Aktualitet

'Oooo'/ Pritën 6 orë, Fatos Tushe i entuziazmuar mendoi se fitoi pafajësinë, ndërhyri Policia t'i qetësonte familjarët

Por kur kanë marrë vesh të kundërtën, nuk e kanë pritur shumë mirë.

29 Korrik 2022, 20:13 Nga k.m.
'Oooo'/ Pritën 6 orë, Fatos Tushe i entuziazmuar mendoi se
Fatos Tushe

TIRANË- Pasi kanë kaluar 6 orë në sallën e GJKKO-së, Fatos Tushe dhe miqtë e tij duket se kishin krijuar shpresa se mund të shpallej i pafajshëm. Sipas gazetares Klodiana Lala, e cila ndoqi nga afër gjyqin, të pranishmit kanë duartrokitur para se gjyqtari të shqiptonte dënimin me burg. Por kur kanë marrë vesh të kundërtën, nuk e kanë pritur shumë mirë. Madje dhe është dashur ndërhyrja e policisë për të qetësuar të pranishmit në sallë. 

Fatos Tushe u dënua me 2.4 vite burg pasi u arrestua në qershor të vitit të shkuar për korrupsion me tenderin me vlerë 24 milionë lekë për rehabilitimin e kanaleve vaditës në Lushnjë dhe me vendim të Këshillit të Ministrave u shkarkuar nga detyra më 6 korrik. Por Tushe ankimoi vendimin e marrë në Gjykatë Kushtetuese, pasi vijon ta konsiderojë vetën të pafajshëm. Ndërkohë në burg shkuan edhe 7 zyrtarë të tjerë të bashkisë si dhe për 4 të tjerë u vendos masa e sigurisë arrest shtëpie. 

E gjitha nisi për një tender me vlerë rreth 24 mln lekë për rehabilitimin e një kanali ujitës në fshatrat Bishqethëm dhe Bitaj. Ky tender u fitua nga kompania EuroAlb shpk, që kishte sjellë ofertën më të lartë, por më pas punimet, fitimet dhe punën e ka bërë një kompani tjetër, e biznesmenit Ibrahim Lami. Por jo vetëm kaq! Tushe ka dalë në përgjime edhe teksa abuzon me karburantin e shtetit, e po ashtu ka dalë në përgjime se ka ndërhyrë për një banesë që po ndërtohej pa leje, që inspektorët të mos shkonin për kontroll.

fatos tushe denohet fatos tushe

Sondazh

Poll

MË SHUMË