, me 17 vjet e 1 muaj burgim, për veprat penale “Trafikimi i lëndëve narkotike” dhe “Prodhimi dhe shitja e narkotikëve”, të parashikuara nga ligji penal italian.

Me qëllim vuajtjen e periudhës prej 11 vjet e 4 muaj burgim, të mbetur nga dënimi total, kjo gjykatë apeli ka lëshuar për Shullanin, një urdhër-arrest ndërkombëtar. 

NJOFTIMI I POLICISË:

Finalizohet në bashkëpunim me Interpol Tirana, operacioni policor i koduar “Koordinatat”. I dënuar në Itali, me mbi 17 vjet burgim, për veprimtari kriminale në fushën e narkotikëve, kapet në Durrës dhe arrestohet me qëllim ekstradimin, 62-vjeçari i kërkuar ndërkombëtarisht. Në vijim të operacioneve të njëpasnjëshme, për kapjen e personave të kërkuar kombëtarisht dhe ndërkombëtarisht, si dhe mbështetur nga inteligjenca informative për vendndodhjen e një shtetasi të shpallur në kërkim ndërkombëtar, shërbimet e Forcës së Posaçme Operacionale të DVP Durrës, në bashkëpunim me Interpol Tirana, finalizuan operacionin policor të koduar “Koordinatat”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:

– Mustafa Shullani (me identitete të tjera: Hasan Shullani, Ferdinand Behari dhe Faje Shullani), 62 vjeç, banues në lagjen Nr. 7, Durrës.

Gjykata e Apelit e Bolonjas, Itali, e ka dënuar 62-vjeçarin, me 17 vjet e 1 muaj burgim, për veprat penale “Trafikimi i lëndëve narkotike” dhe “Prodhimi dhe shitja e narkotikëve”, të parashikuara nga ligji penal italian. Me qëllim vuajtjen e periudhës prej 11 vjet e 4 muaj burgim, të mbetur nga dënimi total, kjo gjykatë apeli ka lëshuar për këtë shtetas, një urdhër-arrest ndërkombëtar. Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme. Në bashkëpunim me ZQK Interpol Tirana, vijon puna për ekstradimin e këtij shtetasi, drejt Italisë.

mustafa shullani

Sondazh

Poll

MË SHUMË