Politike

Rikthimi i vizave për shqiptarët/ Kryemadhi: Vendimi efekt zinxhir

17 Prill 2019, 11:52 Nga DOSJA
Rikthimi i vizave për shqiptarët/ Kryemadhi: Vendimi efekt zinxhir

TIRANË- Kryetarja e LSI, Monika Kryemadhi ka komentuar kërkesën e parlamentit holandez për rikthimin e vizave për shqiptarët. Në një dalje për mediet, kryemadhi tha se krimi i organizuar shqiptar dhe kthimi i vizave mund të dëmtojnë dhe vetë procesin e integrimit të Shqipërisë në BE.

Deklarata e plotë e Monika Kryemadhit:

Fakti që bërtet dhe ulëret sot është që krimi i organizuar shqiptar, destabilizimi i brendshëm që ka vendosur Shqipërinë sot është sepse krimi tashmë është partneri më i ngushtë me qeverinë shqiptarë, janë partnerët dhe bashkëpunëtorët më të ngushtë të zyrtarëve të lartë të cilët kanë eksportuar dhe në vendet e BE.Holanda është vetëm një nga vendet që e ka ngritur këtë çështje por fatkeqësisht ky fenomen ka prekur edhe shumë vende të tjera të BE. Dua të kujtoj raportin e DASH, që e cilëson Shqipërinë si një bazë operacionale për organizatat e krimit të organizuar që operojnë në SHBA, Europë, Lindjen e Mesme dhe Amerikën e Jugut. Ky fenomen i ngritur zyrtarisht nga Holanda rrezikon të marrë një efekt zinxhir në debatin e ardhshëm të vendeve anëtare mbi procesin e integrimit europian dhe konkretisht për çeljen e negociatave që shqiptarët aspirojnë.

Kryemadhi tha se parlamenti holandez “konfirmoi plotësisht faktin se nuk janë protestat e opozitës apo djegia e mandateve  arsyet e mosçeljes së negociatave por kapja e shtetit, keqeverisja dhe kapja e të gjithë institucioneve nga krimi i organizuar”.

Ndërkohë ditën e djeshme Parlamenti Holandez,  ka votuar ‘PRO’  kërkesës së 5 grupeve parlamentare, VVD, CDA, SP, CU dhe PVV, (Lexo këtu) që detyrojnë qeverinë t’i kërkojë Komisionit Europian rikthimin e vizave për Shqipërinë.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike monika kryemadhi parlamenti holandez rikthimi i vizave per shqiptaret monika kryemadhi parlamenti holandez rikthimi i vizave per shqiptaret

Sondazh

Poll

MË SHUMË