Ekonomi

Banka Botërore miraton projektin 90 mln dollarë për të rritur tregtinë në Ballkan

19 Prill 2019, 13:44 Nga DOSJA
Banka Botërore miraton projektin 90 mln dollarë për të

“Kjo është faza e parë e një projekti prej 140 milionë dollarësh për të financuar projektimin, zhvillimin dhe zbatimin e iniciativave për të përmirësuar transparencën dhe integritetin, për të ulur kostot e transaksionit, për të përmirësuar koordinimin ndërmjet agjencive dhe për të zvogëluar kohën që duhet për tregtinë jashtë kufijve,” – tha Banka në një deklaratë ditën e enjte.

“Vonesat në kalimet kufitare në Ballkanin Perëndimor janë pesë herë më shumë se në vendet e tjera të BE-së dhe kamionët shpenzojnë rreth 26 milionë orë çdo vit, kjo është gati 3,000 vjet”,- tha drejtoresha rajonale e Bankës Botërore për Ballkanin Perëndimor, Linda Van Gelder.

Faza e parë e projektit do të sigurojë financim për Serbinë (40 milionë dollarë), Maqedoninë e Veriut (30 milionë dollarë) dhe Shqipërinë (20 milionë dollarë), vuri në dukje drejtoresha gjatë fjalës së saj, duke shtuar se parashikohet të zvogëlojë kostot vjetore të eksportit dhe importit për më shumë se 10%.

Sipas Bankës Botërore, projekti synon të rrisë tregtinë rajonale duke ulur masat jo-tarifore, kohën e nevojshme për të pastruar mallrat dhe kostot e përgjithshme për tregti.

“Projekti për lehtësimin e tregtisë dhe transportit në Ballkanin Perëndimor do të ndihmojë në lehtësimin e lëvizjes së mallrave në të gjithë rajonin duke futur një sistem kombëtar me dritare të vetme (NSW), duke lidhur agjencitë kyçe për të zvogëluar kohën e importit dhe eksportit përmes doganave të digjitalizuara, përmirësimin e infrastrukturës në vendkalimet kufitare dhe instalimi i teknologjisë kritike si sistemet inteligjente të transportit (ITS) dhe menaxhimi i trafikut të anijeve dhe sistemet e informacionit (VTMIS),”– tha Banka Botërore.

Megjithëse eksportet nga Ballkani Perëndimor mund të hyjnë në Bashkimin Evropian (BE) pa tarifa, vetëm 10-20% e firmave në rajon janë eksportues. Pajtueshmëria me procedurat, duke përfshirë inspektimet dhe doganat, koha e kaluar në kufi dhe pikat kalimtare zbut efikasitetin, rrit kostot dhe pengon tregtinë.

“Në Shqipëri, për shembull, 87% e firmave shqiptare shesin tërësisht në tregun vendas, 10% eksportojnë në BE dhe vetëm 3% shesin pjesën tjetër të Ballkanit Perëndimor”,- tha Banka Botërore.

Përfitimet e mëtejshme mjedisore nga projekti përfshijnë përdorimin më pak të letrës përmes digjitalizimit, rritjen e efikasitetit të energjisë në ndërtesat e reja dhe të rimodeluara dhe futjen e sistemeve të paralajmërimit të hershëm për të monitoruar rreziqet e ndryshimeve klimatike dhe parashikojnë ndërprerjet e tregtisë në rrjetin rrugor.

($ = 0,88815 euro)

Burimi: See News

L.K/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

ekonomi ekonomi ballkani perendimor banka boterore linda van gelder ballkani perendimor banka boterore linda van gelder

Sondazh

Poll

Ekonomi 17 Prill 2019, 09:27

Gra në misione paqeruajtëse? Jo mision i pamundur

Gjeneral majorja Kristin Lund, është gruaja e parë që ka drejtuar një mision paqeruajtës të OKB, atë të Qipros. Sot ajo drejton misionin e OKB dhe trupën paqeru...

MË SHUMË