Aktualitet

Përgjaken rrugët/ Aksident në Rrugën e Kombit, 'Benz' bie në humnerë, vdes i riu nga Tropoja

Dy të rinj nga Tropoja, po udhëtonin nga Tirana drejt Kukësit, teksa mjeti i tyre “Benz” ka rënë 100 metra në humnerën poshtë rrugës.

19 Maj 2022, 08:23 Nga DOSJA
Përgjaken rrugët/ Aksident në Rrugën e Kombit,
Pamje nga vendi i aksidentit

KUKËS- Përgjaken rrugët e vendit. Një tjetër aksident me pasojë humbje jete ka ndodhur në orët e para të mëngjesit në Rrugën e Kombit. Si pasojë ka ndërruar jetë Andi Rrustaj 25 vjeç ndërsa në gjendje të rëndë shëndetësore tek Trauma, Xheku Logu.

Aksidenti i rëndë ka ndodhur pranë fshatit Kolsh në Kukës. Makina ka humbur kontrollin dhe ka dalë nga rruga, ku për pasojë ka përfunduar në një humnerë. Dy të rinj nga Tropoja, po udhëtonin nga Tirana drejt Kukësit, teksa mjeti i tyre “Benz” ka rënë 100 metra në humnerën poshtë rrugës.

Shkak i aksidentit deri më tani dyshohet se ka qenë pakujdesia dhe manovrimi i gabuar i shoferit pasi nuk janë vënë re gjurmë frenimi në asfalt.

Mëngjesin e sotëm një tjetër aksident me humbje jete ndodhi në rrugët e vendit. Në Mamurras, Taxia me 5 persona brenda doli nga rruga, duken lënë një 56-vjeçare të vdekur e tre të tjerë të plagosur. 

(a.b)/dosja.al

Sondazh

Poll

MË SHUMË