Aktualitet

Operacioni “Kashnjeti”/ I mbante në dyqan, pranga 61-vjeçarit në Lezhë, i armatosur deri në dhemb me pushkë dhe kallas

27 Nëntor 2020, 10:07 Nga DOSJA
Operacioni “Kashnjeti”/ I mbante në dyqan, pranga

LEZHË– Një 61-vjeçar është vënë nën prangat e policisë për armëmbajtje pa leje. Policia e Lezhës gjatë operacionit të koduar “Kashnjeti” ka sekuestruar  një armë zjarri dhe një armë gjahu, të cilat 61-vjeçari i mbante në biznesin e tij.

Njoftimi i plotë:

Finalizohet operacioni policor i koduar “Kashnjeti”, për goditjen e armëmbajtjes pa leje. Operacioni nga Forca Operacionale në DVP Lezhë, në bashkëpunim me Komisariatin e Policisë Lezhë.

Sekuestrohen 1 armë zjarri dhe 1 armë gjahu. Arrestohet në flagrancë poseduesi i tyre. Në zbatim të planit të masave për evidentimin dhe ndëshkimin e personave që mbajnë armë pa leje, strukturat e DVP Lezhë, bazuar dhe në informacionet e siguruara në rrugë operative, zhvilluan dhe finalizuan operacionin policor të koduar “Kashnjeti”, në kuadër të të cilit u bë kapja dhe arrestimi në flagrancë i shtetasit:

-N. P., 61 vjeç, banues në Kashnjet, Lezhë.

Gjatë kontrollit të ushtruar në dyqanin e këtij shtetasi, shërbimet e Policisë gjetën dhe sekuestruan në cilësinë e provës materiale një armë zjarri automatik dhe një armë gjahu.

Materialet iu referuan Prokurorisë së Rrethit Gjyqësor Lezhë, për veprat penale “Mbajtja pa leje e armëve luftarake”dhe “Mbajtja pa leje e armëve të gjuetisë dhe sportive.

(k.m./dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet lezhe policia e lezhes lezhe policia e lezhes

Sondazh

Poll