SHKODËR- Policia e Shkodrës zbardh vrasjen vrasjen e dyfishtë të ndodhur në Malësinë e Madhe. Uniformat blu bëjnë me dije sepasditen e djeshme janë gjetur në malet e fshatit Vrith në vendin e quajtur “Rrenza e Grecajve”, dy trupat e pajetë të Vilson Çutajt, 37 vjeç dhe Klement Pepaj, 21 vjeç.
Për këtë ngjarje Policia ka shpallur në kërkim 25-vjeçarin, Danjel Pepaj, mbi të cilin rëndojnë veprat penale: “Vrasja në rrethana cilësuese”, “Armëmbajtja pa leje” dhe “Kultivimi i bimëve narkotike”. Policia thekson se për kapjen e 25-vjeçari është kërkuar ndihma e homologëve fqinj.
Ndërkohë është arrestuar babai i Danjel Pepajt, Rrok Pepaj, pasi dyshohet se në bashkëpunim me djalin e tij , në fshatin Vrith kanë kultivuar 29 bimë nartoktike, që janë gjetur në vendin e ngjarjes.
Njoftimi i Policisë:
Strukturat e Drejtorisë Vendore të Policisë Shkodër, menjëherë pas marrjes së njoftimit për humbjen e kontakteve të tre të rinjve me familjarët e tyre në Malësinë e Madhe, organizuan grupe kontrolli në të gjithë zonën duke përdorur edhe dronë.
Njëkohësisht u ngrit një grup i posaçëm hetimor me specialistët më të mirë të Hetimit të Krimit në DVP Shkodër dhe në Departamentin e Policisë Kriminale në Policinë e Shtetit dhe nën drejtimin e Prokurorisë së Rrethit Gjyqësor Shkodër, vijoi puna për zbardhjen e ngjarjes, pasi dyshohej se të rinjtë mund të ishin vrarë.
Pas kërkimeve intensive në malet e fshatit Vrith, Malësi e Madhe, në vendin e quajtur “Rrenza e Grecajve”, u bë e mundur gjetja e trupave të pajetë të dy të rinjve, Vilson Çutaj, 37 vjeç dhe Klement Pepaj, 21 vjeç.
Nga veprimet e para hetimore rezultoi se këta dy shtetas ishin vrarë me armë zjarri. Gjithashtu, nga këqyrja e vendit të ngjarjes dhe kontrollit përreth vendit të ngjarjes u gjetën të kultivuara 29 bimë kanabis.
Në lidhje me këtë ngjarje u arrestua në flagrancë për veprën penale “Kultivim i bimëve narkotike”, shtetasi Rrok Pepaj, lindur dhe banues në fshatin Vrith, Malësi e Madhe, pasi dyshohet se në bashkëpunim me djalin e tij Danjel Pepaj, 25 vjeç, në fshatin Vrith, Malësi e Madhe janë personat që kanë kultivuar 29 bimët narkotike të gjetura në vendin e ngjarjes.
Në vijim të veprimeve hetimore të kryera nga grupi i posaçëm hetimor për zbardhjen e ngjarjes, si rezultat i provave e informacioneve të grumbulluara dhe veprimeve të shpejta profesionale është bërë shpallja në kërkim e autorit të dyshuar të vrasjes së dy të rinjve, konkretisht e shtetasit Danjel Pepaj, 25 vjeç, banues në fshatin Vrith, Malësi e Madhe, për veprat penale “Vrasja në rrethana cilësuese”, “Armëmbajtja pa leje” dhe “Kultivimi i bimëve narkotike”.
Vijon puna intensive, në bashkëpunim edhe me homologët e vendeve fqinjë, për të bërë të mundur lokalizimin e vendndodhjes, kapjen dhe arrestimin e autorit të dyshuar Danjel Pepaj.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
DURRËS- Pak minuta më parë ka ndodhur një aksident tek“Ura e Dajlanit” në Durrës. Mësohet se një makinë tip “Ford” është përplasur me një mjet tjetër. Si ...
BERAT-Tre persona janë arrestuar ditën e sotme në Beratit për ‘kultivim të lëndëve narkotike’ dhe për ‘përndjekje’. Personi Sh.S është arrestuar në fshatin Tërp...
SHKODËR- Policia e Shkodrës ka shpallur në kërkim Indrit Shtegun, i cili akuzohet se ka rrahur në mënyrë brutale efektin e Rrugores, Hysni Idrizi.Mësohet s...
GJIROKASTËR- Kapen 30 mijë euro të padeklaruara në pikën Kufitare të Kakavijës.Mësohet se në prangat e policisë ka rënë një 30-vjeçar nga Saranda, i...
DURRËS– Një 25-vjeçar me inicialer M.Gj., është vënë në [ranga nga Policia e Durrësit pasi Gjykata e Ravenës, Itali, më datë 31.08.2020, ka lë...
SHKODËR– Rrok Pepaj, babai i Daniel Pepajt është vënë në pranga një ditë pas gjetjes së trupave të dy të rinjeve, Klement Pepaj dhe Vilson Çutaj. Më...