TIRANË- Sekretari i Burimeve Njerëzore në Partinë Demokratike, Ervin Minarolli ka denoncuar se ndërtimin i rrugës Korçë-Ersekë është një vjedhje e pastër e qeverisë. Sipas Minarollit, rruga Korçë- Ersekë është një tender i paracaktuar me 5 fishin e çmimit.
“Rrisin koston në mënyrë artificiale, me qëllim që pjesa e vjedhur, të jetë sa më e lartë. Në rastin e rrugës Korçë-Ersekë, 1 kilometër rrugë do të kushtojë gati 5 milionë euro, me një kosto 5 herë më të lartë sesa segmentet e tjerë të po kësaj rruge.”, u shpreh ndër të tjera ai.
Deklarata e plotë:
Pak ditë më parë paralajmëruam një vjedhje flagrante të kësaj qeverie me rrugët. Bëhet fjalë për një segment 4 kilometra të rrugës Korçë-Ersekë, e cila është tenderuar me gati 5 – fishin e kostos dhe është fituar nga miqtë e Edi Ramës, Ndue dhe Agim Kola. Ndodhi siç e parashikuam ne, fituesi ishte i paracaktuar, tenderi ishte fiktiv. 4 kilometra rrugë do të kushtojnë 20 milionë euro, në vend që të kushtonin 4 milionë euro.
Është një vjedhje e pastër, si në çdo rrugë që ka tenderuar kjo qeveri. Nuk ka në Shqipëri qoftë edhe 1 kilometër rrugë, ku këta të mos kenë vjedhur miliona euro.
Rrisin koston në mënyrë artificiale, me qëllim që pjesa e vjedhur, të jetë sa më e lartë.
Në rastin e rrugës Korçë-Ersekë, 1 kilometër rrugë do të kushtojë gati 5 milionë euro, me një kosto 5 herë më të lartë sesa segmentet e tjerë të po kësaj rruge.
Kompania me lidhje direkte me Edi Ramën, e ka fituar këtë tender pothuajse me vlerën maksimale të fondit të shpallur, thënë ndryshe me 98% të fondit limit. Skema e korrupsionit është fare e qartë.
Qeveria hap tenderin 20 milionë euro 4 kilometra. Miqtë e kryeministrit marrin pjesë në garë, paraqesin ofertën më të lartë dhe fitojnë në një garë fiktive, pasi kompanitë e tjera pjesëmarrëse kanë mungesë dokumentacioni.
Kjo është një praktikë korruptive, e kthyer ne norme nga kjo qeveri. Tenderi paracaktohet dhe kompanitë e tjera garojnë në mënyrë fiktive.
Me Edi Ramën kryeministër gara për tendera nuk ekziston. Gjithçka është e paracaktuar përmes korrupsionit.
Segmenti i parë i rrugës Korçë – Ersekë ka nisur ndërtimin që në vitin 2012. E gjithë rruga ishte projektuar me 1 milionë euro kilometri, por në muajt e fundit në pushtet, qytetarët po zhvaten me babëzinë më të madhe dhe 4 kilometra kushtojnë 20 milionë euro. Me kaq shumë parà, mund të ndërtohej e gjithë pjesa e mbetur e rrugës.
Kusuret e kësaj afere do t’i paguajnë , të parët, banorët e zonës, të cilët duhet të presin të largohet Edi Rama që kjo rrugë të përfundojë. Pas tyre, të gjithë shqiptarët që po vidhen çdo ditë nga kjo qeveri plaçkitësish.
Partia Demokratike e ka bërë të qartë për çdo kompani që bashkëpunon me qeverinë në vjedhjen e qytetarëve gjatë këtyre muajve të fundit të qeverisë. Ata do të mbahen njësoj përgjegjës si ortaku i tyre në krim, kryeministri në ikje Edi Rama.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Rabjana Shima është një prej shumë bizneseve të vogla në Tiranë. Që prej vitit 2007 kur ka hapur minimarketin në një lagje të Tiranës, ajo mban fam...
FUSHË KRUJË – Kryeministri Edi Rama ka shkuar sot për të inspektuar nga afër kantierin e lagjes së re në Fushë-Krujë. I shoqëruar nga deputeti i zonës...
TIRANË- Këtë të hënë Partia Demokratike ka nisur fazën finale për skanimin e kandidatëve për deputetë. Të shtunën, u mbyllën edhe votimet në qarkun e Tiran...
TIRANË– Komisioni i Ligjeve ka miratuar me 15 vota pro, asnjë abstenim dhe vetëm 1 kundër, atë të Adriatik Alimadhit, projektligjin “Për gjendjen civile” t...
TIRANË– Gjëja që ka rënë më shumë se shumë në dy gjatë mbledhjeve të Komisioneve, kanë qënë urime për ditëlindje që kolegët u kanë bërë njëri-tjetrit...
TIRANË– Paraditen e sotme janë prezantuar anëtarët e rinj të Komisionit Shtetëror të Zgjedhjeve ose e njohur ndryshe si KQZ-ja. Komisioneri Shtetëror, Ilir...
TIRANË– Kryeministri Edi Rama mblodhi këtë të hënë të gjithë drejtuesit politikë të qarqeve të Partisë Socialiste. Mbledhja, e cila u zhvillua në ambientet...
TIRANE-Kryeministri Edi Rama ka folur për mediat nga selia e Partisë Socialiste. Rama është shprehur se nëse ndryshimet në Kodin Zgjedhor do të kthehen në parla...
TIRANË- Këtë të hënë Presidenti Ilir Meta i është përgjigjur akuzave të kryeministrit Edi Rama në lidhje me zgjedhjen e tij në krye të presidencës dhe qënd...