Aktualitet

Plagosi fqinjin, Policia i shkon për kontroll në shtëpi Blerim Selacit, i gjen "shtëpi bari"

Policia e Shtetit, pasi shpalli në kërkim 44-vjeçarin, ka shkuar për kontrolle në shtëpinë e Blerim Selacit, ku edhe u gjet një ambient për kultivim kanabisi me llampa dhe një pistoletë.

6 Qershor 2022, 19:50 Nga DOSJA
Plagosi fqinjin, Policia i shkon për kontroll në shtëpi Blerim
Pamje nga vendi i ngjarjes

FUSHË KRUJË- Blerim Selaci plagosi me armë zjarri fqinjin e tij, Lufti Kupa, por ende nuk dihen shkaqet e sherrit. Policia e Shtetit, pasi shpalli në kërkim 44-vjeçarin, ka shkuar për kontrolle në shtëpinë e Blerim Selacit, ku edhe u gjet një ambient për kultivim kanabisi me llampa dhe një pistoletë. Kjo e fundit dyshohet se është përdorur për të plagosur komshiun e tij.

Ndërsa në banesë, Policia zbuloi një ambient të përshtatur për kultivimin e bimëve narkotike, me anë të llambave në shtëpinë e tij. U sekuestruan bimët e dyshuara narkotike në proces tharjeje, si dhe pajise elektrike që autori i përdorte për kultivimin e tyre. Nga ana tjetër, mësohet se 62-vjeçari që u plagos është kushëri i Ilir Kupës, një prej anëtarëve të bandës së “Babagjyshëve”, që organizonin vjedhje me armë.

Sondazh

Poll

MË SHUMË