Aktualitet

DOKUMENTI/ Ministria e Arsimit kërkon një javë paraqitje fizike në universitete për studentët e vitit të parë, MSH: E pa

30 Tetor 2020, 19:05 Nga DOSJA
DOKUMENTI/ Ministria e Arsimit kërkon një javë paraqitje fizike

TIRANË– Ministria e Arsimit, ka kërkuar që studentët që e vazhdojnë për herë të parë vitin akademik, edhe pas urdhërit të Komitetit Teknik për të mbyllur Universitetet, të paraqiten javën e parë fizikisht. Përmes një shkrese zyrtare, MASR-ja ka kërkuar që këta studentë të vijnë në grupe të vogla dhe duke zbatuar rregullat e vendosura për Covid-19, në mënyrë që të njihen me mënyrën e mësimdhënies online.

Por, kjo kërkesë është refuzuar nga Ministria e Shëndetësisë. Përmes një shkrese të siguruar nga Dosja.al, MSH-ja shkruan se kjo gjë është e pamundur, dhe se gjithçka që ka lidhje me mësimdhënien në universitete të zhvillohet online dhe të dokumentohet në formë elektronike dhe të ketë mundësi kontrolli në çdo kohë për evidentimin e realizimit të tij.

Përgjigjia e Ministrisë së Shëndetësisë: 

Në zbatim të pikës 7, të nenit 57 të Kuhstetutës dhe të pikës 1, të nenit 3 të ligjit nr.80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, institucionet e arsimit të lartë gëzojnë liri akademike, autonomi financiare, organizative dhe të përzgjedhjes së personelit, në përputhje me legjislacionit në fuqi. Ministria e Arsimit, Sportit dhe Rinisë, vlerëson punën përgatitore dhe të gjitha masat e marra deri më tani nga IAL-të në respektim të akteve rregullatore, lidhur me masat dhe protokollet higjieno-sanitare mbi parandalimin e përhapjes së infeksionit Covid-19. Por ju bëjmë me dije, se, në vijim të propozimit të datës 90.10.2020, të Komitetit Teknik të Ekspertëve, për zhvillimin e procesit mësimor vetëm në distancë dhe pa prezencë fizike për një muaj nga institucionet e arsimit të martë, MASR me shkresë nr.5838 prot., datë 30.10.2020 i kërkoi Ministrisë së Shëndetësisë dhe Mbrojtjes Sociale që për studentët që fillojnë për herë të parë një program studimi, të lejohet prezenca e tyre në IAL., në grupe të vogla sipas një grafiku të përcaktuar, vetëm për javën e parë të vitit akademik, 2020-2021, në përputhje me rregullat e distancimit fizik, si dhe masat e protokollet e miratuara nga Instituti i Shëndetit Publik dhe MSHMS-ja me qëllim që këta studentë të njihen me rregullat e funksionimit të procesit të mësimdhënies pranë IAL-ve ku do të ndjekin programin e studimit dhe të njihen me procedurat e zhvillimit të procesit mësimdhënës në distancë. Ministria e Shëndetësisë dhe Mbrojtjes Sociale me shkresën nr. 4859/1 prot., datë 30.10.2020, të cilën e gjeni bashkëlidhur, sqaron se lejimi i prezencës së studentëve që fillojnë për herë të parë një program studimi, sipas një grafiku të përcaktuar, vetëm për javën e parë të vitit akademik, është i pamundur. Duke mbajtur në konsideratë sa më lart, MASR si institucion përgjegjës për hartimin e politikave në fushën e arsitmit të lartë, në zbatim të shkronjës ‘a’, të pikës, 2, të nenit 7 të ligjit nr. 80/2015, dhe në vijim të mirëadministrimit të procesit mësimdhënës, kërkon nga ana juaj, duke mos cënuar njëkohësisht lirinë akademike, autonominë financiare dhe organizative të parashikuar në nenin 3 të ligjit nr. 80-2015, në kuadër të të gjitha masave të ndërmarra, në përputhje me standartet shtetërore, të kapaciteteve akademike dhe infrastrukturore për vitin akademik 202-2021, procesi mësimdhënës, pavarësisht formës së mësimdhënies, të jetë i dokumentuar dhe në formë elektronike dhe të ketë mundësi kontrolli në çdo kohë për evidentimin e realizimit të tij.

Numri i të infektuarve sa vjen e rritet çdo ditë në Shqipëri. Gjatë 24 orëve të fundit, u raportuan 3 viktima dhe 319 të infektuar. Nga ana tjetër, Mira Rakacolli, zv/ministre e Shëndetësisë dhe kryetarja e Komitetit Teknik ka bërë me dije se masat janë shtrënguar. Dje u lajmërua për mbylljen e universiteteve për një muaj, të cilët do ta zhvillojnë mësimin online dhe për mbylljen e konvikteve. Në diskutim janë edhe mbyllja e bareve dhe restoranteve në zonën e ish-Bllokut, pas orës 22:00, gjithmonë nëse masat nuk zbatohen.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi mbyllen universitetet mbyllja e dyte ne shqiperi viktimat e koronavirusit ne shqiperi koronavirusi ne shqiperi mbyllen universitetet mbyllja e dyte ne shqiperi viktimat e koronavirusit ne shqiperi

Sondazh

Poll

Aktualitet 30 Tetor 2020, 15:48

ROSKOVEC– Grabitje me armë zjarri në Roskovec! Dy persona të maskuar dhe me armë në dorë, janë futur të grabisin një dyqan në Roskovec, në mes të ditës. Parapra...

MË SHUMË