Aktualitet

Policia reagon pas ngjarjes së rëndë! Ndëshkon 67-vjeçarin që tërhiqte zvarrë qenin pas makine: E kishte gjetur të ngor

25 Nëntor 2020, 19:14 Nga DOSJA
Policia reagon pas ngjarjes së rëndë! Ndëshkon

DURRËS– Policia e Durrësit ka proceduar 67-vjeçarin që lidhi me litar qenin pas makine dhe e tërhoqi zvarrë. Pasi fotot nga ngjarje e rëndë bënë xhiron e rrjetit, policia e Durrësit ka marrë vendimin që të shoqërojë në polici 67-vjeçarin me inicialet H.H., i cili është marrë në pyetje, është proceduar penalisht dhe është lënë i lirë.

Vetë drejtuesi i makinës, ka deklaruar para policisë se kafshën e gjorë e kishte gjetur të ngordhur në rrugë dhe e kishte lidhur për ta çuar në koshin e plehrave. 

Njoftimi i policisë Durrës

Duke marrë shkas nga një foto e publikuar në rrjetet sociale, ku paraqitej një kafshë (qen), duke u tërhequr pas një makine, në Durrës, ju sqarojmë se: Shërbimet e Komisariatit të Policisë Durrës, menjëherë identifikuan dhe shoqëruan në ambientet e Policisë, bashkë me mjetin e tij tip “Benz”, shtetasin H. H., 67 vjeç, banues në Durrës, i cili deklaroi se e kishte konstatuar kafshën (qenin), të ngordhur, në rrugë, në afërsi të banesës ku jeton, (bazuar kjo dhe nga dëshmitë e personave të tjerë, banues në atë lagje), dhe e kishte marrë për ta spostuar pranë koshit të mbeturinave. Në vijim të veprimeve seksioni për Hetimin e Krimit në Komisariatin e Policisë Durrës, procedoi penalisht shtetasin H. H., për veprën penale “Keqtrajtimi i kafshëve”. Materialet i kaluan Prokurorisë së Rrethit Gjyqësor Durrës, për veprime të mëtejshme.
Policia e Durrësit fton qytetarët të denoncojnë në numrin 112 dhe Komisariatin Dixhital çdo rast të paligjshmërisë në tërësi, duke ju garantuar anonimatin dhe reagim të shpejtë e të paanshëm.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet policia e durresit policia e durresit

Sondazh

Poll

Aktualitet 25 Nëntor 2020, 16:51

TIRANË– Ka humbur jetën pedagogia në Departamentin e Psikologjisë në Fakultetin e Shkencave Sociale, Kozeta Noti. Mësohet se Noti për fat të keq nuk ka mun...