TIRANË- E akuzoi kryeministri Edi Rama se kishte lejuar që të ndërtoheshin pallate në rërë, dhe nuk vonoi aksioni i Inspektoriatit të Mbrojtjes së Territorit, që e çoi në prokurori Isa Saken, si të akuzuarin kryesor për 7 ndërtime pa leje në Kavajë.
Dosja.al siguron relacionin e detajuar që IMT ka dorëzuar në prokurori.
Me firmën e kryeinspektores, Dallëndyshe Bici, ky institucion ka renditur shkeljet e bëra nga bashkia Kavajë e drejtuar nga Sakja, dhe dy zyrtarë të tjerë të IMT në Kavajë, Dritan Kazazi dhe Dëshira Qato.
Ata akuzohen se kanë shpërdoruar detyrën duke dhënë leje ndërtimi në kundërshtim me ligjin për 7 objekte shumëkatëshe në Bashkinë e Kavajës.
Objekti i parë është një hotel, 6 kate ndërtim dhe 1 kat parkim nëntokësor, i subjektit Murrizi shpk.
IMT sqaron se leja e ndërtimit për këtë objekt duhet të ishte 4 kate plus 1 kat atik.
Objekti i dytë për të cilin Isa Sakja është dërguar në prokurori është një ndërtesë 10 katëshe, e cila ka marrë lejen e ndërtimit për të bërë suvatime, rregullime dhe për të shtuar 1 kat, ndërkohë që pas inspektimeve është vërejtur se subjekti ka ndërtuar 2 kate shtesë.
Objekti i tretë është një karburant i cili ka kërkuar leje në bashkinë e Kavajës për të rregulluar tendën metalike. IMT sqaron se është kompetencë e Këshilli Kombëtar i Territorit që të japë leje të tilla, dhe jo e Isa Sakes.
Objekti i katërt është një ndërtesë e subjektit Dulla Konstruksion, 7 kate plus 1 kat bodrum dhe shërbim.
IMT sqaron se bashkia Kavajë ka dhënë leje ndërtimi për 8 kate, ndërkohë që kjo leje duhet të ishte për 6 kate.
Objekti i pestë, është një ndërtesë pesëkatshe, ku bashkia Kavajë nuk duhet të jepte një leje ndërtimi për më shumë se 2 kate plus bodrum.
Objekti i gjashtë për të cilin është kallëzuar Isa Sakja, është një leje ndërtimi të dhënë në maj të vitit 2018, dhe ndërkohë që punimet nuk kanë nisur.
Objekti i shtatë është një rindërtim vile, ku në leje është kërkuar që të ketë jo më shumë se 2 kate, ndërkohë që në realitet, IMT thotë se vila është shtuar në më shumë kate dhe sipërfaqe.
IKMT kërkon që prokuroria të hetojë dhe të vendos para përgjegjësinë Isa Saken, që sipas këtij institucioni ka përgjegjësi kryesore në këto shkelje.
Nga ana tjetër, kryebashkiaku i Kavajës, e ka quajtur kallëzimin penal një sulm politik nga kryeministri Edi Rama. Krah tij qëndron rreshtuar edhe Partia Demokratike. Siç shihet edhe në këtë relacion, kryetari do të ketë shumë punë për të provuar të kundërtën në këtë çështje.
Tirana është boshatisur për ditët e pushimit. Cilën nga ritet e shenjta po ndiqni:
Robert Bosch, ish-ambasador i OSBE-së në Tiranë e më pas ambasador i Holandës në Kosovë, ka një shpjegim për votën kundër Shqipërisë që dha vendi i tij. Zoti Bo...
DURRËS- Një tentativë përdhunimi ka ndodhur sot në qytetin e Durrësit. Sipas informacioneve që ka siguruar Dosja.al mësohet se një shtetas kanadez ka tentu...
TIRANË- Eksperti i Ekonomis, Pano Soko, të hënën në mbrëmje ka publikuar disa shifra se sa kushton një kilometër rrugë, duke e krahasuar me çimet që...
TIRANË– Bordi i Autoritetit të Mediave Audiovizive i ka tërhequr vëmendjen moderatores Roza Larti për shkelje të normave ligjore dhe etike. Në njofti...
TIRANË- Pas protestës së ditës së sotme të banorëve të Bregut të Lumit, ku nuk munguan përplasjet mes këtyre të fundit dhe policisë, Lëvizja Socialiste për...
TIRANË-Ish-deputeti Klevis Balliu ndodhet në zonën e Bregut të Lumit, ku fadromat po i prishin shtëpitë banorëve për të vijuar me projektin e Bulevardit të...
TIRANË- Autorieti i Mediave Audiovizive në mbledhjen e sotme ka shqyrtuar disa ankesa të qytetarëve dhe në fund ka vendosur që të gjobisë katër televizione...
TIRANË- Ish-kryeministri Sali Berisha, ka vijuar me publikimin e denoncimeve të mbërritura në adresën e tij.Me anë të një postimi në rrjetet sociale, Beris...
KAKAVIJË- Policia kufitare e Kakavijës ka bllokuar ditën e sotme një kuti me ilaçe kontrabandë në autobusin e linjës Greqi-Shqipëri. Gjatë kryerjes...
SHKODËR- Një aksident i rëndë është regjistruar mesditën e sotme në vendin e quajtur ish fermentimi në Shkodër. Nga të dhënat paraprake mësohet se dy mjete...
