Art&Argëtim

VIDEO- “Më ulëriti nga mbrapa”/ Dojna Mema gjobitet nga policia për maskën, revolta e moderatores: Më kërcënu

31 Tetor 2020, 11:08 Nga DOSJA
VIDEO- “Më ulëriti nga mbrapa”/ Dojna Mema gjobitet nga

TIRANË- Moderatorja Dojna Mema ka ndarë një rrjetet sociale një moment të hidhur që i ka ndodhur dje në mbrëmje pasi ka dalë për të konsumuar një gotë verë me një mikeshën e saj. Mema, thotë se ka marrë gjobë për mosmbajtjen e maskës në rrugë, kur sipas saj, ajo ndodhej tri metra larg lokalit nga makina. Në disa story të njëpasnjëshme në Instastory, Mema ngre një tjetër shqetësim që sipas saj ka hasur në komunikimin me uniformat blu. Moderatorja thotë se mënyra sesi efektivët e kanë kërcënuar se do ta shoqërojnë në komisariat ka qenë harbute.

DENONCIMI I DOJNA MEMËS: 

Parkova makinën tek rrugica e ‘Salës’ dhe piva një gotë verë me shoqen time, dy lokale më poshtë. Që do të thotë, nga makina që parkova tek lokali, mund të jenë 3 metra distancë dhe për çështje shpejtësie nuk mora maskën se do futesha në lokal.

Dhe gjejni çfarë? Mora një gjobë! Ok, ishte faji im se dhe për ato 3 metra duhej ta kisha maskën me vete, por a mundet ju lutem të tregoheni pak më të sjellshëm kur ndaloni njerëzit në rrugë?! Në një formë totalisht harbute dhe gati-gati sikur kisha vjedhur diçka.

Ishte ndjesi shumë e shpifur se më erdhi një ulërimë nga mbrapa nga 2 policë të veshur me uniformë dhe nga një burrë që nuk ishte veshur me uniformë dhe që më bërtiste se do më çonte në komisariat nëse nuk nxirrja në moment kartën time të identitetit, duke i thënë që makinën e kam 2 metra më poshtë dhe duke e hapur makinën me çelës, sepse arrinte deri aty.

E kuptoj që të gjithë ndodhemi në një situatë shumë të vështirë, shumë ezauruese dhe për forcat e policisë, por ju lutem të tregoheni më të sjellshëm, sepse është vërtetë shumë e rëndë nga ana psikologjike të ndalosh dikë në rrugë dhe t’i thuash do të fus në komisariat.

Kjo, përpos faktit që unë mora gjobën për të cilën nuk refuzova ta merrja, apo refuzova ta paguaja në momentin që duhet ta paguaj. Thjesht pak më shumë njerëzillëk ju lutem!”,- është shprehur Dojna.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

showbiz showbiz dojna mema dojna mema merr gjobe vendimi per maskat dojna mema dojna mema merr gjobe vendimi per maskat

Sondazh

Poll

MË SHUMË