TIRANË– Kreu i Vetëvendosjes në Shqipëri, Boiken Abazi ka komentuar në Facebook, fjalën e Taulant Ballës në lidhje me rezolutën për dënimin e gjenocidit të Serbisë.
Abazi shkruan se Balla as nuk e permendi termin “gjenocid”, as nuk pranoi që është e vonuar, as nuk foli kundër Vuçiçit, por tregoi qartë se këtë kauzë synon ta deformojë duke e shndërruar në përplasje PS-PD.
‘Taulant Balla tregoi sot se ka si synim vetëm ta transformojë këtë çështje në përplasje PS-PD, duke zhvendosur vëmendjen te hetimi i PD-së për votën në Këshill të Evropës në favor të investigimit të padrejtë bazuar mbi raportin e rrejshëm të Dick Marty, dhe hetimin e Lulzim Bashës dhe të tjereve si ai për angazhimin në UNMIK.‘- shkruan Abazi.
Postimi i plotë:
Rezoluta që dënon gjenocidin e Serbisë dhe loja e Taulant Ballës Taulant Balla foli sot në seancë plenare në lidhje me propozimin për rezolutën e vonuar të Kuvendit të Shqipërisë për njohjen dhe dënimin e gjenocidit të Serbisë. Balla as nuk e permendi termin “gjenocid”, as nuk pranoi që është e vonuar, as nuk foli kundër Vuçiçit, por tregoi qartë se këtë kauzë synon ta deformojë duke e shndërruar në përplasje PS-PD. Komisioni që Balla ka propozuar më herët nuk ka asnjë lidhje me kërkesën për rezolutën për njohjen dhe dënimin e gjenocidit të Serbisë nga Kuvendi i Shqipërisë. Madje, Balla tentoi ta relativizonte rëndësinë e kësaj rezolute të vonuar, pa përmendur se Shqipëria nuk e ka njohur kurrë zyrtarisht gjenocidin e Serbisë, pa treguar se Shqipëria do të ishte shteti i parë anëtar i OKB-së që do e njihte këtë gjenocid zyrtarisht përmes rezolutës, pa shpjeguar se termi “gjenocid” në të drejtën penale ndërkombëtare i tejkalon krimet e luftës, masakrat dhe spastrimin etnik, dhe e detyron Serbinë të mbajë përgjegjësi kolektive. Taulant Balla tregoi sot se ka si synim vetëm ta transformojë këtë çështje në përplasje PS-PD, duke zhvendosur vëmendjen te hetimi i PD-së për votën në Këshill të Evropës në favor të investigimit të padrejtë bazuar mbi raportin e rrejshëm të Dick Marty, dhe hetimin e Lulzim Bashës dhe të tjereve si ai për angazhimin në UNMIK. Rikujtojmë se Ilir Rusmali, i PD, që votoi në Këshill të Evropës në vitin 2011 në favor të investigimit bazuar mbi raportin e Dick Marty, u propozua më vonë nga Rama dhe u votua nga Kuvendi i kontrolluar nga PS, një herë si këshilltari kryesor i jashtëm për reformën aktuale zgjedhore që konsolidoi autoritarizmin elektoral në Shqipëri në favor të Ramës; pastaj, në tetor të këtij viti, po me propozim të PS, Rusmali u votua si një nga 5 anëtarët e KAS – Komisionit për Ankesa dhe Sanksione në KQZ, që do të menaxhojë zgjedhjet e 25 prillit. Është për t’u vlerësuar qëndrimi i sotëm i deputetëve Ralf Gjoni dhe Kostaq Papa që folën në seancë plenare për gjenocidin e Serbisë dhe nevojën për rezolutën e Kuvendit të Shqipërisë për ta njohur e dënuar këtë gjenocid. Në këtë pikë ata i bashkohen edhe deputetëve Mimi Kodheli dhe Erion Piciri, si dhe PDIU-së, që kanë kërkuar publikisht të miratohet kjo rezolutë në lidhje me gjenocidin e Serbisë, e cila nuk ka asnjë lidhje me lojrat e Taulant Ballës. Është e turpshme që ende të vonohet rezoluta në Kuvend, dhe aq më keq të transformohet. I bëjmë thirrje të gjithë deputetëve të Kuvendit ta çojnë para rezolutën pa u përfshirë në lojrat e Ballës, i cili nuk pati sot as guximin ta thoshte fjalën gjenocid nga foltorja e Kuvendit!
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Policia e Shtetit ka dhënë detaje në lidhje me operacionin ndërkombëtar të zhvilluar në 25 vende të Europës dhe të mbështetur nga Europol, pë...
TIRANË– Ditën e sotme policia e Tiranës ka arrestuar 4 shtetas, për vepra të ndryshme penale.Forca “Shqiponjat”, në bashkëpunim me Seksionin për Heti...
TIRANË– Një 33 vjeçar është ndaluar nga policia pasi ka kanosur me armë zjarri një shtetas.Ky shtetas, më datë 02.09.2020, në Rrogozhinë, pas ...
TIRANË– Arrestohet Erald Alimehmeti, vëllai i terroristit shqiptarë të dënuar në SHBA për mbështetje të terrorizmit, Sajmir Alimehmeti. Burime për Dosja.al...
DIBËR– Në qarkun e Dibrës 11 mësues janë karantinuar si të infektuar me Covid-19.Aktualisht në Bashkinë Dibër janë tre arsimtarë të infektuar, në bas...
OFL, 16 nëntorVijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.Në kuadër të zbatimit ...
TIRANË– Mjeku infeksionist, Pëllumb Pipero thotë se në rast se ka një respektim të masave anti-COVID, atëherë vendi ynë nuk do të kalojë në një mbyll...
PATOS– Shkolla e mesme ‘Sotir Capo’ në Patos zhvillon mësimin në natyrë. Ky është denoncimi i bërë nga nxënësit e shkollës për ‘Faxnews’. Ata tregojnë se prej 1...
TIRANË-Kreu i Prokurorisë së Apelit Shkodër Brahim Dragjoshi është shkarkuar nga detyra. KPK ka konstatuar probleme me burimin e pasurisë për shtëpinë e ti...