Aktualitet

A ka deputetë në hetim? Flet kreu i Prokurorisë së Përgjithshme, Olsian Çela

Gjatë raportimit të tij, Olsian Çela tha nuk mund të jepte më shumë detaje, pasi kjo gjë do të varej nga hetimet.

17 Maj 2022, 15:01 Nga DOSJA

A ka deputetë në hetim? Flet kreu i Prokurorisë së

TIRANË- Prokurori i Përgjithshëm, Olsian Çela tha se 12 çështje për korrupsion zgjedhor kanë shkuar për korrupsion zgjedhor në Prokurorinë e Posaçme kundër Korrupsionit dhe Krimit të Organizuar (SPAK) në Komisionin e Ligjeve. Gjatë raportimit të tij, Çela tha nuk mund të jepte më shumë detaje, pasi kjo gjë do të varej nga hetimet.

“Hetimi i atentateve e ngjarjeve të rënda është një sfidë e vështirë se mjaft herë kryhen në kuadër të krimit të organizuar përmes përdorimit të personave që paguhen e kërkon angazhim në disa nivele të të gjithë njësive ligjzbatuese. Sa herë ndodh një ngjarje ka një problem. A mund t’i parandalojmë? Edhe mundet. A duhet ti zbulojmë? Patjetër. Si operojnë prokuroritë? Në kontekstin që po flas duket sikur prokurorët nuk e bëjnë punën. Për ngjarjet kriminale duhet të pranojmë që këto ngjarje janë prioritare e nuk mund te them që korrupsioni apo rastet e shpërdorimit të detyrës mund të kenë influencuar në zbulimin e ngjarjeve të tilla, nuk ka asnjë dokument apo të dhënë që të jetë bërë zyrtare nga një hetim që të tregojë përfshirje të prokurorëve apo OPGJ në fshehjen e zbulimit të autorëve të këtyre veprave penale. Sa i përket deputetëve janë të paktën 12 çështje që kanë shkuar për korrupsion zgjedhor në SPAK, por nuk mund të them sot ka apo nuk ka deputetë të përfshirë në korrupsion zgjedhor se ka lidhje me hetimet. Ndërkohë prokuroria e posaçme ka të dhënat e veta që lidhen me subjektet e posaçme apo veprën penale. Do ishte e pasaktë nëse sot u konfirmoja një të dhënë,”-tha ai ndër të tjerat.

Sot, në Kuvend është dorëzuar raporti vjetor i Prokurorit të Përgjithshëm mbi gjendjen e kriminalitetit për vitin 2021 që përfshin shifra për ligjin e dekriminalizimit, veprat penale si dhe përqindjen e qarqeve. Kryeprokurori Olsian Çela, problemi kryesor me të cilin përballet organi i akuzës është pastrimi i parave.

(k.m/dosja.al)

Sondazh

Poll

MË SHUMË